Бисопролол

Қазақстан Республикасы 

Денсаулық сақтау министрлігі Фармация комитеті төрағасының 

Дәрілік затты медициналық қолдану

жөніндегі нұсқаулық

Бисопролол Вива Фарм

Саудалық атауы

Бисопролол Вива Фарм 

Халықаралық патенттелмеген атауы

Бисопролол 

Дәрілік түрі

Қабықпен қапталған таблеткалар, 2.5 мг, 5 мг және 10 мг 

Құрамы

Бір таблетканың құрамында

белсенді зат - 2.5 мг, 5.0 мг немесе 10.0 мг бисопролол фумараты,                                                                          

қосымша заттар: кальций гидрофосфат дигидраты, микрокристалды целлюлоза  (102), желатинделген крахмал, поливинилпирролидон (коллидон®), аэросил, магний стеараты, 

қабықтың құрамы: Opadry® OY-S-28924 (гипромеллоза, титанның қостотығы (Е171), полиэтиленгликоль/макрогол) – 2.5 мг доза үшін,

Opadry® Yеllow 03B62519 (гипромеллоза, титанның қостотығы (Е171), тальк, полиэтиленгликоль/макрогол, темірдің сары тотығы (Е172)) – 5 мг доза үшін,

Opadry® Yellow 03B52246 (гипромеллоза, титанның қостотығы (Е171), тальк, полиэтиленгликоль/макрогол, темірдің сары тотығы (Е172)) – 10 мг доза үшін. 

Сипаттамасы

Ақ түсті үлбірлі қабықпен қапталған, дөңгелек пішінді, екі жақ беті дөңес таблеткалар (2.5 мг доза үшін).

Ашық-сары түсті үлбірлі қабықпен қапталған, дөңгелек пішінді, екі жақ беті дөңес таблеткалар (5 мг доза үшін). 

Сары түсті үлбірлі қабықпен қапталған, дөңгелек пішінді, екі жақ беті дөңес таблеткалар (10 мг доза үшін). 

Фармакотерапиялық тобы

Жүрек-қантамыр жүйесі. Бета-адреноблокаторлар. Селективті бета-адреноблокаторлар. Бисопролол.

АТХ коды C07AB07

Фармакологиялық қасиеттері

Фармакокинетикасы

Пероральді қабылдағаннан кейін бисопрололдың биожетімділігі 90% құрайды.  Таралу көлемі - 3.5 л/кг құрайды. Плазма ақуыздарымен байланысуы 30% жуық құрайды. 

Бисопролол организмнен екі жолмен шығарылады. 50% жуығы белсенді емес метаболиттер түзумен бауырда метаболизденеді, олар кейіннен бүйректермен шығарылады. Қалған 50% өзгермеген түрінде несеппен шығарылады. Жалпы клиренсі шамамен 15 л/сағатты құрайды. Қан плазмасынан 10-12 сағат құрайтын жартылай шығарылу кезеңі, тәулігіне  бір рет дозасын қабылдағаннан кейін 24-сағаттық әсерді қамтамасыз етеді.

Бисопрололдың кинетикасы дозаға тәуелді және жасына байланысты емес.

Пациенттердің ерекше топтары

Тұрақты созылмалы жүрек жеткіліксіздігімен (СЖЖ) және бауыр немесе бүйрек функциясы бұзылған пациенттерде фармакокинетикасы зерттелген жоқ. Созылмалы жүрек жеткіліксіздігімен пациенттерде (жүректің Нью-Йорк ассоциациясының (NYHA) жіктеуі бойынша III функциональді класс) дені сау еріктілердегі көрсеткіштерімен салыстырғанда  бисопрололдың қан плазмасындағы  концентрациясы және  жартылай шығарылу кезеңі ұзақтау. 

Фармакодинамикасы

Бисопролол – жоғары селективті β1-адреноблокатор, ішкі симпатомиметикалық және жарғақшаны тұрақтандыратын белсенділігі жоқ. Бронхтардың және қантамырлардың тегіс бұлшықеттерінің β2-рецепторларына және ферментативтік метаболизмдік реттелудің β2-рецепторларына ұқсастығы төмен. Сөйтіп, Бисопролол, әдеттегідей, тыныс алу жолдарының кедергісіне және бета2-арқылы болатын метаболизмдік үдерістерге ықпалын тигізбейді. Оның бета1-селективтілігі емдік дозаның ауқымы шегінен шығып кетеді.  

Белгілі болғандай, бисопрололда теріс инотроптық әсер жоқ.

Бисопролол ең жоғары әсеріне пероральді түрде қабылдаудан кейін 3-4 сағаттан соң жетеді. Жартылай шығарылу кезеңі (10-12 сағат) препаратты күніне бір рет қабылдағанда 24 сағаттық тиімділікті қамтамасыз етеді. Жалпы жағдайда, 2 апта емдегеннен кейін бисопрололдың гипертензияға қарсы ең жоғары әсеріне жетеді. 

Жүрек функциясының жеткіліксіздігі созылмалы емес жүректің ишемиялық ауруы бар науқастардағы жедел жағдайды емдегенде, бисопролол жүректің жиырылу жиілігін азайтады және соғу көлемін төмендетеді, ол лықсу фракциясының және оттегіні қажет етуінің төмендеуіне әкеледі. Созылмалы жағдайларды емдегенде бастапқыда ұлғайған шеткері кедергі азаяды. Бета-блокаторлардың гипертензияға қарсы әсерінінің негізінде плазма ренині белсенділігінің төмендеуі жатыр.

Бисопролол жүректің бета1-рецепторларын бөгеу арқылы симпатоадренергиялық белсенділікке жауапты басады. Бұл әсер жүректің соғуын баяулатады және жиырылғыштығын төмендетеді, ол миокардтың оттегіні қажет етуінің төмендеуіне әкеледі. Соңғысы стенокардиясы және жүректің ишемиялық ауруы бар пациенттерде қолайлы әсер тудырады.  

Қолданылуы

-     сол жақ қарынша систолалық функциясының төмендеуімен тұрақты созылмалы жүрек жеткіліксіздігін емдеу, ангиотензинөзгертуші фермент (АӨФт)  тежегіштері мен диуретиктерге және мүмкін болса, жүрек гликозидтеріне қосымша ретінде

-     артериялық гипертензияда

-     жүректің ишемиялық ауруында (тұрақты стенокардия)

Қолдану тәсілі және дозалары

Бисопролол Вива Фарм препаратын таңертең ас ішуге байланыссыз қабылдау керек. Таблеткаларды аздаған мөлшердегі сумен ішкен дұрыс. Таблеткаларды шайнамау керек.

Артериялық гипертензия мен жүректің ишемиялық ауруын (тұрақты стенокардияны) емдеуде

Екі көрсетілім үшін де бисопрололдың ұсынылатын дозасы күніне бір рет 5 мг құрайды. Қажет болса, дозасын күніне бір рет 10 мг дейін  арттыруға болады.

Бисопролол Вива Фарм препаратының ұсынылатын ең жоғарғы дозасы күніне бір рет 20 мг құрайды.

Препараттың дозасы жекелей, клиникалық жауапқа және жүректің жиырылу жиілігінің (ЖЖЖ) көрсеткішіне байланысты таңдалуы тиіс.

Бисопролол Вива Фарм препаратымен емдеу, әдетте, ұзақа созылады.

Емдеуді күрт тоқтатпаңыз және ұсынылған дозасын Өзіңіздің дәрігеріңізбен кеңеспей өзгертпеңіз, өйткені бұл жағдайдың уақытша нашарлауына алып келуі мүмкін. Әсіресе, жүректің ишемиялық ауруы бар пациенттерде емді  күрт тоқтатпау керек. Егер емді тоқтату қажет болса, дозасы біртіндеп (1-2 апта ішінде) азайтылуы тиіс.

Созылмалы тұрақты жүрек жеткіліксіздігін (СЖЖ) емдеу

СЖЖ стандартты емі АӨФт (немесе, АӨФт көтерімсіз болған жағдайда, ангиотензин рецепторлары блокаторынан), бета-блокатордан, диуретиктерден, және қажет болған жағдайда, жүрек гликозидтерінен тұрады. Бисопрололмен емдеу бастамаланған кезде пациенттердің жағдайы тұрақты (жүректің жедел жеткіліксіздігі болмаған кезде) болуы тиіс. Емдеуші дәрігердің СЖЖ бар пациенттерді емдеуде тәжірибесі болғаны дұрыс.

Дозалары

Тұрақты созылмалы жүрек жеткіліксіздігін Бисопролол Вива Фарм препаратымен емдеуді бастау арнайы титрлеу фазасын жүргізуді қажет етеді. Созылмалы жүрек жеткіліксіздігін Бисопролол Вива Фарм препаратымен емдеу дозасын біртіндеп титрлеудің келесі кестесіне сәйкес басталады. Дозасын тек, егер алдыңғы дозасы жақсы көтерімді болса ғана арттыруға болады. 

1 апта

1,25 мг

бисопролол фумараты (2,5 мг Бисопролол Вива Фарм 1/2 таблетка) күнделікті күніне бір рет 

2 апта

2,5 мг

бисопролол фумараты (2,5 мг Бисопролол Вива Фарм 1 таблетка) күнделікті күніне бір рет

3 апта

3,75 мг

бисопролол фумараты (2,5 мг Бисопролол Вива Фарм 1,5 таблетка)  күнделікті күніне бір рет

4-7 апта

5 мг

бисопролол фумараты күнделікті күніне бір рет*

8-11 апта

7,5 мг

бисопролол фумараты күнделікті күніне бір рет*

12 апта және одан кейін

10 мг

бисопролол фумараты күнделікті күніне бір рет демеуші ем ретінде*

* Бисопролол Вива Фарм 2.5 мг препараты тұрақты созылмалы жүрек жеткіліксіздігінің бастапқы емі үшін қолайлы. Жоғарырақ  дозалары демеуші емі үшін қолайлы.

Бисопролол фумаратының ұсынылатын ең жоғарғы дозасы күніне бір рет 10 мг құрайды. Пациенттің тағайындалған дозаны қаншалықты жақсы көтере алатындығына байланысты жекелей бейімдеу қажет болуы мүмкін. Титрлеу фазасы кезінде және одан кейін жүрек жеткіліксіздігінің уақытша нашарлауы, гипотензия немесе брадикардия байқалуы мүмкін, сондықтан, тіршілік көрсеткіштері (артериялық қысым, СЖЖ) мен жүрек жеткіліксіздігінің үдеуі симптомдарын мұқият қадағалау қажет. Симптомдары емдеудің алғашқы күні-ақ көрініс беруі мүмкін.

Емнің модификациясы

Егер ең жоғарғы дозасын пациент нашар көтеретін болса, дозасын біртіндеп төмендетілуіне қарай қайта қарау ұсынылады. Егер жүрек жеткіліксіздігінің уақытша нашарлауы байқалса, гипотензия немесе брадикардия дамыса, қатарлас  препараттың дозасын қайта қарау ұсынылады. Сонымен қатар, бисопрололдың дозасын уақытша төмендету немесе емдеуді тоқтата  тұру қажет болуы мүмкін.

Емдеуді жалғастыру және/немесе қайтадан титрлеуді пациенттің жағдайы тұрақтанғаннан кейін жүргізу керек. Егер емдеуді тоқтату қажет болса,  дозасы біртіндеп (1-2 апта ішінде) төмендетілуі тиіс, өйткені, емдеуді күрт тоқтату пациент жүрегі жағдайының нашарлауын туғызуы мүмкін.

Созылмалы тұрақты жүрек жеткіліксіздігін Бисопролол Вива Фарм препаратымен емдеу, әдетте, ұзаққа созылады.

Пациенттердің ерекше топтары 

Бүйрек немесе бауыр функциясының бұзылуы 

Бауыр немесе бүйрек функциясының ауырлығы жеңіл немесе орташа бұзылулары бар пациенттерге  дозалау режимін түзету әдетте, қажет емес. Бүйрек функциясының ауыр бұзылулары бар (креатинин клиренсі < 20 мл/мин) науқастар мен бауыр функциясының ауыр бұзылулары бар пациенттер үшін ең жоғарғы тәулктік дозасы 10 мг құрайды. 

Диализдегі пациенттерде бисопрололды пайдалану тәжірибесі шектеулі ғана, бұл дозалау режимін түзету қажеттілігін көрсетпейді. 

Егде жастағы пациенттер:

Дозасын түзету қажет емес.

Бала жастағы пациенттер

Бисопрололдың балалар жасындағы  пациенттерде қолданылуы туралы ақпарат жоқ. Бисопрололды балаларда қолдану ұсынылмайды.

Жағымсыз әсерлері

Препараттың жағымсыз әсерінің жиілігі төмендегідей қарастырылады: өте жиі (≥ 1/10); жиі (≥ 1/100, < 1/10); жиі емес (≥ 1/1000, < 1/100); сирек (≥ 1/10 000, < 1/1000); өте сирек (< 1/10 000), жиілігі белгісіз (ол қолда бар деректер негізінде белгіленуі мүмкін емес).

Психиканың бұзылуы:

Жиі емес: ұйқының бұзылуы, депрессия.

Сирек: қорқынышты түстер, елестеулер.

Жүйке жүйесі тарапынан бұзылулар: 

Жиі: бас айналуы*, бас ауыруы*.

Сирек: естен тану.

Көру мүшесі тарапынан бұзылулар: 

Сирек: жас бөлінудің төмендеуі (жанаспалы линзаны қолданған кезде  ескеру керек).

Өте сирек: конъюнктивит.

Есту мүшелері және тепе-теңдік тарапынан бұзылулар: 

Сирек: естудің нашарлауы.

Жүрек тарапынан бұзылулар: 

Өте жиі: брадикардия.

Жиі: жүрек жеткіліксіздігі симптомдарының ушығуы.

Жиі емес: атриовентрикулярлық өткізгіштіктің бұзылулары, брадикардия (гипертензия және стенокардиямен пациенттерде), жүрек жеткіліксіздігі симптомдарының ушығуы (гипертензия және стенокардиямен пациенттерде).

Қан тамырлары тарапынан бұзылулар: 

Жиі: суықты сезіну немесе аяқ-қолдың ұюы.

Жиі емес: ортостаздық гипотензия.

Тыныс алу жүйесі, кеуде қуысы ағзалары және көкірек ортасы тарапынан бұзылулар: 

Жиі емес: анамнезінде тыныс алу жолдарының обструктивті аурулары немесе бронхтық демікпесі бар пациенттерде бронх түйілуі 

Сирек: аллергиялық тұмау.

Асқазан-ішек жолы тарапынан бұзылулар: 

Жиі: жүрек айнуы, құсу, диарея, іш қату сияқты асқазан-ішек жолы қызметінің бұзылуы.  

Бауыр және өт шығару жолдары тарапынан бұзылулар: 

Сирек: гепатит.

Тері және тері асты тіндері тарапынани бұзылулар: 

Сирек: жоғары сезімталдық реакциялары (қышыну, қызару, бөртпе).

Өте сирек: алопеция. Бета-блокаторлар псориазды нашарлатуы немесе оған түрткі болуы немесе псориазға тән бөртпелерді туындатуы мүмкін.

Қаңқа-бұлшықет және дәнекер тіндер тарапынан бұзылулар:

Жиі емес: бұлшықет әлсіздігі және құрысулар.

Ұрпақ өрбіту жүйесі және сүт безі тарапынан бұзылулар: 

Сирек: потенцияның бұзылуы.

Жалпы бұзылулар:

Жиі: әлсіздік, шаршағыштық*.

Зертханалық көрсеткіштер:

Сирек: триглицеридтер деңгейінің жоғарылауы, бауыр ферменттері (ACT, АЛТ) деңгейінің жоғарылауы.

Тек қана гипертензия және стенокардияға қатысты:

*Симптомдар емнің бас кезінде жиі пайда болады, олар, әдеттегідей, қарқыны аз сипатта болады және әдетте 1-2 апта ішінде жоғалады.

Өзіңізде осы аталған жағымсыз әсерлерінің қандай да біреуін, немесе кез келген басқа жағымсыз немесе күтілмеген әсерлерін анықтасаңыз, емдеуші дәрігерге хабарлау қажет.

Қолдануға болмайтын жағдайлар

-         жүректің жедел жеткіліксіздігі немесе жүректің жедел жеткіліксіздігінің декомпенсация сатысы, ол венаішілік инотроптық емді қажет етеді  

-         кардиогенді шок

-         атриовентрикулярлы блокаданың II және III дәрежесі (электрокардио-стимуляторсыз)

-         синусты түйіннің әлсіздігі синдромы

-         синоатриальді блокада

-         симптоматикалық брадикардия

-         симптоматикалық гипотензия

-         бронх демікпесінің ауыр түрлері және өкпенің созылмалы обструктивті ауруының анамнезде болуы   

-         шеткері артериялық аурудың кеш сатысы немесе Рейно ауруы

-         емделмеген феохромоцитома

-         метаболизмдік ацидоз

-         бисопрололға немесе препараттың кез келген компонентіне жоғары сезімталдық

-         18 жасқа дейінгі балалар (тиімділігі және қауіпсіздігі анықталған жоқ)

-         жүктілік және лактация кезеңі

Сақтықпен

-         жүрек функциясының жеткіліксіздігімен қатар жүретін гипертония немесе стенокардия  

-         бронхотүйілуі (бронх демікпесі, тыныс алу жолдарының обструктивтік аурулары)

-         қанда глюкоза деңгейінің ауытқуы айтарлықтай қант диабеті; гипогликемия симптомдары (мысалы, тахикардия, жүрек қағуының жиілеуі немесе тершеңдік), олар бүркемеленуі мүмкін  

-         қатаң диета

-         ұзаққа созылатын десенсибилизациялаушы ем

-         АВ-блокаданың бірінші дәрежесі

-         Прицметал стенокардиясы

-         шеткері артериялық обтурациялық ауру (әсіресе емнің басында шағымдар көбеюі мүмкін)  

-         анамнезінде псориаз бар пациенттерге, бета-блокаторлар (мысалы, бисопролол) пайда/қаупіне мұқият баға берілгеннен кейін ғана тағайындалуы тиіс. 

Дәрілермен өзара әрекеттесуі

Басқа препараттарды бір мезгілде қабылдау препараттың әсеріне және жағымдылығына ықпалын тигізуі мүмкін. Егер басқа препаратты қабылдағанына көп уақыт өте қоймаса, осындай өзара әрекеттесулер болуы мүмкін. Егер Сіз қандай да бір басқа препаратты қабылдап жүрсеңіз, өзіңізді емдеп жүрген дәрігерді хабардар етіңіз.   

Келесі препараттармен бір мезгілде қолдану ұсынылмайды:  

Верапамил типті кальций антагонистері және аз дәрежеде дилтиазем, бисопрололмен бір мезгілде қолданған кезде жүрек бұлшықетінің жиырылу қабілетінің төмендеуіне әкеп соғуы және атриовентрикулярлы импульстардың жүруін кідіртуі мүмкін. Атап айтқанда, бета-блокаторлармен ем қабылдап жүрген пациенттерде верапамилді венаішілік енгізу терең гипотензияға және атриовентрикулярлы блокадаға әкеп соғуы мүмкін. 

Орталықтық әсері бар гипертензияға қарсы препараттар (клонидин, метилдопа, моксонидин, рилменидин сияқты) ЖЖЖ  және жүрек лықсуының азаюына, сондай-ақ орталық симпатикалық тонустың төмендеуі салдарынан вазодилатацияға әкеп соғуы мүмкін. Әсіресе бета-блокаторларды тоқтатқанға дейін күрт тоқтату «рикошеттік» гипертензияның даму қаупін арттыруы мүмкін.

Келесі препараттармен абайлап  қолдану керек: 

Аритмияға қарсы дәрілердің I класы (мысалы, хинидин, дизопирамид, лидокаин, фенитоин, флекаинид, пропафенон): атриовентрикулярлы өткізгіштік уақытына ықпалын тигізеді, сондай-ақ теріс инотроптық әсері ұлғаюы мүмкін.  

Дигидропиридин типті кальций өзекшелерінің блокаторлары (мысалы, нифедипин): бірге қолдану гипотензия қаупін арттыруы мүмкін, сондай-ақ жүрек жеткіліксіздігі бар пациенттерде қарыншалардың лықсыту функциясының бұзылуы жоққа шығарылмайды. 

Аритмияға қарсы дәрілердің III класы (мысалы, амиодарон): атриовентрикулярлы өткізгіштік уақытына ықпалы күшеюі мүмкін.

Парасимпатомиметиктер: біріктірілген ем атриовентрикулярлы өткізгіштік уақытын арттыруы және брадикардия қаупін ұлғайтуы мүмкін.  

Бета-блокаторларды жергілікті қолдану (мысалы, глаукоманы емдеуге арналған көзге тамызатын тамшылар) бисопрололдың жүйелік әсерін күшейтуі мүмкін.

Инсулиннің және диабетке қарсы пероральді дәрілердің қантты төмендететін әсері күшеюі мүмкін. Бета-адренорецепторлардың блокадасы гипогликемия симптомдарын бүркемелеуі мүмкін.

Анестезиялайтын препараттар: рефлекторлы тахикардияның әлсізденуі және гипотензия қаупінің жоғарылауы.

Жүрек гликозидтер: жүректің жиырылу жиілігінің төмендеуі, атриовентрикулярлы өткізгіштік уақытының жоғарылауы. 

Қабынуға қарсы стероидты емес препараттар (ҚҚСП): бисопрололдың гипотензиялық әсерін төмендетуі мүмкін.

β-симпатомиметиктер (мысалы, добутамин, орципреналин): бисопрололмен біріктіру екі агенттің де әсерін төмендетуі мүмкін. 

α- және β-рецепторларды белсенді ететін симпатомиметиктер (мысалы, адреналин, норадреналин): қан қысымын арттыруы және мезгіл-мезгіл ақсақтықты өршітуі мүмкін. Мұндай өзара әрекеттесулер селективті емес бета-блокаторларды қолданған кезде өте мүмкін болады. Аллергиялық реакцияларды емдеу үшін адреналиннің өте жоғары дозалары қажет болуы мүмкін.

Трициклдік антидепрессанттар, барбитураттар, фенотиазиндер, сондай-ақ гипертензияға қарсы басқа да дәрілер: гипотензиялық әсердің күшеюі.

Келесі препараттармен бірге қолданғанда келесі ескертулерге көңіл бөлінуі тиіс:  

Мефлохин: брадикардия қаупі жоғары.

Моноаминоксидаза тежегіштері (МАО-В тежегіштерінен басқа): бета-блокаторлардың гипотензиялық әсері, сондай-ақ гипертониялық криз қаупі жоғары болады.

Айрықша нұсқаулар

Аллергиялық реакциялар: Басқа бета-блокаторлар жағдайындағы сияқты, бисопролол аллергендерге сезімталдықты да, сонымен қатар анафилаксиялық реакциялардың айқындылығын да арттыруы мүмкін. Осындай жағдайларда адреналин қалаған емдік әсерді әрдайым қамтамасыз ете алмауы мүмкін. 

Тыныс алу жүйесі: Бронх демікпесінде немесе симптомдарымен қатар жүруі мүмкін басқа да созылмалы обструктивті дисфункцияларда қатар жүретін бронхолитикалық ем қолданылады. Сирек жағдайларда демікпесі бар пациенттерде тыныс алу жолдарының кедергісі ұлғаюы мүмкін, ол β2-симпатомиметиктер дозасын арттыруды қажет етеді.

Жалпы анестезия: Жалпы анестезия қабылдаған пациенттерде бета-блокаторлар кіріспе наркоз, интубация кезінде және операциядан кейін аритмия және миокард ишемиясы қаупін азайтады. Қазіргі таңда периоперациялық кезеңде бета-блокаторлар қолдануды жалғастыру ұсынылады. Анестезиолог пациенттің бета-блокаторларды қабылдап жүргенінен хабардар болуы тиіс, өйткені басқа дәрілік препараттармен өзара әрекеттесуі мүмкін, ол брадиаритмияға, рефлекторлы тахикардияның бәсеңдеуіне, сондай-ақ қан кетудің алдын алуға рефлекторлы қабілеттің төмендеуіне әкеп соғуы мүмкін. Егер бета-блокаторлармен емдеуді операцияға дейін тоқтату қажет болса, онда ол біртіндеп жасалуы және анестезияға дейінгі 48 сағат ішінде толық аяқталуы тиіс.

Псориаз: псориазбен немесе анамнезінде псориазбен пациенттер  пайда және қауіп арақатынасын мұқият салыстырғаннан кейін ғана бета-блокаторларды (мысалы, бисопролол) қабылдауы керек.

Феохромоцитома: Феохромоцитомасы бар пациенттерге бисопролол альфа-рецепторлардың блокадасынан кейін ғана енгізілуі тиіс.

Тиреотоксикоз: Бисопрололмен емдеу кезінде тиреотоксикоз симптомдары байқалмауы мүмкін.

Бисопрололды қолдану допинг-тесттердің оң нәтижесіне әкелуі мүмкін.

Жүктілік

Бисопролол жүктілік және/немесе шарана/жаңа туған нәрестелерге жағымсыз әсер етуі мүмкін. Әдетте, β – адренергиялық рецепторлар блокаторлары плацентарлық қанағымын төмендетеді, ол өсудің баяулауымен, жатырішілік өлім, түсік тастау немесе уақытынан ерте босанумен байланысты. Жағымсыз әсерлер (мысалы, гипогликемия және брадикардия) шаранада мен жаңа туған нәрестелерде пайда болуы мүмкін. Бисопролол Вива Фарм препаратын жүктілік кезінде қолдану ұсынылмайды.

Лактация кезеңі

Бисопрололдың емшек сүтімен бөлініп шығатындығы жөнінде және жаңа туған балаларға әсер ету қауіпсіздігі бойынша мәліметтер жоқ. Осыған байланысты, бала емізу кезеңінде препаратты қолдану ұсынылмайды. 

Көлік құралын немесе қауіптілігі зор механизмдерді басқару қабілетіне дәрілік заттың ықпал ету ерекшеліктері  

Бисопролол жүректің коронарлы қантамырларының ауруларынан зардап шегіп жүрген пациенттерді зерттегенде автомобильді басқару қабілетіне ықпалын тигізген жоқ. Алайда жекелей реакциялар нәтижесінде автомобильді басқару немесе техникалық күрделі механизмдермен жұмыс жасау қабілеті бұзылуы мүмкін. Бұған емнің бас кезінде, дозаны өзгертуден кейін, сондай-ақ бір мезгілде алкоголь пайдаланғанда  ерекше көңіл бөлген жөн.   

Артық дозалануы

Симптомдары:

Бета-блокаторлармен артық дозаланудың өте кең таралған белгілері брадикардия, артериялық гипотензия, бронхтың түйілуі, жүректің жедел жеткіліксіздігі және гипогликемияболып табылады. 

Емі:

Артық дозаланған кезде бисопрололмен емдеу тоқтатылуы тиіс, және қажетті симптоматикалық ем басталуы тиіс. Шектеулі, бірақ қолда бар деректер бисопролол диализжолымен шығарылады деп болжам жасауға мүмкіндік береді.

Брадикардия: Атропинді венаішіне енгізу. Талапқа сай емес жауап алынғанда орципреналин немесе оң хронотроптық қасиеттері бар басқа да агенттер қолданылуы мүмкін. Кейбір жағдайларда  электрокардиостимулятордың трансвеналық имплантациясы қажет болуы мүмкін.

Гипотензия: Венаішілік инфузия және вазопрессорларды енгізу. Сондай-ақ венаішілікглюкагон тиімді болуы мүмкін.

АВ-блокада (екінші немесе үшінші дәрежедегі): Пациенттер мұқият бақылауда болуы тиіс, сондай-ақ оларға орципреналин құю қажет. Қажет болған кезде өтпелі  кардиостимуляторларды имплантациялаған жөн.

Жүрек функциясы жеткіліксіздігінің жедел нашарлауы: Диуретиктерді, оң инотропты дәрілерді, сондай-ақ вазодилаторларды венаішілік енгізу

Бронхтың түйілуі: бронходилататорларды, мысалы, орципреналин, β2-симпатомиметиктер және/немесе эуфиллин енгізу.

Гипогликемия: Глюкозаны вена ішіне енгізу.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған.

Пішінді ұяшықты 3 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.  

Сақтау шарттары

25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін қолдануға болмайды.  

Дәріханалардан босатылу шарттары

Рецепт арқылы.

Өндіруші

«ВИВА Фарм» ЖШС, Қазақстан Республикасы

2-ші Остроумов к-сі, 33, Алматы қ. 

Тіркеу куәлігінің ұстаушысы 

«ВИВА Фарм» ЖШС, Қазақстан Республикасы

2-ші Остроумов к-сі, 33, Алматы қ. 

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс жасау деректері (телефон, факс, электрондық пошта):

«ВИВА Фарм» ЖШС, Қазақстан Республикасы

2-ші Остроумов к-сі, 33, г. Алматы қ., 050030

тел.: +7 (727) 383 74 63, факс: +7 (727) 383 74 56