Арифон ретард

Дәрілік заттың медицинада қолданылуы

жөніндегі нұсқаулық

АРИФОНÒ РЕТАРД 

Саудалық атауы

АрифонÒ Ретард

Халықаралық патенттелмеген атауы

Индапамид

Дәрілік түрі

Ұзақ әсер ететін үлбірлі қабықпен қапталған 1,5 мг таблеткалар

Құрамы

Бір таблетканың құрамында 

белсенді зат - 1,5 мг индапамид, 

қосымша заттар: гипромеллоза, лактозаның моногидраты, магний стеараты, повидон, сусыз коллоидты кремнийдің қостотығы,

үлбірлі қабық құрамы: глицерол, гипромеллоза, макрогол 6000, магний стеараты, титанның қостотығы (Е171)

Сипаттамасы 

Ақ түсті үлбірлі қабықпен қапталған дөңгелек таблеткалар. 

Фармакотерапиялық тобы

Диуретиктер. Генле ілмегі кортикальді сегментіне әсер ететін тиазидті емес диуретиктер. Сульфонамидтер. Индапамид.

АТХ коды С03ВА11

Фармакологиялық қасиеттері

Фармакокинетикасы

АрифонÒ Ретард таблеткаларында белсенді зат арнайы матриксті негізге дисперсияланған, бұл оның біртіндеп босап шығуын және ұзақ әсер етуін қамтамасыз етуге мүмкіндік береді. 

Сіңуі

Босап шығатын белсенді зат тез және толықтай асқазан-ішек жолында сіңеді. Тамақтану препараттыңсіңу жылдамдығын біршама бәсеңдетеді, бірақ сіңген заттың мөлшеріне ықпал етпейді.

Қан сарысуында препараттың ең жоғары деңгейіне (Смах) бір рет қабылдағаннан кейін 12 сағаттан соңжетеді. 

Қайталап қабылдаған кезде индапамидтің қан плазмасындағы концентрациясының құбылуы екі дозаны қабылдау аралығында мардымсыз болады.

Таралуы

Индапамидтің қан плазмасы ақуыздарымен байланысуы 79% құрайды.

Жартылай шығарылу кезеңі (Т1/2) 14-тен 24 сағатқа дейінді (орташа алғанда 18 сағат) құрайды.

Тепе-тең концентрациясы ұдайы қабылдағанда 7 күннен соң анықталады.

Препаратты қайталап қабылдағанда ол организмде жинақталмайды.

Метаболизмі және шығарылуы

Индапамид биотасымалға ұшырайды және белсенді емес метаболит түрінде, негізінен несеппен бірге - 70% және нәжіспен бірге – 22 %-ы шығарылады.

Бүйрек жеткіліксіздігіне шалдыққан науқастарда фармакокинетикалық параметрлері өзгеріске ұшырамайды.

Фармакодинамикасы

АрифонÒ Ретард препаратының белсенді заты - индапамид – индолды сақинасы бар сульфонамид туындысы. Оның фармакологиялық қасиеттері  тиазид диуретиктерімен ұқсас, олардың әсері натрий мен хлоридтердің, аз дәрежеде калий мен магнийдің кері сіңірілуін тежеумен байланысты, сонысымен диурезді арттырады және 24 сағат сақталатын антигипертензиялық әсер етеді.

Препараттың әсері артерия қабырғалары серпінділігінің жақсаруымен және артериялық және жалпы шеткергі қантамырларындағы кедергінің төмендеуіне байланысты.

АрифонÒ Ретард кардиомиоциттердің мөлшерін азайту және коллаген/эластин арақатынасын өзгерту есебінен сол жақ қарыншаның гипертрофиясын төмендетеді.

Белгілі бір деңгейден асып кететін дозаларда тиазидтер мен оның негізіндегі диуретиктер бірдей терапиялық әсерге ие, бұл ретте олардың диуретикалық әсеріне байланысты (мысалы, гипокалиемия)жағымсыз әсерлердің біліну жиілігі артады. Сондықтан, егер емдеу тиімсіз болса, дозаны арттырмаған жөн.

АрифонÒ Ретардтың тиазидтік диуретиктерден айырмашылығы - липидтердің (триглицеридтер, ТТЛП-холестерин және ТЖВП-холестерин) метаболизміне ықпал етпейді және көмірсудың алмасу параметрлерін, соның ішінде гипертензияға және диабетке шалдыққан емделушілерде де, өзгертпейді.

Қолданылуы

-        эссенциалды артериялық гипертензияда

Қолдану тәсілі және дозалары

Препаратты тәулігіне бір рет, дұрысы таңертең, бір таблеткадан қабылдау ұсынылады. Таблеткаларды шайнамай, сумен ішіп, жұту керек.

Жоғарырақ дозалары АрифонÒ Ретардтың әсерін күшейтпейді, бірақ несеп айдайтын әсерінің күшеюіне әкеледі.

Тиазидік және тиазид тәрізді диуретиктердің терапиялық әсер етуі, егер  бүйрек функциясы қалыпта немесе болмашы дәрежеде бұзылған  болса, анағұрлым тиімді болады. Ауыр бүйрек жеткіліксіздігінде (креатинин клиренсі 30мл/мин аз) препаратпен емдеуге болмайды.

Егде жастағыларда креатинин клиренсін емделушінің жасын, дене салмағын және жынысын есепке алып санау керек. Егде жастағы науқастарды АрифонÒ Ретардпен емдеу бүйрек функциясы қалыпта немесе болмашы дәрежеде бұзылған жағдайда ғана мүмкін болады. 

Бауыр функциясының ауыр бұзылуы болғанда препаратпен емдеуге болмайды.

Жағымсыз әсерлері

Өте жиі (>1/10), жиі (>1/100, <1/10), жиі емес (>1/1000, <1/100), сирек (>1/10000, <1/1000), өте сирек(>1/10000), жиілігі анықталмаған (бар мәліметтер негізінде даму жиілігін бағалау мүмкін емес).

Жиі 

-        макуло-папулезді бөртпе

Жиі емес

-        құсу

-        аллергиялық пурпура

Сирек

-        жүрек айну, ауыз қуысының құрғауы, іш қату

-        бас айналу, шаршау сезімі, бас ауыру, парестезиялар

Өте сирек

-        аритмия, артериялық гипотензия

-        панкреатит

-        бүйрек жеткіліксіздігі

-        бауыр функциясының бұзылуы

-        тромбоцитопения, лейкопения, агранулоцитоз, гипопластикалық анемия, гемолитикалық анемия, гиперкальциемия

-        ангионевротикалық ісіну және/немесе есекжем, уытты эпидермальді некролиз, қатерлі экссудаттық эритема 

Жиілігі анықталмаған

-        бауыр жеткіліксіздігі жағдайында бауыр энцефалопатиясының дамуы, гепатит, бауыр ферменттері деңгейінің жоғарылауы

-        синкопе

-        орын алған жедел диссеминацияланған қызыл жегі ағымының нашарлауы мүмкін 

-        жоғары фотосезімталдық

-        елеулі гипокалиемия, әсіресе жоғары қаупі бар емделушілерде («Айрықша нұсқауларды» қараңыз)

-        гипокалиемия

-        дегидратацияға және ортостатикалық гипотензия дамуына әкелетін гиповолемиямен гипонатриемия. Қатар жүретін хлоридтердің жоғалуы салдарлық қалпына келетін метаболикалық алкалозға әкеп соқтыруы мүмкін (сирек)

-        емдеу кезеңінде плазмада несеп қышқылы және қандағы қант деңгейінің жоғарылауы (подагра және қант диабеті бар емделушілерде препаратты тағайындау қажеттілігін мұқият бағалау керек)

-        ЭКГ-да QT аралығының ұзаруы

-        «пируэт» типті пароксизмальді қарыншалық тахикардия

Қолдануға болмайтын жағдайлар

-        индапамидке, басқа сульфонамидтерге немесе қосымша заттардың біреуіне жоғары сезімталдық

-        бүйрек жеткіліксіздігі (креатинин клиренсі 30 мл/мин аз)

-        бауыр энцефалопатиясы немесе бауыр функциясының ауыр бұзылуы

-        гипокалиемия 

-        туа біткен галактоземия, глюкоза-галактозалы мальабсорбциялық синдром және/немесе Лапп лактаза тапшылығы 

-        18 жасқа дейінгі балалар мен жасөспірімдер

Дәрілермен өзара әрекеттесуі

АрифонÒ Ретардты қанда литий концентрациясы жоғарылауы қаупімен және артық дозалану симптомдары дамуымен байланысты, сондай-ақ тұзсыз емдәм сақталғанда (литийдің несеппен шығарылуының төмендеуі) литий препараттарымен бір мезгілде қабылдау ұсынылмайды. Мұндай біріктірілімді тағайындау қажет болғанда қан плазмасындағы литий деңгейіне мұқият бақылау жүргізіп, диуретиктер дозасын түзеткен жөн. 

Мына препараттармен бірге тағайындағанда сақ болу керек:

-        IA класс (хинидин, гидрохинидин, дизопирамид) және III класс (амиодарон, соталол, дофетилид, ибутилид) аритмияға қарсы препараттарымен,

-        кейбір антипсихотикалық препараттармен – фенотиазиндер (хлорпромазин, циамемазин, левомепромазин, тиоридазин, трифтоперазин), бензамидтер (амисульпирид, сульпирид, сультоприд, тиаприд), бутирофенондар (дроперидол, галоперидол),

-        басқа препараттармен: бепридил, цизаприд, дифеманил, көктамыр ішіне эритромицин, галофантрин, мизоластин, пентамидин, спарфлоксацин, моксифлоксацин, көктамыр ішіне винкамин.

Осы препараттарды АрифонÒ Ретардпен бір мезгілде қолданғанда қарыншалық аритмия (көбіне, «пируэт» типті пароксизмальді қарынша тахикардиясы) даму қаупін жоғарылатады. Гипокалиемия осы әсердің дамуына ықпал етеді, осыған байланысты электролиттер деңгейін үнемі бақылау, қажет болғанда дер кезінде түзету және ЭКГ мониторинг жүргізіп тұру керек. 

Қабынуға қарсы стероидты емес дәрілерді, оның ішінде ацетилсалицил қышқылын күніне >3г дозада және циклооксигеназа-2 (ЦОГ-2) таңдамалы тежегіштерін жүйелі түрде қолдану кезінде ангиотензин өзгертуші ферменті (АӨФ) тежегіштерінің гипотензивті әсерін төмендетеді. Сусыздануға шалдыққан емделушілерде осы препараттармен бірге қолдану шумақты сүзіліс төмендеуіне байланысты бүйрек жеткіліксіздігі өршуінің даму қаупін арттырады. Емнің басынан бүйректің функционалдық белсенділігін бақылау және, қажет болғанда организмнің жеткілікті гидратациясын қамтамасыз ету керек. 

Гипонатриемия болған кезде (әсіресе, бүйрек артериясының стенозы баремделушілерде) АрифонÒРетард және АӨФ тежегіштерін бір мезгілде қолдану айқын гипотензияның және/немесе жедел бүйрек жеткіліксіздігінің даму қаупін арттырады. АрифонÒ Ретардты қабылдаудан кейін дамыған гипонатриемия нәтижесінде гипертензия дамыған жағдайда, АӨФ тежегішпен емді бастамай тұрып, оны қабылдауды 3 күн бұрын тоқтатады, қажет болған кезде қабылдауды қайта жаңғыртады, калий жинақтайтын диуретикті немесе  АӨФ тежегішті кішкентай дозадан бастап, оны біртіндеп көтере отырып қабылдайды. 

Емделушіде жүрек-қантамыр жеткіліксіздігі болғанда, қабылданатын калий жинақтайтын диуретиктер дозасын  төмендеткеннен кейін АӨФ тежегіштерін өте аз дозадан бастау ұсынылады. 

АӨФ тежегіштерімен емнің алғашқы апталарында плазмадағы креатинин деңгейін және бүйректің функционалдық  белсенділігін бақылап тұру керек.

АрифонÒ Ретард пен калий деңгейін төмендететін препараттарды (көктамыр ішіне амфотерицин В, жүйелі қолданған кезде глюко- және минералокортикоидтар, тетракозактид, стимуляциялайтын іш жүргізетін дәрілер) бірге қолданғанда гипокалиемияның даму қаупін арттырады. Калий концентрациясын бақылап, қажет болғанда оны түзету керек. Іш жүргізетін дәрілерді тағайындау қажет болғанда ішек моторикасына стимуляциялаушы әсер бермейтін препараттарды пайдаланған жөн.

Жүйелі түрде қабылданған кортикостероидтар мен тетракозактид су және  натрий іркілуі есебінен АрифонÒ Ретардтың гипотензивті әсерін төмендетеді. 

Баклофен АрифонÒ Ретардтың гипотензивті әсерінің айқындығын күшейтеді (бүйректің функционалдық жағдайын бақылау және су теңгерімін түзетіп тұру қажет).

АрифонÒ Ретардты дигиталис препараттарымен бірге тағайындағанда гипокалиемия жүрек гликозидтерінің уытты әсерін күшейтуі мүмкін екендігін ескеру қажет. Калий  деңгейін және ЭКГ бақылап отырған, қажет болғанда емді түзеткен жөн.

Калий жинақтаушы диуретиктер (мысалы, спиронолактон, триамтерен немесе амилорид) АрифонÒРетардпен біріктірілімде гипокалиемияға (әсіресе, бүйрек жеткіліксіздігі немесе қант диабеті бар емделушілерде) немесе гиперкалиемияға әкеп соқтыруы мүмкін. Егер олар бірге қолданылатын болса, препараттар аса сақтықпен және сарысудағы калий мөлшеріне және  ЭКГ жиі мониторинг жүргізу арқылы пайдаланылуы тиіс. 

АрифонÒ Ретардтың әсерінен болған функционалды бүйрек жеткіліксіздігі орын алған кезде метформинді қабылдау сүтқышқылды ацидоздың даму қаупін жоғарылатады. Егер сарысу креатининінің деңгейі еркектерде 15мг/л (135 мкмоль/л), әйелдерде - 12мг/л (110 мкмоль/л) асатын болса, метформинді пайдаланбаған жөн. 

Диуретикалық препараттарды қолданудан туындаған организмнің едәуір сусыздануы кезінде құрамында йоды бар контрастылы заттарды жоғары дозада қолдану аясында жедел бүйрек жеткіліксіздігінің даму қаупі арта түседі. Құрамында йоды бар контрастылы заттарды қолданар алдында регидратация жүргізу қажет.

АрифонÒ Ретардты имипрамин тәрізді антидепрессантармен, нейролептиктермен бір мезгілде  қолданғанда гипотензивті әсерінің өзара күшеюі салдарынан ортостатикалық гипотензияның даму қаупі жоғарылайды.

Кальций тұздарымен бір мезгілде қолданғанда кальцийдің қан плазмасындағы мөлшері оның  несеппен шығуының төмендеуі нәтижесінде артуы мүмкін.

АрифонÒ Ретардты циклоспорин және такролимус аясында қолданған кезде плазмасында креатинин деңгейі, тіпті су-электролитті  теңгерімнің қалыпты күйінде де жоғарылайды.

Айрықша нұсқаулар

Бауыр функциясының бұзылуы орын алғанда тиазидті және тиазид тәрізді диуретиктер бауыр энцефалопатиясының даму қаупін жоғарылатуы мүмкін. Мұндай жағдайларда диуретикалық препараттарды қабылдауды тоқтатады.

Тиазидті және тиазид тәрізді диуретиктерді қабылдау кезінде жоғары фотосезімталдық жағдайлары байқалған. Емдеу барысында теріні күн сәулесінен және жасанды ультракүлгін сәулесінен қорғау ұсынылады. Егер емдеу кезінде жоғары фотосезімталдық байқалса, препарат қабылдауды тоқтату ұсынылады.

Қандағы натрий және калий деңгейін, әсіресе егде жастағыларда, бауыр циррозы, жүрек ишемиялық ауруы бар, жүрек жеткіліксіздігі бар, әлсіреген және/немесе бірнеше препараттарды бір мезгілде қабылдап жүрген науқастарда мұқият бақылау жүргізіп отыру керек. Гипокалиемия (<3,4ммоль/л),әсіресе QT аралығы ұзарғандарда және брадикардияда жүрек ырғағының «пируэт» типті  бұзылулары дамуына әкелуі мүмкін. Калий деңгейі төмен болғанда препарат дозасын түзету қажет етіледі.  

Тиазидті және тиазид тәріздес диуретиктерді қабылдау несеппен бірге кальцийдің сыртқа шығарылуын азайтып, гиперкальциемияның дамуына әкеп соқтыруы мүмкін (гиперпаратиреозбен дифференцациялаған жөн).

Қант диабеті бар емделушілерде қандағы глюкоза деңгейіне, әсіресе гипокалиемия орын алғанда, үнемі мониторинг жүргізіп тұру керек. 

Қандағы урат мөлшері жоғарлаған емделушілерде подаграның дамуы немесе подагра болғанда ұстамаларының жиілеуі мүмкін.

Тиазидті және тиазид тәрізді диуретиктердің терапиялық әсер етуі бүйрек функциясы қалыпты немесе аздаған ауытқушылықтары болғанда (ересектер үшін креатинин клиренсі <25 мг/л немесе 220 мкмоль/л) анағұрлым тиімді. Егде жастағы емделушілерде креатинин деңгейі жасын, дене салмағы мен жынысын ескере отырып, белгіленуі тиіс. 

Препаратпен емді бастаған кезде пайда болатын су мен натрийдің жоғалуынан болатын гиповолемия шумақтық сүзілістің баяулауына және қан плазмасында мочевина мен креатинин мөлшерінің жоғарылауына әкеледі, бұл орын алған бүйрек жеткіліксіздігін ушықтырып жіберуі мүмкін. 

АрифонÒ Ретард препаратының белсенді заты допингті анықтайтын тест нәтижелеріне әсер етуі мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлік жүргізгенде және қауіптілігі зор механизмдермен жұмыс істегенде, әсіресе емнің бастапқы кезінде немесе гипотензивті препараттармен біріктіріп емдегенде АҚ төмендеуіне байланысты жекелей реакциялар дамуы мүмкін екендігіне байланысты сақтық танытқан жөн.

Артық дозалануы 

Симптомдары: жүрек айну, құсу, айқын гипотензия, құрысулар, бас айналуы, ұйқышылдық, сананың шатасуы, гипонатриемия, гипокалиемия, ануриямен аяқталатын (гиповолемия салдарынан) полиурия немесе олигурия. 

Емі: асқазанды шаю және/немесе белсендірілген көмір тағайындау, кейіннен аурухана жағдайында су-электролитті теңгерімді қалпына келтірумен. 

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 15таблеткадан салынған. 

2 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

30оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Les Laboratoires Servier Industrie, Франция 

Тіркеу куәлігінің иесі

Les Laboratoires Servier, Франция

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Ле Лаборатуар Сервье С.А.С.» ҚР өкілдігі 

050020, Алматы қ., Достық д-лы 310г, Бизнес орталығы, 3 қабат

Тел.: (727) 386 76 62/63/64/70/71 

Факс: (727) 386 76 67

Электронды поштасы: kazadinfo@kz.netgrs.com