Ринозол Форте Спрей

Дәрілік заттың медицинада қолданылуы

жөніндегі нұсқаулық

РИНОЗОЛ - ФОРТЕ®

Саудалық атауы 

РИНОЗОЛ - ФОРТЕ®

Халықаралық патенттелмеген атауы

Жоқ

Дәрілік түрі

Мұрын спрейі 15 мл

Құрамы

1 мл ерітіндінің құрамында

белсенді заттар: неомицин сульфаты 1.0 мг, дифенгидрамин гидрохлориді 1.0 мг, нафазолин гидрохлориді 0,5 мг 

қосымша заттар:  натрий хлориді,  поливинил спирті, бензалконий хлориді, динатрий фосфатының додекагидраты, натрий дигидрофосфатының дигидраты, трилон Б, инъекцияға арналған су.

Сипаттамасы

Мөлдір, түссіз немесе сәл сары сұйықтық. Ерітіндінің әлсіз бозаңдануына жол беріледі   

Фармакотерапиялық тобы

Мұрын препараттары. Антиконгенстанттар және жергілікті қолдануға арналған басқа да мұрын препараттары. Нафазолин басқа препараттармен біріктірілімде

АТХ коды R01AB02

Фармакологиялық қасиеттері

Фармакокинетикасы  

Нафазолиннің емдік әсері препаратты интраназальді қолданғаннан кейін 5 минуттан соң дамиды және 8 сағатқа дейін созылады, препаратты жиі қолданғанда әсер ету ұзақтығы 6 сағатқа дейін қысқаруы мүмкін.

Нафазолинді жергілікті қолданғанда жүйелі қан ағынына сіңуі және жүйелік әсер етуі мүмкін. 6 жасқа дейінгі балалар мен егде жастағы адамдарда жүйелік әсері дамуының ықтималдығы көбірек. 

Жергілікті қолданғанда дифенгидрамин және неомициннің жүйелік сіңуі төмен.

Фармакодинамикасы

Қан тамырларын тарылтатын, қабынуға қарсы, микробқа қарсы және антиаллергиялық әсері бар біріктірілген препарат. Бұл нафазолин гидрохлоридінің (нафтизин) симпатомиметикалық, қан тамырларын тарылтатын компоненттері, антигистаминдік қасиеттері бар  белсенді заттары -  дифенгидрамин гидрохлориді (димедрол) және  аминогликозидтер тобының кең ауқымда әсер ететін антибиотигі – неомицин сульфаты болуымен шартталған.

Нафазолин альфа 2-адренорецепторларын стимуляциялайды, бұл шеткергі қан тамырларының тарылуына, артериялық қысымның жоғарылауына алып келеді, қарашықты кеңейтеді. Қан тамырларын тарылтатын әсері салдарынан ісінуді, гиперемияны, экссудацияны азайтады. 

Дифенгидрамин 1 буынды H1-рецепторларының антагонистері болып табылады. 
Препарат гистаминді H1-рецепторларды бәсекелес бөгеу жолымен  қан тамырларының кеңеюі және өткізгіштігінің ұлғаюы (ішінара гистамин босап шығуымен байланысты) сияқты аллергиялық симптомдардың дамуын тежейді, ісіну, қышыну және жас ағуды азайта отырып, аллергияға қарсы әсер етеді.

Неомицин бактерицидті әсер етеді. Әсер ету механизмі рибосомаға тікелей әсерімен және бактериялық жасушаның ақуыз синтезін бәсеңдетумен байланысты. Көптеген грамтеріс және грамоң микроорганизмдерге, оның ішінде Esherichia coli, Shigella spp., Proteus spp., Staphylococcus aureus, Streptococcus pneumoniae қатысты белсенді.

Pseudomonas aeruginosa және Streptococcus spp қатысты белсенділігі аз.

Патогенді зеңдер, вирустар, анаэробты бактерияларға қатысты белсенді емес.

Неомицинге микроорганизмдер тұрақтылығы баяу және аз ғана дәрежеде дамиды.

Қолданылуы

- шығу тегі жұқпалы-қабынбалы риниттер, гаймориттер және синуситтерде (оның ішінде қатарлас жүретін аллергиялық білінулерінде)

Қолдану тәсілі және дозалары

Ересектер және 6 жастан үлкен балаларға спрейді әрбір мұрын жолына 1-2 дозадан тәулігіне 3-4 рет 5-7 күн бойына.

Препаратты емдеуші дәрігердің кеңесінсіз белгіленген мерзімнен ұзақ қолдану ұсынылмайды. 

Ашылған қаптаманы көп дегенде 4 апта пайдалану керек.

Жағымсыз әсерлері.

- мұрын-жұтқыншағында жылдам өтпелі ауыру сезімі немесе  ашыту (интраназальді қолданудан кейінгі бірінші секундтарда ) 

-  реактивті гиперемия, мұрынның шырышты қабығының ісінуі, мұрын қуысы шырышты қабығының жеңіл құрғауы, антибиотикке  төзімді микроорганизмдердің, оның ішінде зеңдердің (ұзақ пайдалануда) тез көбеюі

Қолдануға болмайтын жағдайлар

- препаратқа және оның құрамдастарына жоғары жеке сезімталдық

-  созылмалы ринит

-  атрофиялық ринит

- моноаминоксидаза тежегіштері немесе    үшциклдік антидепрессанттарды бір уақытта қабылдау және оларды тоқтатқаннан кейін 14 күнге дейінгі кезең  

- лактация кезеңі

- 6 жасқа дейінгі балаларға

Дәрілермен өзара әрекеттесуі

Нафазолин жергілікті жансыздандырушы дәрілердің сіңуін баяулатады (беткейлік анестезия жүргізгенде олардың әсерін ұзартады). 

Үшциклдік антидепрессанттармен (мапротилин) және МАО тежегіштерімен (ниаламид, бефол) үйлеспейді - артериялық қысым жоғарылауы мүмкін, бұл нафазолин әсерімен жинақталған катехоламиндердің босап шығуымен шартталған.

Орталық жүйке жүйесі стимуляторларының әсерін күшейтеді. 

Пероральді тағайындалатын гипотензивті дәрілердің емдік белсенділігін төмендетеді.

Дифенгидраминнің және орталық жүйке жүйесін көтермелейтін  дәрілік препараттардың әсері өзара азаюы мүмкін.

Жергілікті қолданудан кейін неомициннің жүйелік сіңуі кез келген өзара әрекеттесу қаупі өте аз болатындай соншалықты төмен. 

Офтальмологиялық препараттарды қолданумен қатарлас ем жүргізуде  оларды қолдануда  10-15 мин аралық ұстану керек.

Айрықша нұсқаулар

Ерітіндінің ластануын болдырмау үшін, құтыны тығыз жауып сақтаңыз  және ұштықтың қандай да бір беткеймен түйісуінен абай болыңыз.

Препаратты ұзақ уақыт қолданғанда  толеранттылық дамиды.

Препаратты артериялық гипертензиясы, айқын атеросклерозы, жүрек ырғағы бұзылуы,  симпатомиметиктерге жоғары сезімталдығы бар  емделушілерге (оның ішінде гипертиреоз, қант диабеті, жабықбұрышты глаукома, қуық асты безінің гипертрофиясы) бронх демікпесі бар, сондай-ақ егде жастағы адамдарға сақтықпен тағайындайды.

Педиатрияда қолданылуы

Дәрілік заттың 6 жасқа дейінгі балалардағы тиімділігі және қауіпсіздігі бойынша деректері жоқ.

Жүктілік.

Препараттың жүктілік кезеңіндегі  қолданылуы тек болжамды әсері ұрықта асқыну даму қаупінен жоғары болса ғана ықтимал.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Жергілікті қолданудың ұсынылатын режимінде артық дозалануы қазіргі уақытқа дейін анықталмаған.

Шығарылу түрі және қаптамасы  

Полиэтилен спрей-құтыда 15 мл-ден. 

1 спрей-құтыдан медицинада қолданылуы жөніндегі  мемлекеттік және орыс тілдеріндегі нұсқаулықпен бірге бірінші ашылуына бақылауы бар картон пәшкеге салынған.

Сақтау шарттары

Жарықтан қорғалған жерде, 150С-ден  250С-ге  дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

 «ЛеКос» ЖШС

050000, Алматы қ-сы, Қабанбай батыр к-сі, 114-13, тел.: 308-10-67.

Тіркеу куәлігінің иесі