Тантум Верде

ТАНТУМ ВЕРДЕ

Саудалық атауы

Тантум Верде

Халықаралық патенттелмеген атауы

Бензидамин

Дәрілік түрі

0.255 мг/дозада дозаланып, жергілікті қолдануға арналған спрей     

Құрамы  

100 мл препараттың құрамында

белсенді зат – 0,15 мг бензидамин гидрохлориді,

қосымша заттар – 96% этанол, глицерол, метилпарагидроксибензоат, ментол хош иістендіргіші (үстемелі дәмдеуіш), сахарин, натрий гидрокарбонаты, полисорбат 20, тазартылған су.

Сипаттамасы 

Жалбызға тән иісі бар түссіз мөлдір сұйықтық

Фармакологиялық тобы

Ауыз қуысының ауруларын емдеуге арналған басқа да препараттар

АТЖ коды А01AD02

Фармакологиялық қасиеттері

Фармакокинетикасы

Жергілікті қолданғанда препарат шырышты қабықтар арқылы жақсы сіңіріледі және қабынған тіндерге өтеді.

Препараттың шығарылуы негізінен бүйрекпен және ішек арқылы метаболиттер немесе конъюгация өнімдері түрінде жүреді.

Жергілікті қолдануға арналған дәрілік түрлер жүйелі әсер иеленбеген және емшек сүтіне өтпейді.

Фармакодинамикасы

Бензидамин қабынуға қарсы препарат болып табылады, индазолдар тобына жатады. Қабынуға қарсы және жергілікті ауыруды басушы әсер етеді, микроорганизмдердің кең ауқымына қарсы антисептикалық әсер иеленген. Препараттың әсер ету механизмі жасушалық жарғақшаларды тұрақтандырумен және простагландиндер синтезін тежеумен байланысты.

Бензидамин микроорганизмдер жарғақшалары арқылы жылдам өту есебінен бактерияға қарсы және микробқа қарсы спецификалық әсер етіп, әріқарай жасушалық құрылымдарды зақымдайды, метаболикалық үдерістерді және жасуша лизосомаларын бұзады.

Қолданылуы 

Ауыз қуысының және ЛОР-мүшелердің әртүрлі этиологиядағы қабыну аурулары (кешенді ем құрамында):

- гингивит, глоссит, стоматитте (соның ішінде, сәулелік және химиялық емнен кейін)

  - баспа, фарингит, ларингит, тонзиллитте

  - ауыз қуысының шырышты қабығының кандидозында 

- сілекей бездерінің калькулездік қабынуында

  - операциялық араласулардан және жарақаттардан кейін (тонзиллэктомия, жақ сүйегінің сынуы)

  - тістерді емдеуден немесе жұлудан кейін

  - пародонтозда

Жүйелі емдеуді қажет ететін жұқпалы және қабыну ауруларында Тантум Вердені біріктірілген ем құрамында қолдану қажет.

Қолдану тәсілі және дозалары

3-6 жастағы балаларға 1-4 доза (ең жоғарғысы – 4 доза) 1,5-3 сағат сайын.,

6-12 жастағы балаларға – 4 доза, 1.5-3 сағат сайын.,

ересектерге  - 4 -8 доза 1.5-3 сағат сайын.

 Емдеу курсы:

- ауыз қуысының және ЛОР-мүшелердің қабыну ауруларында (этиологиясы әртүрлі) 4 күннен 15 күнге дейін,

- одонттық-стоматологиялық патологияда 6 күннен 25 күнге дейін,

  - операциялық араласулардан және жарақаттардан кейін (тонзиллэктомия, жақ сүйегінің сынуы) 4 күннен 7 күнге дейін.

Препарат ұзақ қолданылған кезде дәрігердің кеңесі қажет.

Жағымсыз әсерлері 

Жергілікті реакциялар – ауыздың құрғауы, жансыздану сезімі, ауыз қуысындағы ашыту

Сирек  - аллергиялық реакциялар (тері бөртпесі), ұйқышылдық

Өте сирек – ларингтік түйілу

Қолдануға болмайтын жағдайлар

- препаратқа жоғары сезімталдықта

- 3 жасқа дейінгі балалық кезеңде

Дәрілермен өзара әрекеттесуі

Тантум Верде препаратының басқа дәрілік заттармен клиникалық елеулі өзара әрекеттесуі анықталған жоқ.

Айрықша нұсқаулар

Спрейдің көзге түсіп кетуіне жол бермеу керек.

Жүктілік және лактация 

Препаратты жүктілік кезінде және лактация кезінде дәрігердің кеңесінен кейін пайдалануға болады. 

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Препарат автокөлікті басқару қабілетіне немесе жоғары зейін қоюды талап ететін басқа қызметке әсерін тигізбейді.    

Артық дозаланғанда

Қазіргі уақытта Тантум Верде препаратымен артық дозаланған жағдайлар жөнінде хабарланған жоқ.

Шығарылу түрі және қаптамасы

30 мл препараттан помпамен және жиналмалы канюлясы бар қысқыш құрылғымен жабдықталған  ақ түсті полиэтиленнен жасалған құтыға құйылады. 1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау мерзімі

4 жыл

Жарамдылық мерзімі өткеннен кейін пайдалануға болмайды

Сақтау шарттары

25ºС-ден аспайтын температурада, жарықтан қорғалған жерде сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші

Азиенде Кимике Риуните Анжелини Франческо А.К.Р.А.Ф.  С.п.А. / 

Aziende Chimiche Riunite Angelini Francesco - А.C.R.A.F. S.p.A. 

Адрес: Виале Амелия,70, Рим, Италия / Viale Amelia, 70, Rome (RM), Italy

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы: 

ҚР-дағы «Си Эс Си Лтд» ЖАҚ өкілдігі

050051, Алматы қ., Достық даңғылы 105,

телефон/факс: +7(727) 317 14 64

e-mail: registration@cscrussia.ru