Йокс

Дәрілік заттың медицинада қолданылуы

жөніндегі нұсқаулық

ЙОКС

Саудалық атауы

     ЙОКС

Халықаралық патенттелмеген атауы 

Жоқ

Дәрілік түрі

Спрей 

Құрамы

30 мл ерітіндінің құрамында 

белсенді заттар:  0.085 г повидон йод, 0.001 г аллантоин, 

қосымша заттар: левоментол, лимон қышқылының моногидраты, натрий цитраты дигидраты, 96% этил спирті, пропиленгликоль, тазартылған су.

Сипаттамасы

Сумен араласуы шектеусіз, аздап бозаңданатын қызыл-қоңыр түсті мөлдір сұйықтық.

Фармакотерапиялық тобы

Тамақ ауруларын емдеуге арналған препараттар. Антисептиктер.

АТХ коды R02AA

Фармакологиялық қасиеттері

Фармакокинетикасы

Повидон-йодын зақымданбаған теріге және шырышты қабыққа  жергілікті қолдану кезінде йодтың сіңірілуі өте төмен. Йод организмде йодидке айналады, ол негізінен қалқанша безде жинақталады. Қалқанша безімен қамтылмаған йодидтер негізінен несеппен, аздаған мөлшері – нәжіспен, сілекеймен, термен бөлінеді. Олар плацентарлық бөгет  арқылы өтеді және ана сүтіне енеді.

Фармакодинамикасы

Повидон-йод терімен және мукозды жарғақшалармен жанасқан кезде органикалық йод босап шығады, ол бактерияларға, зеңдерге, вирустарға, қарапайымдыларға қатысты микробқа қарсы кең ауқымды әсерге ие. Препараттың  құрамында, сондай-ақ  қабынуға қарсы әсер ететін аллантоин бар. 

Қолданылуы

-             баспада, фарингитте, тонзилофаренгитте, тонзилитте, глосситте, афтозды стоматитте

-             емделушіні тыныс алу жолдары мен ауыз қуысының  хирургиялық араласуына даярлау кезінде және операциядан кейінгі кезеңде

-             химиотерапия кезінде туындаған оральді жұқпаларды емдеу үшін

-             стрептококкты баспада антибиотиктермен емдеу кезінде қосымша ем ретінде қолданылады

-             тұмаудың басталар кезіндегі ауырғанды сезінуде

Қолдану тәсілі және дозалары

Ересектер және 8 жастан асқан балалар.

Қорғаушы қалпақшаны алып, аппликаторды қондыру керек. Шашыратқышқа ерітіндінің жетуі және басқаннан кейін бүркуі үшін аппликаторды 2-3 рет басу керек. Содан соң аппликатор түтігін ауыз қуысына 2-3 см енгізіп, тыныс алуды тоқтата тұрып, бір бүрку оңға, екіншісі солға жасалатындай етіп қалпақшаны 1-3 рет басу керек. Йокс спрейі препаратын жұтқыншақ және ауыз қуысында оңға және солға бір бүрке отырып, күніне 2-4 рет пайдалану ұсынылады.  Препараттың жекелеген аппликацияларының аралығы 4 сағаттан кем болмауы тиіс. Қажет болған жағдайда препаратты  жиірек қолдануға болады.  

Бүркілген препаратпен дем алуға және оны жұтуға болмайды!

Препаратты  тәулігіне көп дегенде 6 рет қолдануға болады, емдеу курсы 5-7 күн.

Аппликаторды қолданардың алдында және қолданғаннан кейін ыстық сумен шаю қажет. 

Жағымсыз әсерлері

- йодқа аллергиялық реакция (қышыма, гиперемия, есекжем)

- сирек: аппликация жасалған жерде шымылдатуды немесе ауыз қуысының құрғауын сезіну

- йодизм белгілері (ұзақ уақыт қолданғанда): ауыздағы металл дәмі, сілекейдіңкөп бөлінуі, көздің немесе жұтқыншақтың ісінуі, өкпе ісінуі, тері бөртпесі және асқазан-ішектің бұзылулары. 

Қолдануға болмайтын жағдайлар

-             йодқа немесе препараттың басқа компоненттеріне жоғары сезімталдық

-             қалқанша без гиперфункциясы 

-             қалпына келмейтін жүрек жеткіліксіздігі

-             жүктілік және емшек емізу кезеңі

-             8 жасқа дейінгі балалар

-             радиоактивті йодты бір мезгілде қолдану

-             Дюринг герпес тәрізді дерматиті

Дәрілермен өзара әрекеттесуі

Йокс препаратын ауыз қуысы мен жұтқыншақта жергілікті қолдануға арналған басқа да антисептикалық дәрілермен бір мезгілде қолданбаған дұрыс.

Айрықша нұсқаулар

Ларингит кезінде препаратты өте қажет жағдайда ғана қолдану керек. Бауыр жеткіліксіздігі, бүйрек жеткіліксіздігі бар емделушілерге  препаратты сақтықпен қолданады, ондай науқастарда трансаминазалар деңгейі жоғарылауы мүмкін, сондықтан қан плазмасындағы трансаминаза көрсеткіштерін бақылау қажет. 

Препарат кұрамында 18,6% этанол бар.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді. 

Артық дозалануы

Симптомдары: ауызда металл дәмін сезіну, құсу, асқазан тұсының ауыруы және диарея.  1-2 күн бойы анурия, асфиксияға апаратын дыбыс шығару саңылауының ісінуі, аспирациялық пневмония немесе өкпенің ісінуі пайда болуы мүмкін.  Кейбір жағдайларда тамыр жеткіліксіздігі дамуы мүмкін.

Емі:  симптоматикалық ем жүргізіледі. Арнайы у қайтарғысы жоқ.

Шығарылу түрі және қаптамасы

Спрей. 30 мл препараттан механикалық шашыратқыш және шашыратқышты қорғайтын қақпақпен жабдықталған пластмасса құтыда. Әр құты аппликатор және  медицинада қолданылуы жөніндегі  мемлекеттік және орыс тілдеріндегі нұсқаулықпен бірге картон пәшкеге салынған.

Сақтау  шарттары

100С-ден 250С-ге дейінгі температурада сақтау керек. 

Балалардың қолы жетпейтін жерде сақтау керек!

Сақтау мерзімі

4 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.  

Босатылу шарттары

Рецептісіз

Өндіруші

«Тева Чех Өндірістері с.р.о.»,  Остравска 29, 74779 Опава- Комаров, Чех Республикасы.

Тіркеу куәлігінің иесі

«Тева Чех Өндірістері с.р.о.», Чех Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның  мекенжайы:  

 «Тева Чех Индастриз сро.» компаниясының ҚР-дағы өкілдігі 

050000 Қазақстан Республикасы 

Алматы қ., Әл-Фараби даңғылы 13,

Нұрлы тау бизнес орталығы 1в  305, 306 кеңсе

Телефон, факс (727) 311-10-66; 311-10-68