Варфарин

Қазақстан Республикасы 

Денсаулық сақтау министрлігі 

Фармация комитеті Төрағасының 

2006 жылғы “__25__” _____09_______  

№ __141___ бұйрығымен 

БЕКІТІЛГЕН

Дәрілік затты қолдану жөнінде

тұтынушыларға арналған

нұсқаулық

(аннотация-қосымша бет)

ВАРФАРИН НИКОМЕД

Саудалық атауы

Варфарин Никомед

Халықаралық патенттелмеген атауы

Варфарин

Дәрілік түрі

2,5 мг таблеткалар

Құрамы

Бір таблетканың құрамында

белсенді зат – 2,5 мг натрий варфарині,

қосымша заттар: индигодин (Е 132), лактоза, жүгері крахмалы, повидон, кальций гидрофосфаты, магний стеараты (Е 572)

Сипаттамасы

Көгілдір түстен бозғылт-көгілдір түске дейінгі, дөңгелек, бөлетін сызығы бар таблеткалар

Фармакологиялық қасиеттері

Фармакокинетикасы

Сіңуі және өзгеріске ұшырауы

Препаратты ішке қабылдағаннан кейін варфарин асқазан-ішек жолынан толық сіңеді. Қан плазмасы белоктарымен байланысуы – 97-99%. Плазмадағы терапиялық концентрациясы 1-5 мкг/мл (0,003-0,015 ммоль/л) құрайды. 

Өзгеріске ұшырауы және шығарылуы

Варфарин  изомерлердің рацемиялық қоспасы болып табылады, мұндайда солға айналатын формасы үлкен белсенділікке ие және оңға айналатынға қарағанда, тез өзгеріске ұшырайды. Варфарин бауырда  белсенді емес немесе белсенділігі аз метаболиттер түзе отырып биоөзгеріске ұшырайды. Бүйректер арқылы шығарылады. Рацемиялық  варфариннің Т1/2 40 сағатқа жуықты құрайды.

Фармакодинамикасы

Тікелей әсер етпейтін антикоагулянт. Әсер ету механизмі варфариннің   К витаминінің белсенді емес эпоксидін оның белсенді түріне айналуына кедергі жасайтын қабілетімен жүзеге асады, бұл протромбиннің карбоксилденуін, ІІ, ҮІІ, ІХ және Х ұю факторалын бөгейді. Қанда осы компоненттердің концентрациясы төмендейді, ұю процесі қиындайды.

Ұюға қарсы қолайлы әсері препаратты қолдануды бастағаннан кейін 3-5 күннен соң байқалады, ал соңғы дозаны қабылдағаннан кейін 3-5 күннен соң тоқталады.

Қолданылуы

Қан тамырларының тромбоздарын және эмболияларын, соның ішінде мыналарды емдеу және алдын алу:

көктамырлардың жіті тромбозы және өкпе артерияларының эмболиясын (гепаринмен біріктіріп)

операциядан кейінгі тромбозды

миокард инфарктінің қайталануын

хирургиялық араласым жүргізген кезде немесе тромбоздарды тромболитикалық емдеген кезде және жүрекше жыпылықтаған кезде электрллік кардиоверсия жүргізгенде (қосымша ем ретінде)

көктамырлардың қайталанған тромбозын

жүрек қан тамырларын және қақпақшаларын протездеген кезде (соның ішінде ацетилсалицил қышқылымен қосып)

шеткерілік, коронарлық және ми артерияларының тромбозын

Препаратты миокард инфарктінен кейін және жүрекше жыпылықтаған кезде  тромбоздың және тромбоэмболияның қайталай алдын алу үшін қолданады.

Қолдану тәсілдері және дозасы

Препараттың бастапқы дозасы – 2,5-5 мг/тәулік. Дозалаудың бұдан кейінгі тәртібін протромбин уақытына немесе қанның  Халықаралық Қалыпты Қатынас (ХҚҚ) бойынша ұю көрсеткіштеріне байланысты жекелей белгіленеді. Протромбиндік уақытты бастапқысынан 2-4 есе арттырған жөн, ал ХҚҚ ауруға, тромбоздың қауіптілігіне, қан кету қаупен және емделушінің жеке ерекшеліктеріне байланысты 2,2-4,4 құрауға тиіс.

ХҚҚ көрсеткішін емдеуді бастар алдында анықтайды. ХҚҚ анықтаған кезде  тромбопластиннің сезімталдық индексін ескерген және осы көрсеткішті түзеткіш коэффициент ретінде пайдаланған жөн. Әрі қарай ұдайы бақылау жүргізеді (әрбір 4-8 апта сайын).

Хирургиялық операция жасалуға тиісті емделушілерге (тромболитикалық және эмболиялық асқынулар қаупі жоғары болған кезде) препаратты операциядан 2-3 күн бұрын тағайындау қажет.

Жіті тромбозда  Варфарин Никомедтің антикоагулянттық әсері білінбегенге шейін алғашқы 3-5 күн ішінде гепаринді қосымша тағайындайды.

Жүрек қақпақшаларын протездегенде, көктамырлардың жіті тромбозында, алғашқы эмболияларда, сол жақ қарынша тромбоздарында және миокард  инфарктінің алдын алу үшін ХҚҚ 2.8-ден 4.4-ке дейін болғанда ұюға қарсы әсерге  жетеді.

Жүрекше жыпылықтаған кезде және көктамырлардың тромбоздары мен эмболияларында демеуші ем үшін  ХҚҚ 2.8-3.0 болғанда ұюға қарсы орташа әсер алуға жетеді.

Ацетилсалицил қышқылы препараттарымен біріктіріп ем жүргізген кезде ХҚҚ көрсеткіші 2.0-2.5 шегінде болуға тиіс.

Егде жастағы кісілерге және әлсіреген емделушілерге препаратты әдетте өте төмен дозаларда тағайындайды.

Толық тәуліктік доза  бір рет және тәуліктің белгілі бір уақытында қабылдануға тиіс.

Емдеу курсының ұзақтығы клиникалық жағдайға байланысты болады.

Препаратты бірден тоқтатуға болады.

Жағымсыз әсерлері

қан құйылу

сирек – іш өту, бауыр ферменттері белсенділігінің жоғарылауы

сирек жағдайларда есекжем, терінің өліеттенуі, васкулиттер

шаштың түсуі

бүйректерге және бауырға уытты әсері

Қолдануға болмайтын жағдайлар

кез келген жердегі қан кетулер

бүйректің ауыр аурулары

бауырдың ауыр аурулары

ауыр артериялық гипертензия

жүктілік

Дәрілермен өзара әрекеттесуі

Варфарин Никомедті мыналармен бір мезгілде қолданған кезде:

қабынуға қарсы стероидтық емес дәрілермен (ҚҚСЕД) бірге қолданғанда  қан кету қаупі едәуір дәрежеде артады (ішінара қан ұю механизміне тікелей әсерімен  және ішінара варфариннің ҚҚСЕД-нің фармакокинетикалық параметрлеріне, соның ішінде плазма белоктарымен байланысуына және метаболизмін тежеумен жүзеге асырылады)

антиагреганттық әсері бар препараттармен (ҚҚСЕД, дипиридамол, вальпрой қышқылы) бірге қолданғанда қан кету қауіп жоғарылайды (мұндай қисындастырудың керегі жоқ)

бауырдың микросомальдық ферменттерінің белсенділігін тежейтін препараттармен (циметидин хлорамфеникол) бірге қолданғанда қан кету қаупі күшейеді.

Айқын гиповолемиялық әсер ету жағдайында диуретиктерді бір мезгілде қабылдау ұю факторларының концентрацияларын арттыруы мүмкін, бұл Варфарин Никомедтің әсерін азайтады.

Варфарин Никомедтің антикоагулянттық әсері бауырдың микросомальдық ферменттерінің индукторларымен (барбитураттармен, фенитоинмен, карбамизепинмен) бірге бір мезгілде қолданғанда, сондай-ақ глутемидпен, гризеофульвинмен, диклосациллинмен, коэнзим 10-мен, миансеринмен, парацетамолмен, ретиноидтармен, рифампицинмен, сукральфатпен, феназонмен және колестераминмен бірге қолданған кезде азаяды.

Варфариннің антикоагулянттық әсері аллопуринолмен, амиадоронмен, анаболикалық стероидтармен (С 17 жағдайында алкилденген), цефалоспориндермен, циметидинмен, даназолмен, диазоксидпен, дизапирамидолмен, дисульфираммен, эритромицинмен, этакрин қышқылымен, флуконазолмен, левамизолмен, флувоксаминмен, глибенламидпен, глюкагонмен, гепаринмен, изониазидпен, кетоконазолмен, хининмен және хинидинмен, хинолондармен, кларитромицинмен, клофибратпен, хлоралгидратпен, хлорамфениколмен, метронидазолмен, миконазолмен, налидикс қышқылымен, нилутамидпен,  омепразолмен, пароксетинмен, симвастатинмен, сульфаниламидтермен, тамоксифенмен, тироксинмен, пероральдық гипогликемиялық дәрілермен бір мезгілде қолданған кезде күшейеді.

Айрықша нұсқаулар

Варфарин Никомедті гепаринмен емдеуге қосымша қолданады. Егер Варфарин Никомедпен емдеу геапринмен емдеуден басым болса, онда гепаринді тікелей әсер етпейтін антикоагулянттарды қабылдаудай бастағаннан 36-42 сағаттан кейін тоқтатқан жөн. Емделушілерге препаратты мөлшерлеудің тәртібін қатаң сақтау қажеттілігі туралы ескертілуге тиіс.

Қан ұю процестері бұзылғанда, тромбоцитопенияда, артериялық гипертензияда, асқазан мен ұлтабардың ойық жара ауруының асқыну сатысында, бауыр мен бүйрек қызметтері бұзылған кезде, миға қан құйылғанда және созылмалы маскүнемдікпен науқастанатындарға сақтықпен тағайындайды.

Бірқатар дәрілік препараттар Варфарин Никомедпен өзара әрекеттеседі. Демек, науқастарға басқа дәрілік заттарды қабылдауды бастамас бұрын немесе  қабылдап жүргендерінің мөлшерін өзгертпес бұрын емдеуші дәрігерден ақыл-кеңес алуы қажеттілігі туралы ескертілуге тиіс.

Варфарин Никомедті варфариннің әсерін күшейтетін препараттармен бір мезгілде қолданған кезде  МНО бақылау жүргізу қажет. Бұл  бауыр индукциясын тудыратын дәрілік препараттарға (барбитураттарға, фенитоинға, карбамазепинге) , және сөйтіп ұюға қарсы әсерін төмендететін препараттарға қатысты.

Қалыпты коагуляцияны ұю факторларын тежеу есебінен немесе  бауыр ферменттерін толық емес тежеу есебінен  бұзуы мүмкін препараттарды тағайындаған жағдайда антикоагулянттық терапияның стратегиясы МНО-ны анықтау жүйелілігі мен жиілігіне тәуелді болады. Үздіксіз бақылау (протромбиндік индексті және МНО-ны 3 күнде 1 реттен кем емес анықтау қажет) варфариннің дозасын түзетуге, мысалы, оны 5-10%-ға төмендетіп немесе арттырып, мүмкіндік береді. Бақыла жүргізуді шектеу мүмкін болған кезде варфаринді уақытша тоқтатудың мүмкін екендігін қарастырған жөн.

Алкогольды көп мөлшерде қолданған кезде гипопротромбинемия мен қан кетудің даму қаупі артады.

Жүктілік және лактация

Варфарин емшек сүтімен анықталынбайтын мөлшерде бөлініп шығады және нәресте қанында ұю процестеріне ықпал етпейді, демек, препаратты бала емізу кезінде қолдануға болады, бірақ толық қауіпсіздік үшін анасын препаратпен емдеген алдыңғы үш күн ішінде нәресте  ана сүтін ембеуге тиіс.

Артық мөлшерленгенде

Емдеудің тиімді дейгейі  қан кету шегінде болады, сондықтан науқас қанды біршама қан жоғалту жағадайында болуға тиіс (гематурия). Егер науқаста қан кетуге себептер бар болса (мысалы, бүйрегінде тас болса), онда  протромбин уақыты 5%-дан астам деңгейге көбейгенше қан кету қауіпті емес.

Емдеу: Қан кету әлсіз болған кезде дозаны азайту немесе препаратты тоқтату жеткілікті.  Ауыр қан кетулерде қан ұю көрсеткіштері  тиімді деңгейге жеткенше К витаминінің аздаған дозасын  тағайындайды. Өмірге қауіп төндіретін қан кетулер дамыған кезде дереу протромбиндік кешенді факторлардың концентраттарын немесе жаңа әзірленген плазма немесе ажыратылмаған қанды құю қажет.

Шығарылу түрі және қаптамасы

50 немесе 100 таблеткасы бар полипропилен құтыларды қолданылуы жөніндегі нұсқаулықпен бірге картон қорапшаға салады.

Сақтау шарттары

Препаратты 25ºС-ден аспайтын температурада сақтаған жөн.

Балалардың қолы жетпейтін жерде сақтау керек!

Жарамдылық мерзімі

5 жыл.

Жарамдылық мерзімі өткеннен кейін қолданбау керек.

Дәріханалардан босату шарттары

Рецепт бойынша

Өндіруші

Никомед Дания А/С, Дания

Қазақстан Республикасындағы  өкілдігі

«Никомед Остевропа Маркетинг Сервис ГмбХ»,

Абылай хан даңғылы, 96, пәтер 11, тел.: 61 66 89, факс: 61 38 59