Микардис

Қазақстан Республикасы 

Денсаулық сақтау министрлігі медициналық және 

фармацевтикалық қызметті 

бақылау комитеті Төрағасының 

20  _ жылғы “____” ___________

№ _____ бұйрығымен

БЕКІТІЛГЕН

                                                     Дәрілік заттың медицинада

қолданылуы жөніндегі

нұсқаулық

Микардис® / Micardis®

Саудалық атауы

Микардис® / Micardis®

Халықаралық патенттелмеген атауы

Телмисартан 

Дәрілік түрі

40 мг, 80 мг таблеткалар

Құрамы

Бір таблетканың құрамында

белсенді зат – 40 немесе 80 мг телмисартанға сәйкес, 

қосымша заттар: поливидон К 25 (повидон), меглумин, натрий гидрототығы, сорбитол, магний стеараты.  

Сипаттамасы

40 мг таблеткалар – ақ немесе ақ түсті дерлік, сопақша, бір жақ бетінде  «51Н» таңбасы және басқа жақ бетінде компанияның логотипі бар таблеткалар   

80 мг таблеткалар– ақ немесе ақ түсті дерлік, сопақша, бір жақ бетінде  «52Н» таңбасы және басқа жақ бетінде компанияның логотипі бар таблеткалар    

Фармакотерапиялық тобы

Ренин-ангиотензин жүйесіне ықпал ететін препараттар. 

Ангиотензин II антагонистері. 

АТЖ коды    C09CA07

Фармакологиялық қасиеттері

Фармакокинетикасы 

Телмисартан тез сіңеді, алайда сіңген мөлшер өзгеріп отырады. Телмисартанның толық биожетімділігінің орташа шамасы шамамен   50 % құрайды.

Таралу көлемі шамамен  - 500 л.

Телмисартан бастапқы заттың глюкуронидпен конъюгациясы арқылы өзгеріске ұшырайды.  Конъюгаттың фармакологиялық белсенділігі байқалған жоқ.  

Телмисартанның фармакокинетикасы биэкспонециальды сипатқа ие, терминальды жартылай шығарылу кезеңі  >20 сағат.   

Телмисартанның клиникалық тұрғыдан маңызды жиналып қалуы байқалған жоқ.   

Ішіп қабылдағаннан кейін телмисартан өзгермеген күйінде нәжіс арқылы толық дерлік бөлініп шығады.  Несеппен бірге жалпы шығарылуы дозаның     <2%-ын  құрайды. 

Жалпы плазма клиренсі (шамамен 900 мл/мин) бауырдағы қан ағысымен салыстырғанда (шамамен 1500 мл/мин) жоғары болып табылады. 

Телмисартанның егде жастағы фармакокинетикасы өзгермейді.   

Бүйрек  қызметінің жеткіліксіздігіне шалдыққан емделушілер

Бүйрек қызметінің жеткіліксіздігіне шалдыққан, диализ жасатып жүрген емделушілердің плазмасында  концентрацияның аз екендігі байқалады.  Бүйрек қызметінің жеткіліксіздігіне шалдыққан адамдарда телмисартан плазма ақуыздарымен көбірек байланысады және диализ арқылы жойылады. Бүйрек қызметінің жеткіліксіздігінде жартылай шығарылу кезеңі өзгеріске ұшырамайды.  

Бауыр қызметінің жеткіліксіздігіне шалдыққан емделушілер

Бауыр қызметінің жеткіліксіздігіне шалдыққан емделушілерде телмисартанның толық биожетімділігі 100%-ға дейін артады. Бауыр қызметінің жеткіліксіздігінде жартылай шығарылу кезеңі өзгермейді.  

Фармакодинамикасы

МикардисÒ ішке қабылдауға арналған ІІ  ангиотензин (AT1 түрі) рецепторларының тиімді және ерекше антагонисі болып табылады.    Телмисартан ІІ ангиотензинді   оның  белгілі әсеріне жауап беретін  АT1 субтүрі рецепторларында байланысатын жерінен өте жоғары аффинділікпен ығыстырып шығарады. Телмисартан  AT1-рецепторларымен талғаммен байланысады. Телмисартан басқа рецепторларға, AT2 қоса есептегенде, және басқа азырақ сипатталған  AT рецепторлармен бірге аффинділік білдірмейді. Телмисартан плазмада альдостерон деңгейін төмендетеді.  Телмисартан адам  плазмасында ренинді тежемейді және ион өзекшелерін бөгемейді. Сондықтан  брадикининнен болатын жағымсыз әсерлер күшеймейді.

Адамда телмисартанның 80 мг дозасы АҚ-ның ІІ  ангиотензин салдарынан жоғарылауын толық дерлік тежейді. Тежегіш әсері 24 сағаттан астам бойы сақталады және  48 сағатқа дейін өлшеулі күйінде қалады.  

Эссенциальды  артериялық  гипертензияны емдеу

Телмисартанның алғашқы дозасын қабылдағаннан кейін артериялық қысым 3 сағаттан соң төмендейді. Емдеуді бастағаннан кейін  4 аптадан соң АҚ-ның біртіндеп төмендеуі өте жоғары шегіне жетеді және ұзақ емделу барысында сақталады.   

Гипертензияға шалдыққан емделушілерде МикардисÒ систолалық та, сонымен қатар диастолалық та қысымды, жүректің жиырылу жиілігін өзгертпей-ақ, төмендетеді.   

МикардиспенÒ емдеуді күрт тоқтатқаннан кейін қанның қысымы, гипертензияның тез қалпына келу белгісінсіз-ақ, бірнеше күн ішінде емге дейінгі мәніне біртіндеп оралады.  

Гипертензияға және сол жақ қарыншаның гипертрофиясына шалдыққан емделушілерде телмисартанмен емдеудің және сол жақ қарынша мен сол жақ жүрекше  индексінің төмендеуі арасында статистикалық тұрғыдан маңызды тәуелділік бар.   

Гипертензияға шалдыққан және диабеттік нефропатиясы бар емделушілерді МикардиспенÒ емдеген кезде протеинурияның (микроальбуминурияны және макроальбуминурияны қосқанда) статистикалық тұрғыдан елеулі төмендегені байқалады.

Бірнеше орталықтағы халықаралық клиникалық зерттеулерде телмисартан қабылдаған емделушілердегі құрғақ жөтел жағдайлары ангиотензинге өзгертуші фермент (АӨФ) тежегіштерін қабылдап жүрген емделушілерге қарағанда едәуір аз болатындығы айғақталды.   

Жүрек-қантамыр ауруларының және өлім-жітімге ұшыраудың алдын алу  

Сыртартқысында  ЖИА, инсульт, шеткергі  қантамырлар  аурулары  немесе нысана ағзаларды зақымдайтын (ретинопатия, сол жақ қарынша гипертрофиясы,  макро және микроальбуминурия) қантты диабеті бар 55 жастағы және одан үлкен емделушілерде МикардистіÒ қолдану миокард инфаркті, инсульт, жүрек қызметінің іркілген жеткіліксіздігіне  байланысты ауруханаға жатқызу жиілігінің азаюына  және жүрек-қантамыр ауруларынан болатын өлім-жітімнің төмендеуіне мүмкіндік береді.   

Қолданылуы

- эссенциальды артериялық  гипертензияны емдеуге

- 55 жастан асқан жүрек-қантамыр ауруларының даму қаупі жоғары емделушілерде жүрек-қантамыр  ауруларының және өлім-жітімге ұшыраушылықтың алдын алу үшін    

Қолдану тәсілі және дозалары 

Эссенциальды  артериялық  гипертензияны емдеу

Ересектер үшін тиісті доза күніне бір рет  40 мг құрайды.     

Кейбір емделушілерде тәуліктік  20 мг доза тиімді болуы мүмкін. 

Тиімді АҚ-ға  қол жетпеген жағдайларда  МикардисÒ дозасы күніне бір рет ең жоғары  80 мг-ға дейін арттырылуы мүмкін.    

Дозаны арттырған кезде гипертензияға қарсы ең жоғары әсерге  әдетте емдеуді бастағаннан кейін төрт-сегіз апта ішінде жететініне назар аударған жөн.  

Жүрек-қантамыр ауруларының және өлім-жітімге ұшыраудың алдын алу  

Тиісті доза күніне бір рет   80 мг  құрайды.   

Жүрек-қантамыр аурушаңдықтың және өлім-жітімнің алдын алу үшін  телмисартанды қолданудың бастапқы сатыларында – АҚ-ды бақылау керек, АҚ төмендеген кезде тиісті түзету енгізілуі мүмкін.  

Микардисті ас қабылдау кезінде де, сондай-ақ ас қабылдау арасында да қабылдай беруге болады.   

Бүйрек қызметінің жеткіліксіздігі

Бүйрек қызметінің жеткіліксіздігіне шалдыққан емделушілерде, гемодиализдегі емделушілерді қосқанда, дозаны өзгерту қажет емес.  

Бауыр қызметінің жеткіліксіздігі

Бауыр қызметі жеткіліксіздігі  жеңілден орташа дәрежесіне дейін болатын емделушілерде дозаны күніне бір реттік  40 мг-нан асырмаған жөн.     

Жағымсыз әсерлері

- бас ауыруы, бас айналуы, талу,  көрудің нашарлауы, үрейлену, күйзеліс, ұйқысыздық   

- брадикардия, тахикардия,  гипотензия, ортостатикалық гипотензия

- диспепсия, жүректің айнуы, құсу, ауыз ішінің құрғауы, іштің ауыруы, іш өту, іштің желденуі, бауыр қызметінің өткінші бұзылуы  

- жөтел,  фарингит, жоғарғы тыныс жолдарының жұқпалары    

- анемия, эозинофилия, тромбоцитопения

- анафилактикалық реакция, асқын сезімталдық

- ангионевротикалық ісіну, экзема, эритема, қышу, қатты терлеу, есекжем, дәріден іріңдеу, уытты тері іріңдері, бөртпе   

- бүйрек қызметінің жеткіліксіздігі, бүйрек қызметінің жедел ағымды жеткіліксіздігін қосқанда   

- сепсис, өлім-жітіммен аяқталуын қосқанда, несеп шығару жолдарының жұқпалары   (циститті қосқанда), 

- артралгия, арқаның және белдің ауыруы, аяқ бұлшықеттерінің түйілуі және аяқтың ауыруы,  миалгия, тендинитке ұқсас   симптомдар, кеуде клеткасының ауыруы, тұмауға ұқсас белгілері,  

- гиперкалиемия, қандағы несеп қышқылының жоғарылауы, қандағы креатининнің жоғарылауы, бауыр ферменттерінің жоғарылауы, КФК (креатинин фосфокиназаның)  жоғарылауы   

Қолдануға болмайтын жағдайлар

- телмисартанға немесе препарат компоненттерінің кез келгеніне сезімталдық жоғары болғанда    

- жүктілікте, лактация кезеңінде   

- өт жолдарының обструктивті ауруларында   

- бауырдың ауыр жеткіліксіздігінде  

- фруктозаның тұқым қуалаған жеткіліксіздігінде  

- балаларға және 18 жасқа дейінгі жасөспірімдерге  

Дәрілермен өзара әрекеттесуі

Микардис® гипертензияға қарсы басқа заттардың гипотензиялық әсерін арттыруы мүмкін. Клиникалық маңызы бар басқадай өзара әрекеттесулер айырып анықталынбаған.  

Телмисартан тиазидтік түрдегі диуретиктермен, мысалы гидрохлортиазидпен, біріктіріліп қолданылуы мүмкін, оның  артериялық қысымды төмендетуде телмисартанға қосымша әсері бар. Артериялық ауыр гипертензияға  шалдыққан емделушілерде  160 мг-ға дейінгі дозадағы телмисартанмен  монотерапия түрінде де және күніне 12.5-25 мг гидрохлортиазидпен біріктіріп емдегенде де жағымдылығы жақсы және тиімді болды.    

Телмисартанды біріктіріп қолдану варфаринмен, глибенкламидпен, ибупрофенмен, парацетамолмен, симвастатинмен және  амлодипинмен клиникалық тұрғыдан маңызды өзара әрекеттесуге әкелмейді.  

Дигоксинде плазмада орташа тұрақты концентрацияның 20%-ға (жекелеген жағдайда 39%) артуы байқалды, сондықтан дигоксиннің плазмадағы деңгейін бақылаған жөн.   

Литийді ІІ ангиотензин антагонистерімен, Микардисті қоса есептегенде,  біріктіріп қолданған кезде литийдің сарысудағы концентрациясының және  уыттылығының қайтымды жоғарылағаны жөнінде айтылған.   Сондықтан біріктіріп қолданған кезде литийдің сарысудағы деңгейін бақылап отыру  керек.  

ҚҚСЕП-пен бір мезгілде  емдеу сусыздануға шалдыққан емделушілерде бүйрек қызметінің жедел ағымды жеткіліксіздігінің даму қаупімен байланысты.  Бір мезгілде ҚҚСЕП және Микардис® қабылдап жүрген емделушілерге емнің бас кезінде судың жоғалған орнын талапқа сай толтырған және бүйрек қызметін бақылап отырған жөн.    

ҚҚСЕП-пен бір мезгілде қолданған кезде телмисартанның гипертензияға қарсы әсерінің біршама төмендегені жөнінде айтылған.   

Калий-жинақтаушы диуретиктерді біріктіріп қолдану,  калийді, құрамында калий бар  тұз алмастырғыштарды немесе калий деңгейін арттыруы мүмкін басқадай дәрілерді  (гепарин және басқалар) қосымша енгізу сарысудағы калийдің артуына әкеп соқтыруы мүмкін, сондықтан оларды  Микардиспен® бірге қолданғанда сақ болған жөн.   

Айрықша нұсқаулар

Бүйрек артериясының билатеральды стенозы бар емделушілерде  немесе   ренин-ангиотензин-альдостеронді жүйеге ықпал ететін дәрілермен ем қабылдап жүрген емделушілерде ауыр гипотензия қаупі жоғары болады.    

Микардисті® бүйрек қызметінің жеткіліксіздігіне шалдыққан емделушілерге қолданған кезде қан сарысуындағы калий мен креатинин деңгейін мезгіл-мезгіл бақылап отыру керек. Бүйрегін жуық арада алмастырған емделушілерге Микардисті®  қолдану тәжірибесі жоқ.   

Айналымдағы қан көлемі төмендеген және/немесе көлемді диуретикалық ем салдарынан натрий мөлшері төмендеген, диетада тұзды шектеген, іш өтіп жүрген немесе құсып жүрген емделушілерде, әсіресе алғашқы дозаны қабылдағаннан кейін, симптоматикалық гипотензия байқалуы мүмкін.    Мұндай жағдайларды, әсіресе  айналымдағы қан және/немесе натрийді төмендетуді,   Микардисті® тағайындағанға дейін түзеткен жөн. 

Алғашқы альдостеронизмге шалдыққан емделушілер әдетте   ренин-ангиотензин жүйесін тежеу арқылы әсер ететін антигипертензиялық дәрілермен емдеуге әсер бермейді. Сондықтан  Микардисті®  емделушілердің осы тобына қолданбау керек.   

Аортальды немесе митральды стенозға шалдыққан,  немесе обструктивті гипертрофиялық кардиомиопатиясы бар емделушілерде қантамырын кеңейтетін басқадай дәрілерді қолданған  кездегідей,  ерекше  сақтық қажет.  

Ренин-ангиотензин-альдостеронды жүйеге ықпалын тигізетін дәрілермен емдеу кезінде, әсіресе бүйрек қызметінің жеткіліксіздігінде және/немесе жүрек қызметінің жеткіліксіздігінде, гиперкалиемия басқалуы мүмкін.  Осы  қауіпті  топтағы  емделушілерде калий деңгейін бақылап отыру  керек.    

Телмисартан негізінен өтпен бірге шығарылады. Өт жолдарының обструкциялық ауруына немесе бауыр қызметінің жеткіліксіздігіне шалдыққан емделушілерде  шығарылудың баяулағаны байқалуы мүмкін.  Бұл емделушілерге  Микардисті® қолданғанда сақ болған жөн.    

Микардистің® ең жоғары тиісті (80 мг) дозасында  338 мг сорбитол  бар.   Фруктозаның тұқым қуалау жағдайы сирек болатын емделушілерге бұл дәріні қолданбаған жөн.   

АӨФ тежегіштері сияқты, ангиотензинді рецептор бөгегіштерінің де,   Микардисті® қоса есептегенде,  терісі қара емделушілерде, терісі қара емес емделушілердегіге қарағанда, артериялық гипертензиясы бар қара терілі емделушілерде төмен ренинді жағдайдың едәуір басым болуы салдарынан,  АҚ төмендеу тиімділігі аз.   

Гипертензияға қарсы басқадай заттар сияқты, ангиотензин рецепторларының бөгегіштері  ишемиялық кардиопатияға немесе ишемиялық жүрек-қантамыр ауруларына шалдыққан емделушілерде қан қысымын шамадан тыс төмендетуі мүмкін, ол миокард инфарктіне немесе инсультқа әкеп соқтыруы мүмкін.   

Жүктілік

Ангиотензин-II-рецепторлары антагонистерін қабылдап жүрген және жүктілікті жоспарлап жүрген  емделушілер жүктілік кезінде  қолданудың қауіпсіздік профилі анықталған гипертензияға қарсы препараттармен альтернативті емдеуге көшірілуге тиіс.   

Егер жүкті екендігі анықталған жағдайда   ангиотензин-II-рецепторлар антагонистерімен емдеу дереу тоқтатылуға, және тиісті альтернативті ем басталуға тиіс.   

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері  

Гипертензияға қарсы препараттармен емдеген кезде бас айналу немесе ұйқышылдық байқалуы мүмкін екендігін ескерген жөн.    

Артық дозалануы 

Артық дозалануы жөніндегі деректер тіпті шектеулі. Артық дозаланудың өте ықтимал деректері гипотензия және тахикардия болуы мүмкін, брадикардияның дамуын да жоққа шығаруға болмайды.   

Емдеу – Белгілеріне қарай ем жүргізіледі. Телмисартан қаннан гемодиализ арқылы жойылмайды.  

Шығарылу түрі

40 мг және 80 мг МикардисÒ таблеткалары поливинилхлоридті үлбірден және алюминийлік фольгадан жасалған пішінді ұяшықты қаптамада 7 таблеткадан шығарылады.  Пішінді ұяшықты  2 немесе 4 қаптама медициналық қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.   

Сақтау мерзімі

4 жыл

Қаптамасында көрсетілген жарамдылық мерзімі өткеннен кейін қолдануға болмайды.  

Сақтау  шарттары

Құрғақ жерде,  25°С-ден аспайтын жерде сақтау керек.

Балалардың қолы жетпейтін жерде сақтау керек!

Дәріханадан босату шарттары

Рецепт арқылы

Өндіруші

Берингер Ингельхайм Фарма ГмбХ және КоКГ, 

Бингерштрассе 173, 55216 Ингельхайм, Германия  

Тұтынушылардан өнім сапасы туралы түскен шағымдарды Қазақстан Республикасы аумағында қабылдайтын ұйымның атауы және мекен-жайы: 

ҚР «Берингер Ингельхайм Фарма Гес мбХ» өкілдігі

Заңды мекен-жайы:  Алматы қ-сы, 050010, Қайырбеков к-сі 38

Нақты мекен-жайы:  Алматы қ-сы, 050008, Абай даң-лы 52

 «Innova Tower» Бизнес-орталығы, 7ші қабат

тел: +7 (727) 250 00 77         факс: +7 (727) 244 51 77

e-mail: ainura.ayazbayeva@boehringer-ingelheim.com