Аторис

Дәрілік заттың медицинада қолданылуы жөніндегі

нұсқаулық

АТОРИС®

Саудалық атауы

АТОРИС ®

Халықаралық патенттелмеген атауы

Аторвастатин

Дәрілік түрі

Үлбірлі қабықпен қапталған таблеткалар, 10 мг және 20 мг

Құрамы

Бір таблетканың құрамында

белсенді зат -  20.720 мг (20.000 мг аторвастатинге баламалы) немесе  10.360 мг ( 10.000 мг аторвастатинге баламалы)  аторвастатин кальциі бар, 

қосымша заттар: повидон, натрий лаурилсульфаты, кальций карбонаты, микрокристалды целлюлоза, лактоза моногидраты, натрий кроскармеллозасы, магний стеараты, 

қабықтың құрамы: опадрай ақ II HP 85F28751: поливинил спирті, титанның қостотығы (Е 171), макрогол 3000, тальк.

Сипаттамасы

Дөңгелек, екі жағы сәл дөңестеу, үлбірлі қабықпен қапталған, ақ түсті таблеткалар. Бөлгенде ақ түсті ядро көрінеді.   

Фармакотерапевтикалық тобы

Гиполипидемиялық  препараттар. ГМГ-КОА-редуктазаның тежегіштері.

АТЖ коды  С10АА05.

Фармакологиялық қасиеттері

Фармакокинетикасы 

Аторвастатиннің сіңуі жоғары, асқазан-ішек жолынан шамамен 80% сіңеді. Ең жоғары концентрацияның (Смах) басталу уақыты, орташа алғанда, 1-2 сағат. Әйелдерде Смах 20%-ға жоғары, ал AUC көрсеткіші 10%-ға төмен. Бауыры алкоголь циррозына шалдыққан науқастарда ең жоғары концентрацияға жету уақыты қалыптағыдан 16 есе жоғары. Бауыр арқылы “алғаш өткенде” қарқынды метаболизм салдарынан аторвастатиннің биожетімділігі төмен болады (12%). Аторвастатиннің орташа таралу көлемі 381 л. Аторвастатиннің 98%-дан астамы қан сарысуы ақуыздарымен байланысады. Аторвастатин гематоэнцефалиялық бөгет арқылы өтпейді. Көбінесе бауырда  Р4503А4 цитохромы әсерінен метаболизденіп,  фармакологиялық тұрғыдан белсенді метаболиттер (орто- және парагидроксилденген метаболиттер, бета-тотығу өнімдері) түзіледі. Бұл - белсенді метаболиттер 20-30 сағат бойы сақталатын ГМГ-КоА-редуктазаға шамамен 70% тежегіш әсер көрсетеді.

Аторвастатиннің жартылай шығарылу кезеңі 14 сағат. Негізінен өтпен бірге шығарылады (айқын ішек-бауырлық рециркуляцияға түспейді, гемодиализ көмегімен шығарылмайды). Аторвастатиннің шамамен 46% нәжіспен және 2%-дан аз мөлшері несеппен бірге шығарылады.

Фармакодинамикасы

Аторис® – статиндер тобына жататын гиполипидемиялық дәрі. Аторвастатиннің негізгі әсер ету механизмі  ГМГ-КоА-ның мевалон қышқылына айналуын катализдейтін фермент 3-гидрокси-3-метилглутарил-коэнзим А-(ГМГ-КоА-)-редуктаза белсенділігін тежеу болып табылады. Бұл өзгеру организмде холестерин синтезі тізбегіндегі алғашқы сатылардың бірі болып табылады. Аторвастатинмен холестерин синтезін басу бауырда, сондай-ақ бауырдан тыс тіндерде ТТЛП (тығыздығы төмен липопротеиндер) рецепторларының жоғары  реактивтілігіне әкеледі. Бұл рецепторлар ТТЛП бөлшектерін байланыстырады және оларды қан  сарысунан шығарады, соның нәтижесінде қанда ТТЛП холестеринінің  деңгейі төмендейді.

Атористің® антисклеротикалық әсері препараттың қан тамырларының қабырғаларына және қан компоненттеріне әсер ету салдарынан болады.  Препарат қан тамырларының ішкі қабығы жасушаларының өсу факторлары болып табылатын изопреноидтардың  синтезін басады.  Атористің® әсерінен  қан тамырларының эндотелийге тәуелді кеңеюі жақсарады. Аторис ®холестериннің, тығыздығы төмен липопротеиндердің, В аполипопротеиннің, триглицеридтердің мөлшерін төмендетеді.  ТЖЛП (тығыздығы жоғары липопротеиндерінің) холестеринінің және А аполипопротеиннің мөлшерлерін жоғарылауын тудырады.

Әдетте, Атористің® әсері препаратты қабылдағаннан кейін екі аптадан кейін дамиды, ал ең жоғары әсерге төрт аптадан кейін жетеді.

Қолданылуы

- гиперлипидемияда (алғашқы гиперлипидемия (IIа және IIb түрлері), 

  полигенді  гиперхолестеринемияны қоса алғанда)

- гетерозиготалы және гомозиготалы жанұялық гиперхолестеринемияда 

Қолдану тәсілдері мен дозалары

Аториспен® емдеуді бастағанға дейін науқас қандағы липидтердің мөлшерін төмендетуді жүзеге асыратын емдәмге көшірілуі тиіс, оны препаратпен емдеу барысында орындау қажет. 

Препаратты ішке, ашқарынға немесе тамақтан кейін қабылдайды.

Препарат дозасы тәулігіне бір рет 10 мг-нан 80 мг-ға дейін.  Препарат дозасын ТТЛП деңгейіне, ем мақсатына және жекеленген емдік әсерге байланысты реттейді. 

Аторис күннің кез келген уақытында бір рет қабылдануы мүмкін, бірақ  күнделікті бір уақытта ғана. Елеулі емдік әсері емдеудің екінші аптасынан кейін байқалады, ал ең жоғары әсері төрт аптадан соң дамиды. Сондықтан  препарат дозасын емдеудің төртінші аптасынан кейін ғана өзгерткен жөн. Препаратты қабылдау ұзақтығы қанның липидтік көрсеткіштеріне және жүрек-тамыр ауруларының асқыну қауіпінің дәрежесіне байланысты болады

Алғашқы (гетерозиготалы тұқым қуалайтын және полигенді) гиперхолестеринемия (Па түрі) және аралас гиперлипидемия (Пb түрі)

Емдеу  ұсынылған бастапқы дозадан басталады, оны емделушінің реакциясына қарай төрт аптадан кейін арттырады. Ең жоғары тәуліктік дозасы 80 мг құрайды.

Гомозиготалы тұқым қуалайтын гиперхолестеринемия

Дозалардың диапазоны гиперлипидемияның басқа түрлеріндегідей. Бастапқы доза аурудың  айқындылығына қарай әр адамға жеке таңдалады. Гомозиготалы тұқым қуалайтын гиперхолестеринемиямен көптеген науқастарда тиімді әсер препаратты 80 мг тәуліктік мөлшерде (бір рет) қолданған кезде байқалды. Аторис® емдеудің басқа әдістеріне (плазмаферез) қосымша ем ретінде немесе егер басқа әдістердің көмегімен емдеу мүмкін болмаса, негізгі ем ретінде қолданылады.

Егде жастағы кісілерге және бүйрек ауруы бар науқастарға Атористің® дозасын өзгертпеген жөн.

Бауыр қызметі бұзылған науқастар препараттың организмнен шығарылуының бәсеңдеуіне байланысты  сақ болуы қажет. Осыған ұқсас жағдайларда клиникалық және зертханалық көрсеткіштерді мұқият бақылаған жөн және едәуір патологиялық өзгерулер анықталған кезде доза азайтылуы немесе емдеу тоқтатылуы тиіс.

Жағымсыз әсерлері

Жиі

- аллергиялық реакциялары

- бас ауыруы, ұйқысыздық, бас айналуы, парестезия

- кеуденің  ауыруы 

- ішектің бітелуі, метеоризм, асқазан бұзылысы, лоқсу,  

  диарея

- тері бөртпесі, қышыма

- миалгия, буын сырқырауы, бел ауыруы 

- астения

- қандағы креатининкиназа деңгейінің жоғарылауы

Жиі емес

- тромбоцитопения

- анорексия

- импотенция

- амнезия

- шеткергі нейропатия

- құсу, панкреатит

- есекжем

- миопатия

- жайсыздық, дене салмағының артуы

- бұлшықет әлсіздігі

- қанның сарысуында трансаминаза (АЛТ,АСТ)  деңгейінің жоғарлауы

Сирек: 

- гепатит, холестатикалық сарғаю

- миозиттер, рабдомиолиз

Өте сирек

- анафилактикалық реакциялар

- ангионевротикалық ісіну, алопеция, буллезді бөртпе (мультиформалы 

  эритема, Стивенс-Джонсон синдромы, уытты эпидермальды некролиз)

- қандағы қанттың деңгейінің жоғарылауы немесе төмендеуі

 «Өте сирек» деп  жіктелген кейбір жағымсыз әсерлері үшін препаратпен себеп-салдарлық байланысы дәлелденбеген. 

Сарысуда трансаминаза деңгейінің жоғарылауы емделушілердің  бәріне дозадан тәуелді және қайтымды болған. 

Емделушілердің 0.4%-да креатининкиназаның  деңгейінің  жоғарылауы  рұқсат етілген шегінен 10 есе жоғарылағаны байқалған; осы емделушілердің  0.1% бұлшық ет ауыруы, тенденит немесе әлсіздік белгілері болған.

Кейбір статиндердің мына жағымсыз әсерлері туралы жеке мәлімдемелер бар:

- ұйқысыздық,  ұйқының  бұзылуы бірге жаман түс көруді қоса алғанда 

- жадының жоғалтуы

- сексуальді қиындықтар

- депрессия

- ерекше жағдайда өтпелі өкпе ауруы, әсіресе ұзақ мерзімді терапияда

Қолдануға болмайтын жағдайлар

- препараттың кез-келген  компоненттеріне жоғары сезімталдылықта 

- белсенді кезеңдегі бауырдың аурулары (соның ішінде, белсенді 

  созылмалы гепатит, созылмалы алкогольдік гепатит), бауырдың 

  жетіспеушілігі,  этиологиясы  әртүрлі бауырдың циррозы, себебі 

  анықталмаған бауыр  трансаминазаларының белсенділігінің 

  жоғарылауында

- лактаза жетіспеушілігінде, галактоземия немесе галактоза-глюкозаның  

  мальабсорбциясы синдромында 

- қаңқа бұлшық еттерінің ауруларында

- жүктілік пен лактация кезеңінде

- 18 жасқа дейінгілерге (қолданудың тиімділігі мен қауіпсіздігі 

  анықталмаған)

Дәрілермен өзара әрекеттесуі

Аторвастатинді циклоспоринмен, антибиотиктермен (эритромицин, кларитромицин, квинупристин/дальфопристин), АИВ (ВИЧ) протеаза тежегіштерімен (индинавир, ритонавир), зеңдергеқарсы дәрілермен (флуконазол, итраконазол, кетоконазол) немесе нефазадонмен бірге қолдану қан сарысуындағы аторвастатиннің мөлшерінің жоғарылауына әкелуі мүмкін, ол бүйрек жеткіліксіздігі мен рабдомиолизбен бірге миопатияның пайда болу қаупін арттырады. Осыған ұқсас өзара әрекеттестік Атористі® фиброй қышқылының туындыларымен және ниацинменбір мезгілде қолданған кезде де болуы ықтимал. 

Аторвастатинді фенитоинмен бір мезгілде қолданған кезде аторвастатиннің тиімділігінің азаюы мүмкін. Антацидтермен (магний және алюминий гидроксидтерінің суспензиясы) бірге қабылдағанда, антацидтер  қан сарысуындағы аторвастатиннің мөлшерін төмендетеді. Аторвастатинді колестиполмен бірге қолданғанда аторвастатиннің сарысудағы концентрациясы 25%-ға төмендейді, бірақ біріктірілген емнің әсері тек аторвастатинмен емдеудін әсерінен жоғары.

80 мг аторвастатинмен дигоксинді бірге қолданғанда, дигоксиннің сарысудағы мөлшері шамамен 20%-ға жоғарылайды. Аторвастатин мен дигоксинді қабылдайтын науқастарды бақылауға алған жөн.

Аторвастатинді пероральды контрацептивтермен (біріктірілген норэтиндрон мен этинилэстрадиолды) бірге қабылдаған кезде контрацептивтердің сіңуінің күшеюі және олардың қан сарысуындағы концентрациясының жоғарылауы мүмкін. Аторвастатинді қабылдайтын әйелдердің контрацептивтерді таңдауын бақылау керек.

Аторвастатинді варфаринмен бірге қабылдау алғашқы күндері қанның ұю көрсеткіштеріне варфариннің әсерін күшейтуі мүмкін (протромбин уақытының азаюы). Бұл әсер көрсетілген препараттарды 15 күн бірге қолданғаннан кейін  жоғалады. 

Грейфрут шырынын Аториспен® емделу барысында ішу қан сарысуындағы препараттың концентрациясының жоғарылауына әкелуі мүмкін. Осыған байланысты, Атористі® қабылдап жүрген науқастар бұл шырынды ішпеу керек.

Айрықша нұсқаулар

Аториспен® емдеу стандартты гипохолестеринемиялық емдәмді ұстауды жоққа шығармайды, бұл емдәмді ол емдеудің бүкіл кезеңі барысында сақтауы тиіс.

Қан сарысуында “бауыр” ферменттерінің белсенділігінің жоғарылауы Аториспен® емделу барысында байқалуы мүмкін. Бұл жоғарылау, әдетте, көп емес және клиникалық маңызы жоқ. Алайда емдеуге дейін, емдеудің 6 аптасынан кейін, 12 аптасынан кейін және аторвастатиннің мөлшерін арттырған кезде қан сарысуындағы “бауыр” ферменттерінің белсенділігін тексеруұсынылған. Егер аспартатаминотрансферазаның (АСТ) және/немесе аланинаминотрансферазаның (АЛТ) белсенділігінің жоғарылауы қалыпты жағдайыдағы ең жоғары шегінен үш есе жоғары болса, онда Аториспен® емдеу тоқтатылуы тиіс. Аторис® креатинфосфокиназаның және аминотрансферазаның белсенділігін жоғарылатуы мүмкін.

Сенімді контрацепция қолданбайтын, бала туу жасындағы әйелдерге Атористі® қолдану ұсынылмайды. Егер науқас жүкті болуды жоспарласа, ол Атористі® қабылдауды жоспарланған жүктіліктен кем дегенде бір ай бұрын доғаруы тиіс. 

Аториспен® емделу миопатияны тудыруы мүмкін, ол кейде жедел бүйрек жеткіліксіздігіне әкелетін рабдомиолизбен қоса қабаттасады. Осы асқынудың қаупі Аториспен® бір мезгілде келесі дәрілік препараттарды бірге қолданғанда жоғарлайды: фиброй қышқылының туындылары, ниацин, циклоспорин, нефазадон, кейбір антибиотиктер, “азол” тобына жататын зеңгеқарсы дәрілер, АИВ (ВИЧ)-протеаза тежегіштері.

Ішімдікті көп мөлшерде қабылдайтын немесе сыртартқысында бауыр аурулары бар науқастар Атористі® сақтықпен қабылдаулары керек.  

Дәрілік заттың көлік және потенциалды қауіпті механизмдерді басқаруға әсерінің ерекшеліктері

Емдеу кезінде автокөлік жүргізуден және қауіпті жұмыс, яғни, зейінді және тез психомоторлық реакциялар талап ететін  түрлерімен айналысуда сақ болу керек. 

Артық дозалау

Белгілері: препараттың жағымсыз әсерлерінің күшеюі.

Емі: өмірлік қызметтерді бағалау және демеу және препараттың ары қарай сіңуінің алдын алу (асқазанды шаю, белсенділендірілген көмірді немесе іш айдағыштарды қабылдау).

Рабдомиолиз және жедел бүйрек жетіспеушілігіне ұласатын миопатия (сирек, бірақ ауыр жағымсыз әсер) дамығанда, препаратты қабылдауды тез арада тоқтату керек, ал науқасқа диуретик және натрий гидрокарбонаты ерітіндісін енгізу керек. Қажет жағдайда гемодиализ жүргізу керек. Рабдомиолиз гиперкалиемияға әкелуі мүмкін, ал гиперкалиемияны жою үшін кальций хлоридін немесе кальций глюконатын көк тамырға енгізу, глюкозаны инсулинмен инфузия түрінде енгізу, калий иондарын алмастырушыларды қолдану немесе ауыр жағдайларда гемодиализ жүргізу керек. Аторвастатин қан сарысуы ақуыздарымен жоғары дәрежеде байланысатындықтан, организмнен аторвастатинді шығаруда гемодиализ аз тиімді болады.

Шығарылу түрі және қаптамасы

Үлбірлі қабықпен қапталған таблеткалар, 10 мг және 20 мг

OPA/Al/PVC үлбірден және алюминий фольгасынан жасалған пішінді ұяшықты қаптамаға 10 таблеткадан салынған. 1, 3 немесе 9 пішінді ұяшықты қаптама мемлекеттік және орыс тілдеріндегі қолданылуы жөніндегі нұсқаулықпен бірге картон пәшкеге салынған.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек! 

Сақтау мерзімі

2 жыл

Cақтау мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

­Өндіруші

КРКА, д.д., Ново место, Словения 

Шмарьешка 6, 8501 Ново место, Словения

Қазақстан Республикасының территориясында өнім (тауар) сапасына тұтынушылардың  наразылығын қабылдайтын өкілдігінің мекен жайы 

Қазақстандағы «KRKA, tovarna zdravil, d.d., Novo mesto» өкілдігі 

ҚР, 050059, Алматы қ., Аль-Фараби д., 5/1, 3 А секциясы, 4 қабат. 

тел. 8(727) 311-08-09

факс 8(727) 311-08-12

www.krka.si