Ринозол Форте

Дәрілік затты медициналық қолдану

жөніндегі нұсқаулық

РИНОЗОЛ - ФОРТЕ®

Саудалық атауы

РИНОЗОЛ - ФОРТЕ®

Халықаралық патенттелмеген атауы

Жоқ

Дәрілік түрі

Мұрын тамшылары 15 мл

Құрамы   

1 мл ерітіндінің құрамында 

белсенді заттар: 1.0 мг неомицин (неомицин сульфаты түрінде), 1.0 мг дифенгидрамин гидрохлориді, 0.5 мг нафазолин гидрохлориді,

қосымша заттар: натрий хлориді,  динатрий фосфатының додекагидраты, инъекцияға арналған су.

Сипаттамасы

Түссіз немесе аздап сарғыш мөлдір сұйықтық.

Фармакотерапиялық тобы

Мұрын препараттары. Антиконгенстанттар және жергілікті қолдануға арналған басқа да  мұрын препараттары.Симпатомиметиктер басқа препараттармен біріктірілімде. Нафазолин 

АТХ  коды R01AB02

Фармакологиялық қасиеттері

Фармакокинетикасы 

Нафазолиннің емдік әсері препаратты мұрын ішіне қолданғаннан кейін 5 минуттан соң пайда болады және 8 сағатқа дейін жалғасады, препаратты жиі қолданған кезде әсер ету ұзақтығы 6 сағатқа дейін қысқаруы мүмкін. Нафазолинді жергілікті қолданған кезде қан ағысында жүйелік сіңуі және жүйелік әсер етуі мүмкін. 6 жасқа дейінгі балаларда және егде жастағы адамдарда жүйелік әсер пайда болуы ықтимал. 

Жергілікті қолданған кезде дифенгидраминнің және неомициннің жүйелік сіңуі төмен. 

Фармакодинамикасы

Қантамырды тарылтқыш, қабынуға қарсы, микробтарға қарсы және аллергияға қарсы әсерлері бар біріктірілген препарат. Бұл нафазолин гидрохлоридінің (нафтизиннің) симпатомиметикалық, қантамырды тарылтқыш затының, гистаминге қарсы қасиеттері бар белсенді зат – дифенгидрамин гидрохлоридінің (димедролдың) және   аминогликозидтер тобына жататын әсер ету өрісі ауқымды антибиотик  – неомин сульфатының  болуымен  жүзеге асады.

Нафазолин альфа 2-адренрецепторларын стимуляциялайды, ол шеткергі қан тамырларының тарылуына әкеледі, артериялық қысымды арттырады, қарашықты кеңейтеді. Препараттың қантамырды тарылтқыш әсерінің салдарынан ісіну, гиперемия, экссудация азаяды.

Дифенгидрамин 1 буынды Н1-рецепторлардың антагонисі болып табылады. Гистаминдік Н1-рецепторларын бәсекелес түрде бөгеу арқылы препарат қан тамырларын кеңейту және өткізгіштігін арттыру сияқты аллергиялық симптомдары тежейді, көбіне ол гистаминнің босап шығуымен байланысты, аллергияға қарсы әсер етіп, ісінуді, қышынуды және жас ағуды азайтады.

Неомицин бактерицидтік әсер етеді. Әсер ету механизмі рибосомаға тікелей әсер етуімен және бактериялық жасушалардың ақуыз синтезінің тежелуімен байланысты. Көптеген грамтеріс және грамоң микроорганизмдерге қатысты, соның ішінде Esherichia coli, Shigella spp., Proteus spp., Staphylococcus aureus, Streptococcus pneumoniae қатысты белсенді. 

Патогенді зеңдерге, вирустарға, анаэробтық бактерияларға қатысты белсенді емес. Неомицинге микроорганизмдердің төзімділігі баяу және аздаған дәрежеде  дамиды.

Қолданылуы

- риниттерде, гаймориттерде және шығу тегі инфекциялық-қабынбалы синуситтер, оның ішінде аллергиялық көріністермен қатар жүреді

Қолдану тәсілі және дозалары

6 жастағы балалар мен одан үлкендерге 5-7 күн бойы мұрынның әрбір қуысына тәулігіне 3-4 рет 1-2 тамшыдан.

Емдеуші дәрігердің кеңесінсіз препаратты көрсетілген мерзімнен асырып қолдану ұсынылмайды. 

Жағымсыз әсерлері

- тамызғаннан кейінгі бірінші секундтарда мұрын-жұтқыншағында жылдам өтпелі ауыру сезімі немесе ашыту (тамызғаннан кейінгі алғашқы секундтарда) 

- реактивті гиперемия, мұрын шырышты қабығының ісінуі, мұрын қуысы шырышты қабығының құрғауы, антибиотикке төзімді микроорганизмдердің, оның ішінде зеңдердің өсуінің күшеюі (ұзақ уақыт бойы пайдаланғанда).

Қолдануға болмайтын жағдайлар

-  препарат және оның компоненттеріне аса жоғары сезімталдық 

- созылмалы ринит

- атрофиялық ринит

- моноаминоксидаза тежегіштерін немесе үшциклді антидепрессанттарды бір мезгілде қабылдау және оларды тоқтатқаннан кейін 14 күнге дейінгі кезең 

- лактация кезеңі

- 6 жасқа дейінгі балалар

Дәрілермен өзара әрекеттесуі

Нафазолин жергілікті жансыздандыратын дәрілерінің сіңуін баяулатады. (беткейлік жансыздандыруды жүргізгенде оның әсерін ұзартады). 

Үшциклді антидепрессанттармен (мапротилин) және МАО тежегіштерімен (ниаламид, бефол) үйлеспейді, артериялық қысымның көтерілуі мүмкін, нафазолиннің әсерінен депонирленген катехоламиндердің босауымен шартталған.

Орталық жүйке жүйесі стимуляторларының әсерін күшейтеді.

Ішуге тағайындалатын гипотензивті дәрілердің терапиялық белсенділігін төмендетеді.

Дифенгидраминнің және орталық жүйке жүйесін стимуляциялайтын дәрілік препараттардың әсерлері өзара азаюы мүмкін.   

Жергілікті қолданудан кейін неомициннің жүйелік сіңуі кез келген өзара әрекеттесу қаупі өте аз болатындай соншалықты төмен. 

Басқа да офтальмологиялық препараттарды қолданумен қатарлас ем жүргізуде  оларды қолдануда 10-15 мин аралықты ұстану керек.

Айрықша нұсқаулар

Ерітіндінің ластануын болдырмау үшін, құтыны тығыз жауып сақтаңыз  және тамшуыр ұшының қандай да бір беткеймен жанасуынан абай болыңыз.

Препаратты ұзақ қолданғанда төзімділік дамиды.

Артериалды гипертензиясы, айқындалған атеросклероз, жүрек ырғағының бұзылулары, симпатомиметиктерге (оның ішінде гипертиреоз, қант диабеті, жабық бұрышты глаукома, қуық үсті безінің гипертрофиясы) аса сезімталдығы, бронхиалды демікпемен, сондай-ақ егде жастағы тұлғаларға сақтықпен тағайындайды.

Педиатрияда қолданылуы

Дәрілік заттың 6 жасқа дейінгі балалардағы тиімділігі және қауіпсіздігі бойынша деректері жоқ.

Жүктілік

Жүктілік кезінде препаратты қолдану күтілетін әсер ұрықта асқынулардың даму қаупінен жоғары болса мүмкін болады.  

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Жергілікті қолданудың ұсынылатын қалыпты режимінде артық дозалануы қазіргі уақытқа дейін анықталмаған.

Шығарылу түрі және қаптамасы

Алғашқы ашылуы бақыланатын бұрандалы қақпақпен тұмшаланып жабылған, полиэтиленді тамшылатқаш-құтыға препаратты 15 мл-ден құяды. 

1 құтыдан медициналық қолдану жөніндегі  мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 150С-ден  250С-ге  дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2.5 жыл

Құтыны ашқаннан кейін препараттың сақталу мерзімі - 4 апта

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецептісіз

Өндіруші

«ЛеКос» ЖШС

050000, Алматы қ-сы, Қабанбай батыр к-сі, 114-13, тел.: 308-10-67.

Тіркеу куәлігінің иесі

«ЛеКос» ЖШС, Қазақстан Республикасы

050000, Алматы қ-сы, Қабанбай батыр к-сі, 114-13. 

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның  мекенжайы  

050000, Алматы қ-сы, Қабанбай батыр к-сі, 114-13, тел.: 308-10-67.

e-mail: lecos1@mail.ru; www.lecos.kz