Назол Адванс

Саудалық атауы 

Назол®   Адванс

Халықаралық патенттелмеген атауы

Оксиметазолин

Дәрілік түрі

Мұрын спрейі

Құрамы 

1мл препараттың құрамында

белсенді заттар - 0,5  мг оксиметазолин гидрохлориді,

қосымша заттар: левоментол, рацемиялық камфора, цинеол (эвкалиптол), бензалконий хлориді, полисорбат 80, пропиленгликоль, натрий дигидрофосфат дигидраты, динатрий фосфат дигидраты, динатрий эдетат дигидраты, концентрацияланған хлорлы сутегі қышқылы, тазартылған су.

Сипаттамасы

Ментолдың, эвкалиптің және камфораның әлсіз иісі бар мөлдір, түссіз ерітінді.

Фармакотерапиялық тобы

Мұрын препараттары. Антиконгенстанттар және басқа да мұрынға жергілікті қолдануға арналған препараттар. Симпатомиметиктер. Оксиметазолин.

АТХ коды  R01АА05 

Фармакологиялық қасиеттері

Оксиметазолин гидрохлориді синтетикалық адреномиметик болып табылады. Қан тамырларының a-адренорецепторларын ынталандыра отырып, ол тамырлардың тарылуына ұзақ әсер етеді. Тіндер гиперемиясын және мұрын қуысы, қосалқы қойнаулары мен евстахиев түтігінің шырышты қабаттарының ісінуін азайтады, сонысымен тұмау, суық тию және аллергиялық аурулар кезінде бұзылған мұрынмен тыныс алуды қалпына келтіреді. 

Мұрынмен тыныс алудың жеңілдеуі мұрын қуысына бүріккеннен кейін 5-10 минуттан соң басталып, 12 сағатқа жуық созылады.

Ментол, камфора, эвкалиптол жергілікті ісінуге қарсы, қабынуға қарсы, антисептикалық әсер етеді, қою шырышты сұйылтады және оның мұрын маңындағы қойнаулардан ағып шығуын жақсартады, сондай-ақ препарат әсерінің артуына ықпал етеді.

Препараттың құрамындағы гликолдар мұрын қуысының тітіркенген шырышты қабығына жұмсартқыш және ылғалдандыратын әсер етеді және оны шамадан тыс құрғап кетуден қорғайды.

Қолданылуы

-        суық тию ауруларында, тұмауда, ЖРВЖ

-        жедел ринит, гайморит және басқа синуситтерді (фронтит, этмоидит) белгісіне қарай емдеу үшін.

Қолдану тәсілі мен дозалары

Құтыны қатты қысып, әр танауға кезекпен бүркіңіз, бүрку кезінде басыңызды аса кейін шалқайтпаңыз.

Ересектер мен 12 жастан асқан балалардың әр танауына 2 рет бүркеді. 

6-12 жас аралығындағы балаларға (ересектердің қадағалауымен): 1 бүркуден. Бүркуді 12 сағат өтуден бұрын қайталамау керек. 

Емдеу ұзақтығы 3 күннен аспау керек.

Емдеу курсының ұзақтығы дәрігердің бақылауымен күніне екі реттен 7-10 күнге дейін ұзаруы мүмкін.   

Жағымсыз әсері

Кейде 

-        мұрын қабықтарының шымылдатып-ашытқанын немесе құрғағанын сезіну, түшкіру, мұрыннан бөлінетін секрет көлемінің ұлғаюы

Сирек 

-        бас ауыруы

-        шаршағыштық (қалжырау)

-        мұрын қабықтарының домбығуы және ісінуі (мұрынның бітелу сезімі) қарқындырақ болуы мүмкін (реактивті гиперемия)

Препаратты жиі және ұзақ қолданғанда кейде вазодилатация құбылыстарымен, мұрын бітелуінің жаңғыруы немесе күшеюімен бірге тамырдың тарылу әсерінің біртіндеп әлсіреуі – тахифилаксия көріністері пайда болуы мүмкін.

Қолдануға болмайтын жағдайлар

-        оксиметазолинге немесе қосымша заттың кез келгеніне жоғары сезімталдық

-        МАО тежегіштерін бір мезгілде қабылдағанда

-        атрофиялық ринитте

-        артериялық гипертензияда, айқын атеросклерозда, тахиаритмияда

-        жабық бұрышты глаукомада

-        гипертиреоз, қант диабетінде

-        феохромоцитомада

-        бүйрек қызметінің айқын бұзылуларында, несеп шығарудың қиындауында, қуық асты безінің ұлғаюында

-        6 жасқа дейінгі балаларға.

Дәрілермен өзара әрекеттесуі

Үшциклдық антидепрессанттарды немесе МАО тежегіштерін оксиметазолинмен бір мезгілде немесе тікелей оны қолдануға дейін қабылдау артериялық қысымның көтерілуіне әкелуі мүмкін.

Айрықша нұсқаулар 

Жұқпаның  таралуына жол бермеу үшін әркімге жеке құтыны пайдалану ұсынылады.

Емдеудің үш күнінен артық сақталған ісінулер мұрынаралық тасаның бұзылыстары, жақтың жоғарғы бөлігіндегі іріңді синусит, аденоидтер, аллергиялық ринит, созылмалы бактериалдық жұқпалар немесе басқа да анықталмаған аурулардың бар екенін көрсетеді. Мұндай жағдайда арнайы ем қабылдау үшін  дәрігерге қаралған жөн.                                                                                                                                                                                                                                                                                

Жүктілік және лактация

Ұсынылған дозалаудан асыру ұсынылмайды. Препаратты тек дәрігердің кеңесінен кейін, ана және ұрық үшін пайда мен қатер арақатынасын мұқият бағалағаннан кейін қолдануға болады.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Ықпал етпейді.

Артық дозалануы

Ұсынылған дозадан асыру ауыру немесе ашыту, түшкіру және мұрын жолдары бөліністерінің ұлғаюын туғызуы ықтимал. Шамадан тыс дозаларда, әсіресе ұзақ уақыт қолданғанда тахикардия (тамыр соғуының жиілеуі), артериялық қысымның көтерілуі байқалуы мүмкін.

Емдеу: белгісіне қарай.

Шығарылу түрі мен қаптамасы

15 мл препараттан төмен және жоғары тығыздықты полиэтилен қоспасынан жасалған, төмен тығыздықты полиэтиленнен жасалған бүріккіші бар (ұштық және түтік) және бұралатын полипропилен қақпағы бар құтыларға құяды. 

10 мл-ден полиэтиленді қақпақпен  полипропиленді мөлшерлегіш бүркуіші бар тығыздығы жоғары полиэтиленді құтыларда 

1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Сақтау шарттары

30°С-ден аспайтын температурада сақтау керек. 

Балалардың қолы жетпейтін жерде сақтау керек.

Жарамдылық мерзімі 

3 жыл.

Қаптамасында көрсетілген жарамдылық мерзімі өткеннен кейін пайдалануға болмайды. 

Дәріханалардан босатылу шарттары

Рецептісіз

Өндіруші

Иституто Де Анжели С.р.л.,