Аква Марис Норм

Медициналық мақсаттағы бұйымды қолдану

жөніндегі нұсқаулық 

Медициналық мақсаттағы бұйымның атауы 

АКВА МАРИС НОРМ 

Мұрынға арналған спрей, 50 мл, 150 мл

Бұйымның құрамы және сипаттамасы 

Микроэлементтері бар табиғи теңіз суының изотониялық ерітіндісі. 

100 мл ерітіндінің құрамында: теңіз суы - 27.14 г, тазартылған су - 100.0 мл дейін.

Құрамында консерванттар мен химиялық қоспалар жоқ. 

Әдеттенуді туындатпайды. 

Өндіруші ұйымның атауы және (немесе) тауарлық белгісі 

АКВА МАРИС® ЯДРАН-ГАЛЕНСКИ ЛАБОРАТОРИЙ а.қ. (Хорватия) компаниясының тіркелген тауарлық белгісі болып табылады 

Қолданылу саласы 

- мұрын қуысының, қосалқы қойнауының және мұрынжұтқыншақтың жедел және созылмалы қабыну ауруларында 

- ересектер мен балаларда аденоид болған кезде 

- мұрын қуысы операциясынан кейін 

- аллергиялық және вазомоторлық риниттерде (әсіресе, дәрілік препараттарға жоғары сезімталдықпен зардап шегетін немесе соған бейім адамдарға)

- күзгі-қысқы кезеңде мұрын қуысы инфекцияларының профилактикасы үшін 

- мұрын қуысының шырышты қабығының құрғауынан зардап шегетін пациенттерге 

- микроклиматтық жағдайларда өзгерген шырышты қабықтардың физиологиялық сипаттарын сақтау мақсатында, жылыту аспаптары және кондиционирленген ауасы бар бөлмелерде тұратын және жұмыс істейтін адамдарда 

- жоғарғы тыныс алу жолдарының шырышты қабықтары тұрақты түрде зиянды әсерлерге ұшырайтын адамдарда (темекі шегетіндер, автокөлік жүргізетіндер, шаң басқан цехта жұмыс істейтін, сондай-ақ, қатаң климаттық жағдайлы аймақтарда тұратын адамдарда).

Әсер ету механизмі 

Изотониялық теңіз суы мұрын қуысы шырышты қабатының қалыпты физиологиялық жағдайын демеуіне ықпал етеді, шырышты сұйылтады және оның мұрын қуысы шырышты қабатының тостағанша тәрізді жасушаларымен түзілуін қалыптастырады. 

Медициналық мақсаттағы бұйымның құрамына енетін микроэлементтер кірпікшелі эпителий қызметін жақсартады, ол мұрын қуысының және қосалқы қойнауларының шырышты қабаттарына ауру туындататын бактериялар мен вирустардың енуіне қарсыластығын күшейтеді. 

АКВА МАРИС® НОРМ бұйымын қолданғаннан кейін мұрынның шырышты қабатына жағылатын дәрілік заттардың емдік тиімділігі жоғарылайды және респираторлық аурулардың ұзақтығы азаяды. 

Мұрын қуысына бүркуге және шаюға арналған АКВА МАРИС® НОРМ бұйымы мұрын қойнаулары мен құлақ қуыстары (гайморит, фронтит, отит) инфекцияларының таралу қаупін азайтады. Жергілікті асқынулар қаупін төмендетеді және мұрын қуыстарына жасалған хирургиялық (аденоидтарды, полиптерді алу, септопластика және т.б.) араласулардан кейін жазылу процесін жылдамдатады. 

Жоғарғы тыныс алу жолдарының шырышты қабықтары тұрақты түрде зиянды әсерлерге ұшырайтын адамдарда (темекі шегетіндер, автокөлік жүргізетіндер, бір орталықтан жылытылатын және/немесе кондиционирленген ауасы бар бөлмелерде тұратын және жұмыс істейтін адамдарда, ыстық және шаң басқан цехтарда жұмыс істейтін, сондай-ақ, қатаң климаттық жағдайлы аймақтарда тұратын адамдарда) мұрын шырышының тітіркенуін басады. 

Аллергиялық және вазомоторлық риниттерде АКВА МАРИС® НОРМ мұрын шырышынан аллергендер мен гаптендерді шаюға және кетіруге, жергілікті қабыну процесін азайтуға ықпал етеді. 

Гигиеналық мақсатта қолданылатын АКВА МАРИС® НОРМ мұрын қуысының шырышын көше және бөлме шаңдарынан тазартуға ықпал етеді. 

Мұрын қуысы мен мұрынжұтқыншақтың шырышты қабаттарына жағымды әсер етеді, мұрын бітелуінің азаюына және мұрын тынысының қалпына келуіне ықпалын тигізеді. Микротамшылармен бүркуінің арқасында мұрынды жұмсақ шаяды, мұрын қуысын шаю процедурасы (мұрын себезгісі) үшін тиімді. 

Қолдану тәсілі

- 1 жастан 7 жасқа дейінгі балаларға: емдік мақсатта әр мұрын қуысына бір бүркуден күніне 4 рет. 

Барлық жағдайда ұсынылған емдеу курсы 2 - 4 аптаны құрайды (емдеуші дәрігердің ұйғарымы бойынша). Бір айдан соң курсты қайталау ұсынылады. 

- 1 жастан 7 жасқа дейінгі балаларға: профилактикалық және гигиеналық мақсатта әр мұрын қуысына бір бүркуден күніне 2 - 3 рет. 

Басын бір жағына еңкейтіңіз. Жоғары жақтағы мұрын қуысына баллон ұштығын салыңыз. Бірнеше секунд бойы мұрын қуысын шаю қажет. Сіңбіру керек. Қажет болса процедураны қайталау керек. 

Процедураны басқа мұрын жолына жүргізу керек. 

- 7 жастан асқан балалар мен 16 жасқа дейінгі жасөспірімдерге: емдік мақсатта әр мұрын қуысына екі бүркуден күніне 4 – 6 рет. 

Барлық жағдайда ұсынылған емдеу курсы 2 - 4 аптаны құрайды (емдеуші дәрігердің ұйғарымы бойынша). Бір айдан соң курсты қайталау ұсынылады. 

- 7 жастан асқан балалар мен 16 жасқа дейінгі жасөспірімдерге: профилактикалық және гигиеналық мақсатта әр мұрын қуысына екі бүркуден күніне 2 - 4 рет. 

- ересектерге: емдік мақсатта әр мұрын қуысына үш бүркуден күніне 4 – 8 рет. 

Барлық жағдайда ұсынылған емдеу курсы 2 - 4 аптаны құрайды (емдеуші дәрігердің ұйғарымы бойынша). Бір айдан соң курсты қайталау ұсынылады. 

- ересектерге: профилактикалық және гигиеналық мақсатта әр мұрын қуысына екі-үш бір бүркуден күніне 3 - 6 рет. 

Раковина алдында ыңғайланып тұрып, алдыға еңкейіңіз. Басын бір жағына еңкейтіңіз. Жоғары жақтағы мұрын қуысына баллон ұштығын салыңыз. Бірнеше секунд бойы мұрын қуысын шаю қажет. Сіңбіру керек. Қажет болса процедураны қайталау керек. Процедураны басқа да мұрын жолына жүргізу керек. 

Мұрын бөліністерін жұмсарту және алып тастау үшін 

АКВА МАРИС® НОРМ-ды әр мұрын жолына қажетінше бүркиді. 

Ерітіндінің артығын мақтаның немесе бет орамалдың көмегімен кептіруге болады. Процедураны кеуіп қалған бөлшектер жұмсарғанша және алынғанша бірнеше рет қайталауға болады. 

Гигиеналық тұрғыдан қарағанда әр өнімді тек бір адам ғана пайдалану керек. 

Дәрілік өзара әрекеттесуі 

Белгіленбеген 

Жағымсыз әсерлері (әсері, жекелей көтере алмаушылық)

Анықталмады 

Қолдануға қарсы көрсетілімдері 

1 жасқа дейінгі балаларға 

Сақтандыру (қауіпсіздік) шаралары 

Теңіз суына асқын сезімталдығы болса пайдалануға болмайды. 

Жүктілік және лактация

Жүктілік пен бала емізу медициналық мақсаттағы бұйымды қолдануға қарсы көрсетілім болып табылмайды. 

Шығарылу түрі және қаптамасы 

Микробүріккіші және пластмасса қақпақ-қалпақшасы бар алюминий құты мемлекеттік және орыс тілдеріндегі медицинада қолданылуы жөніндегі нұсқаулықпен бірге картон қорапқа салынады. 

Сақтау шарттары 

25 ºС-ден аспайтын температурада, балалардың қолы жетпейтін жерде сақтау керек. 

Жарамдылық мерзімі 

3 жыл.

Жарамдылық мерзімі өткеннен кейін қолдануға болмайды. 

Дәріханалардан босатылу шарттары 

Рецептісіз