Граммидин нео

Қазақстан Республикасы 

Денсаулық сақтау министрлігі Медициналық және 

фармацевтикалық қызметті 

бақылау комитеті Төрағасының 

20  _ жылғы “____” ___________

№ _____ бұйрығымен

БЕКІТІЛГЕН

Дәрілік заттың медицинада

       қолданылуы жөніндегі      

нұсқаулық

Граммидин® нео

Саудалық атауы 

Граммидин® нео

Халықаралық патенттелмеген атауы

Жоқ

Дәрілік түрі

Соруға арналған таблеткалар

Құрамы

Бір  таблетканың құрамында

белсенді заттар: 0,003 г - грамицидин С, 0,001 г - цетилпиридиний хлориді

қосымша заттар:кремнийдің  коллоидты қостотығы (АэросилÒ200), тальк, калий ацесульфамы, жалбыз хош иістендіргіші, сорбитол (NeosorbÒ), магний стеараты бар.

Сипаттамасы

Екі жағы дөңес дөңгелек формалы, бір жағында GR жазуы бар ақ түсті таблеткалар

Фармакотерапиялық тобы

 Тамақ ауруларын емдеуге арналған препараттар

 АТЖ коды R02А

Фармакологиялық қасиеттері

Фармакокинетикасы

Препараттың жергілікті әсері бар және іс жүзінде  асқазан-ішек жолында сіңбейді, бұл жүйелі әсері жоқтығын анықтайды.

Фармакодинамикасы

Тамақ және ауыз қуысының жұқпалы-қабыну ауруларын емдеуге арналған біріктірілген препарат. Препарат құрамына микробқа қарсы грамицидин С дәрісі және антисептикалық дәрі - цетилпиридиний хлориді кіреді.

Грамицидин С әсер ету механизмі микроб жасушасының цитоплазмалық жарғақшасы  өткізгіштігін жоғарылатуымен байланысты, оның тұрақтылығын бұзып, жасушаның жойылуын тудырады.

Грамицидин С ауыз қуысы мен жұтқыншақтың жұқпалы ауруларын қоздырғыштарға қатысты микробқа қарсы айқын әсер етеді.

Цетилпиридиний хлориді антисептикалық дәріге жатады. ауыз қуысы жұқпалы ауруларын қоздырғыштарының көбеюі мен өсуін басады.

Препарат қабынуды азайтады, микробқа қарсы әсер етеді, тамақтағы жағымсыз сезінуді  жұмсартып, жұтынуды жеңілдетеді, сорғанда ауыз қуысы мен жұтқыншақты микроорганизмдерден механикалық тазалауға ықпал ететін гиперсаливацияны туындатады.

Қолданылуы

Тамақ және ауыз қуысының жұқпалы-қабыну аурулары:

-     баспа, жедел фарингит, тонзиллит 

-     пародонтоз, гингивит, стоматит

Қолдану тәсілі және дозалары

Шайнамай, ауызда сору арқылы, тамақтан кейін қабылданады.  Препаратты қабылдағаннан кейін бірден 1-2 сағат ішінде тамақ  және сусын ішуге болмайды.

Ересектер мен жасы 12-ден асқан балаларға арналған дозалау: күніне 1 таблеткадан 3-4 рет.

6-дан 12 жасқа дейінгі балаларға арналған дозалау: күніне 1 таблеткадан 1-2 рет.

Емдеу курсы 5-6 күндей.

Препаратты қабылдағанда 7 күн бойы емдік әсері болмаса дәрігерге қаралу ұсынылады.

Жағымсыз әсерлері

Жекелеген жағдайларда препарат компоненттерінеаллергиялық реакциялар болуы мүмкін. 

Қолдануға болмайтын жағдайлар

-     препарат құрамына кіретін компоненттерге жоғары сезімталдықта

-     6 жасқа дейінгі балалық жаста 

-     жүктілік (I триместр) және лактация кезеңі

Дәрілермен өзара әрекеттесуі

Граммидин® нео жергілікті және жүйелі әсер ететін басқа да микробқа қарсы дәрілердің әсерін күшейтеді. 

Айрықша нұсқаулар

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препарат автокөлік жүргізу және механизмдерді басқару қабілетіне әсер етпейді.

Артық дозалағанда

Анықталмаған

Шығарылу түрі және қаптамасы  

Соруға арналған таблеткалар.

Поливинилхлоридті үлбірден және баспаланып лакталған алюминий фольгадан жасалған пішінді ұяшықты қаптамада 9 таблеткадан. 

2 пішінді ұяшықты қаптамадан  медицинада қолданылуы жөнінде орыс және мемлекеттік тілдердегі нұсқаулықпен бірге картон пәшкеге салынған. 

Сақтау шарттары

Құрғақ, 25°С-ден аспайтын температурада сақтау қажет. 

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші

/

 «Валента Фармацевтика» Ашық акционерлік қоғамы Ресей Федерациясы

141101, Щелково қ., Мәскеу обл., Фабричная к., 2

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның  мекенжайы 

«Валента Фармацевтика»ААҚ ҚР өкілдігі

Қазақстан Республикасы, 050009, Алматы қ., Абай даңғ.,  Радостовец к. бұрышы, 151/115, «Алатау»бизнес-орталығы, № 702кеңсе

Телефон/факс 8 (727) 334-15-52

Электрондық поштасы: asia@valentapharm.com