Тромбо АСС

Қазақстан Республикасы 

Денсаулық сақтау министрлігі Mедициналық және 

фармацевтикалық қызметті 

бақылау комитеті Төрағасының 

20_ жылғы “____” ___________

№ _____ бұйрығымен

БЕКІТІЛГЕН

Дәрілік заттың медицинада қолданылуы              

жөніндегі нұсқаулық

Тромбо АСС®

Саудалық атауы

Тромбо АСС ®

Халықаралық патенттелмеген атауы 

Ацетилсалицил қышқылы

Дәрілік түрі

Ішекте еритін үлбірлі қабықпен қапталған 50 мг және 100 мг таблеткалар 

Құрамы 

Бір таблетканың құрамында  

белсенді зат  – 50 мг немесе 100 мг ацетилсалицил қышқылы,

қосымша заттар: лактоза  моногидраты, микрокристалды целлюлоза, коллоидты кремнийдің қостотығы, картоп крахмалы, 

қабықтың құрамы: тальк, триацетин, метакрил қышқылы– этилакрилат сополимері (1 : 1) 30 % дисперсия1

1 22.63 мг суспензия 6.79 мг құрғақ затқа сәйкес келеді (50 мг доза үшін)

   33.95 мг суспензия 10.185 мг құрғақ затқа сәйкес келеді (100 мг доза үшін)

Сипаттамасы 

Дөңгелек пішінді, екі беті дөңес, ақ түсті қабықпен қапталған таблеткалар. 

Фармакотерапиялық тобы

Анальгетиктер. Басқа да анальгетиктер-антипиретиктер. Салицил қышқылы және оның туындылары. Ацетилсалицил қышқылы.

АТХ коды N02BA01

Фармакологиялық қасиеттері 

Фармакокинетикасы

Қолданған кезде препарат аш ішекте сіңеді, өйткені асқазан сөлінің әсеріне төзімді қабығы бар. Препараттың плазмадағы ең жоғарғы деңгейлері оны қолданғаннан кейін  3 сағаттан соң байқалады.

Ферменттердің әсерінен ацетилсалицил қышқылы (АСҚ) бауырда және ішінара аш ішектің шырышты қабығында салицилқышқылына гидролизденеді. Бұдан өзге, салицил қышқылы бауырда глюкорондалады. Ферменттік эстераза белсенділігі салдарынан, ацетилсалицил қышқылының плазмадағы концентрациясы жылдам төмендейді, бұл кезде негізгі метаболиті – салицил қышқылының концентрациясы – артады және  препаратты қабылдағаннан кейін  4 сағаттан соң ең жоғарғысына жетеді. 

Ацетилсалицил қышқылы мен салицил қышқылының организм тіндері мен сұйықтықтарында таралуы көбінесе пассивтідиффузия арқылы жүзеге асырылады, ол pH деңгейі мен концентрациясына байланысты. Сондықтан салицилаттар тіндерде pHтөмен мәндерімен жинақталады.

Салицилаттардың таралу көлемі дозасына тәуелді. Төмен (тромбозға қарсы) дозаларын қолданғанда ол 0,2 л/кг жуықты құрайды, бұл қан плазмасы ақуыздарымен байланысуының жоғарылығына – 89-дан 90%-ға дейін екендігіне байланысты көбінесе жасушадан тыс таралатындығын көрсетеді.

Ацетилсалицил қышқылының қандағы жартылай ыдырау кезеңі 15-тен 20 минутқа дейінді құрайды. Ацетилсалицил қышқылы толық өзгеріске ұшырайды  және сондықтан да организмнен тек метаболиттер түрінде несеппен шығарылады. Ацетилсалицилқышқылының емдік дозаларын қолданғанда, оның алғашқы метаболиті – салицил қышқылы несепте, көбінесе глициндікконъюгат түрінде (салицилнесеп қышқылы – 75%), сондай-ақ эфир және эфир  глюкуронидтері түрінде (5-тен 10%-ға дейін)және бос салицил қышқылы (10%) түрінде анықталады

Несептегі pH артуы, мысалы, бикарбонат инфузиясы кезінде, салицилаттардың бөлініп шығуын (5-10 есе) едәуір арттырады.

Фармакодинамикасы

Ацетилсалицил қышқылы қабынуға қарсы стероидты емес дәрі болып табылады. Төмен дозаларын тағайындаған кезде (30-300 мг) ацетилсалицил қышқылының негізгі әсер ету механизмі циклооксигеназа ферментінің белсенділігін жою болып табылады, соның нәтижесінде арахидон қышқылынан простагландиндердің, простациклиндердің және тромбоксанның синтезделуі бұзылады. Тромбоциттердегі тромбоксан А2 синтезінің қайтымсыз бұзылуына ацетилсалицил қышқылының антиагреганттық әсері түрткі болады. Бұдан өзге, ацетилсалицил қышқылы тромбоциттердің босап шығу реакциясын бөгейді, соның нәтижесінде АДФ (аденозиндифосфат), серотонин, тромбоциттердің белсенділену факторы және т.б. сияқты тромбоциттер агрегациясын туғызуға қабілетті субстанциялар көп мөлшерде бөлініп шығады. 30-300мг дозаларда АСҚ тамыр қабырғасының зақымданған  эндотелийінде тромб түзілуін тиімді тежейді, тромбоцитарлық тромбтың өсуін болдырмайды. Осылайша, ацетилсалицилқышқылының, тромбоциттер агрегациясының жоғарылауымен байланысты аурулардың алдын алу мен емдеуге бағытталған тромбоцитке қарсы әсері білінеді. Препарат церебральді-васкулярлық аурулары, шеткергі артериялар аурулары, жүректің ишемиялық ауруы (соның ішінде миокард инфарктісі) және басқа да қантамырлық аурулары бар тромбоциттер функциясын жақсартады. Бұдан өзге, ацетилсалицил қышқылы тромбоэмболия құбылыстарын азайтады және емделушілерде (жүрегіне операция жасағаннан кейін) рестеноздар санын азайтады.

Қолданылуы 

- стенокардиясы бар емделушілерде миокард инфарктісінің бастапқы және екіншілік профилактикасында

-  жүректің ишемиялық аурулары бар науқастар арасындағы миокард инфарктісінің қайталану қаупін төмендетуде

- ишемиялық тип бойынша ми қанайналымы бұзылуларының және инсульттің алдын алуда 

- тромбоздар мен эмболиялардың, соның ішінде олардың туындау қаупі жоғары емделушілерде (жүрек пен қантамырларға жасалған, аортокоронарлық шунттау операцияларынан кейінгі) профилактикасында 

- қант диабеті кезіндегі жүрек-қантамыр патологиясының профилактикасында

Қолдану тәсілі және дозалары 

Ішекте еритін үлбірлі қабықпен қапталған Тромбо АСС таблеткаларын тәуліктің белгілі бір уақытында ішке, шайнамай, аздаған сумен ішіп қабылдау керек. Үлбірлі қабығының бүтіндігін сақтау үшін таблетканы бөлмеу ұсынылады. Жоғарыда атап көрсетілген көрсетілімдер кезінде ұсынылатын дозасы күніне бір рет 50-ден 300 мг дейінді құрайды. Егде жастағы емделушілерде дозасын түзету қажет емес. Ең жоғарғы тәуліктік дозасы 300 мг.

Препаратты ұзақ уақыт бойы төмен дозаларда қабылдау ұсынылады. Дозасы мен емдеу ұзақтығын емдеуші дәрігер белгілейді.

Жағымсыз әсерлері

Жиі 

-    асқазан-ішек жолы тарапынан болатын бұзылулар (қыжыл, жүрек айнуы, құсу, эпигастрийдің ауыруы, диарея)

-    асқазан-ішек жолынан микроқанкетулер

Кейде 

-          қан кетулер және асқазан-ішек жолының ойық жаралары (белгілері нәжістің қараюы немесе қан аралас құсу болып табылады)

Сирек 

-          тромбоцитопения, қан кету уақытының ұзаруы, лейкопения 

-          жоғары сезімталдық реакциялары (бронх түйілуі, ангионевротикалық ісіну, тері бөртпелері, анафилактикалық реакциялар, Квинке ісінуі, кардио-респираторлық дистресс)

-          демікпе ұстамасы

-          асқазан-ішек жолы тарапынан болатын бұзылулар (жүрек айнуы, құсу, диарея)

-          темір тапшылығы анемиясына алып келуге қабілетті асқазан-ішектен жасырын қан кетулер

-          етеккір оралымының ұзаруы

-          бронх демікпесі ұстамаларының туындауы

-          препараттың жоғары дозаларымен ұзақ уақыт емдеу кезінде бүйрек тарапынан бұзылулары болуы мүмкін  (гематурия, нефропатия, лейкоцитурия, альбуминурия)

Өте сирек

-          гипогликемия

-          подагра ұстамасы

-          бас ауыруы, бас айналуы, сананың шатасуы 

-          естудің нашарлауы, құлақтағы шыңыл

-          бауыр трансаминазалары белсенділігінің жоғарылауы

-          миға қан құйылу (әсіресе бақыланбайтын артериялық гипертензиясы бар емделушілерде).

Қолдануға болмайтын жағдайлар

-   салицил қышқылы мен оның туындыларына немесе стероидты емес ауыруды басатын/қабынуға қарсы дәрілерге (ҚҚСП), сондай-ақ қосымша заттарына жоғары сезімталдық

-   асқазан-ішек жолының өршу сатысындағы ойық жаралы ауруы

-   геморрагиялық диатез, тромбоцитопения, гемофилия

-   бүйрек жеткіліксіздігі және оксалурия

-   бауырдың айқын жеткіліксіздігі

-   жүректің бақыланбайтын айқын жеткіліксіздігі

-   аптасына 15 мг немесе одан да көп дозада метотрексатты қатарлас қолдану 

-   гипопротромбинемия 

-   глюкоза-6-фосфатдегидротаза тапшылығы

-    жүктілік және лактация кезеңі

-    18 жасқа дейінгі балаларға

-    тұқым қуалайтын фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы

Дәрілермен өзара әрекеттесулері

Тромбо АСС күшейтеді:

- антикоагулянттардың және антиагреганттық препараттардың әсерін (мысалы, варфарин мен басқа кумарин туындыларының, гепариннің, дипиридамолдың, сульфинпиразонның)

- тромбоциттер агрегациясының басқа тежегіштерінің әсерін, мысалы тиклопидиннің, клопидогрелдің: қан кету уақытын ұзартуы мүмкін 

- диабетке қарсы препараттардың әсерін – сульфонилмочевина туындыларының гипогликемиялық әсерін 

- қабынуға қарсы стероидты емес және ревматизмге қарсы дәрілердің жағымды және жағымсыз әсерлерін

- метотрексаттың жағымсыз және жағымды әсерлерін

- глюкокортикоидтармен немесе алкогольмен бір мезгілде қолданғанда асқазан-ішектен қан кету қаупін

- қан плазмасындағы дигоксин, барбитураттар мен литий концентрациясын

- сульфаниламидтік препараттар мен сульфаниламидтер біріктірілімдерінің, соның ішінде ко-тримоксазолдың әсерін

- трийодтирониннің әсерін

- вальпрой қышқылының әсерін.

Препарат әлсіретеді:

- альдостерон антагонистерінің әсерін (спиронолактон және канренон)

- ілмектік диуретиктердің әсерін (мысалы, фуросемид)

- урикозуриялық препараттардың әсерін (пробенецид, сульфинпиразон)

- АӨФ тежегіштерінің әсерін.

Тетрациклиндерді бір мезгілде қабылдағанда сіңбейтін кешендер түзілуі мүмкін. Осылайша, бұл препараттарды қабылдаулар арасында кемінде 1-3 сағат аралықты сақтау қажет.

Циклоспорин  немесе такролимусты қатарлас қабылдауда сақ болу қажет.

Тромбо АСС пен жоғарыда атап келтірілген препараттарды кешенді қолдану қажет болса, олардың аралығы кемінде 1-3 сағатты құрауы тиіс.

Айрықша нұсқаулар

Тромбо АССты төмендегі жағдайларда сақтықпен тағайындау керек:

- ҚҚСП қолдануға жоғары сезімталдық реакциялары туралы сыртартқыдағы мәліметтер

- бронх демікпесі, пішен қызбасы, мұрынның шырышты қабығының ісінуі, тыныс алу мүшелерінің созылмалы аурулары

- антикоагулянттармен (гепаринмен төмен дозада емдеуді қоспағанда, кумарин туындыларымен, гепаринмен) қатарлас емдеу

- асқазан-ішек жолының эрозиялы-ойық жаралы және қабыну аурулары өршімей тұрғанда 

- бауыр немесе бүйрек тарапынан болатын функционалдық бұзылулар

Хирургиялық шараларды жүргізер алдында (тіпті стоматологиялық операция сияқты елеусіз араласулардың алдында да) дәрігерге үлбірлі қабықпен қапталған Тромбо АСС таблеткаларын қабылдап жүргеніңіз туралы айту және ацетилсалицилқышқылының антиагреганттық әсерін ескеру қажет. Қан кету уақыты ұзаруы мүмкін.

Басқа салицилаттардың немесе қабынуға қарсы стероидты емес /ревматизмге қарсы дәрілердің қосымша қабылдануын болдырмау керек.

 Препараттың жоғары дозаларын бірнеше жыл бойы қабылдаған жағдайда бүйрек жеткіліксіздігі дамуы мүмкін. Ауық-ауық бүйрек функциясын бақылап отыру қажет.

Тромболитикалық ем тағайындалған емделушілерде  сыртқы немесе ішкі қан кету белгілерінің (мысалы, гематоманың) бар-жоқтығын тексеру ұсынылады.

Төмен дозаларда ацетилсалицил қышқылы несеп қышқылының шығарылуын төмендетеді, бұл осыған бейім емделушілердеподагра ұстамаларын тудыруы мүмкін.

Препараттың құрамында лактоза моногидраты бар. Сирек тұқым қуалайтын мәселелер, галактозаны көтере алмаушылық, Лапп лактаза тапшылығы немесе глюкоза және галактоза мальабсорбциясы синдромы бар емделушілерге бұл препаратты қабылдау ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Бас айналуы, сананың шатасуы сияқты жағымсыз әсерлердің даму мүмкіндігін ескере отырып, көлік құралын немесе қауіптілігі зор механизмдерді басқаруда сақ болу қажет.

Артық дозалануы

Әдетте жүйке жүйесі тарапынан болатын ұйқышылдық, бас айналуы, сананың шатасуы немесе жүрек айнуы сияқты (салицил қышқылымен немесе оның қосылыстарымен улану) бұзылулармен қатар жүретін ацетилсалицил қышқылымен созылмалы артық дозалану мен жедел улануды ажырата білу керек.

Жедел улану симптомдары:  қышқыл-сілтілік теңгерімнің ауыр бұзылуы. Тіпті емдік дозаларында да тыныс алудың жиілеуі аясында респираторлық алкалоз туындауы мүмкін. Оның орны гидрокарбонаттың бүйрекпен шығарылуының артуымен толтырылады, сондықтан қандағы pH мәндер шегінде қалыпты болып қала береді. Уытты дозаларында мұндай орын толтырылуы жеткіліксіз болып табылады, сондықтан қандағы pH пен гидрокарбонат концентрациясы төмендейді. Қандағы  pCO2 мәндері қалып шегінде болуы мүмкін. Сыртқы белгілері метаболизмдік ацидоздың клиникалық көрінісін білдіреді. Негізінен мұндай құбылыстар респираторлық және метаболизмдік ацидоздың бірігуі болып табылады, оның себептері: уытты дозалары туғызған тыныс алудың нашарлауы, ішінара бүйрек арқылы шығарылуының төмендеуі себепті көмірсу алмасуының бұзылуынан туындаған қышқыл (күкірт және фосфор  қышқылы, сондай-ақ салицил, сүт, ацетосірке қышқылы және т.б.) жинақталуы болып табылады. Бұдан өзге, электролиттік теңгерім бұзылады және ауқымды калий жоғалуы туындайды.

Жеңіл немесе орташа дәрежелі жедел улану (200-400 мкг/мл): қышқыл-сілтілік теңгерімнің бұзылуы,  электролиттік теңгерім бұзылуы (мысалы, калий жоғалтылуы), гипогликемия, терінің бөртуі, асқазан-ішектен қан кету, гипервентиляция, құлақтағы шыңыл, жүрек айнуы, құсу, көру мен естудің нашарлауы, бас ауыруы, бас айналуы және сананың шатасуы болуы мүмкін.

Ауыр улану (400 мкг/мл астам): сандырақтау жағдайлары, тремор, ентігу, қатты терлеу, эксикоз, гипертермия және кома дамуы мүмкін.

Өліммен аяқталатын уланулар: өлім әдетте тыныстың тоқтап қалуымен білінеді.

Емі: ацетилсалицил қышқылымен уланған кезде емді таңдау уланудың ауырлығына, дәрежесі мен клиникалық симптомарына негізделеді. Ем ретінде белсенді затының сіңуін  төмендетудің,  су және  электролиттік теңгерімді бақылауға алудың, сондай-ақ термореттелу мен тыныс алуды қалыпқа түсірудің  әдеттегі шаралары қабылданады.

Ең алдымен дәрілік заттың шығарылуы мен қышқыл-сілтілік және электролиттік ттеңгерімді қалыпқа түсіруге ықпал ететін шараларға көңіл бөлінуі тиіс. Бикарбонат және калий хлориді ерітінділерін көктамыр ішіне енгізуден бөлек, диуретиктерді тағайындауға болады. Салицилаттардың иондану дәрежесін арттыру және өзекшелік кері сіңірілуді төмендету үшін несеп сілтілі болуы тиіс.

Қандағы pH, pCO2 көрсеткішін, гидрокарбонат, калий және т.б. деңгейін бақылау ұсынылады. Ауыр жағдайларда қарқынды емдеу қажет болуы мүмкін (қарқынды сілтілік диурез, гемодиализ), құрысулар кезінде диазепамды қабылдау.

Шығарылу түрі және қаптамасы

10 немесе 20 таблеткадан поливинилхлоридті үлбір мен баспалы лакталған алюминий фольгадан жасалған пішінді ұяшықты қаптамаға салады.

3 пішінді қаптамадан (10 таблеткадан) немесе 5 пішінді қаптамадан (20 таблеткадан) медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі 

3 жыл

Препаратты жарамдылық мерзімі өткеннен кейін пайдалануға болмайды.

Босатылу шарттары

Рецептісіз 

 Өндіруші 

«G.L. Pharmа GmbH.», Industriestraße 1, A-8502 Lannach, Австрия  

Тіркеу куәлігінің иесі

«Валеант» ЖШҚ, Мәскеу, Ресей 

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Валеант» ЖШҚ ҚР өкілдігі

Қазақстан, 050059, Алматы қ.,  Әл-Фараби д-лы,17 үй, 

4Б блок, 1104 кеңсе

 Телефон +7 727 3 111 516               Факс +7 727 3 111 517

  Электронды поштасы        Office.KZ@valeant.com