Аквалор горло мини

Медициналық мақсаттағы бұйымды 

медицинада қолдану жөніндегі нұсқаулық

Медициналық мақсаттағы бұйымның атауы  

Балалар мен ересектерге арналған тамаққа бүрку және шаю құралы:

«Алоэ вера және Рим түймедағы қосылған тамаққа арналған шағын Аквалор®» 50 мл;

«Алоэ вера және Рим түймедағы қосылған тамаққа арналған Аквалор®» 125 мл

Бұйымның құрамы мен сипаттамасы

Балалар мен ересектерге арналған тамаққа бүрку және шаю құралы «Алоэ вера және Рим түймедағы қосылған тамаққа арналған шағын Аквалор®» 50 мл және «Алоэ вера және Рим түймедағы қосылған тамаққа арналған Аквалор®» 125 мл «душ» түріндегі бүріккіші бар тамаққа арналған анатомиялық қондырмасымен металл баллондағы аэрозоль болып табылады. Баллонның ішіндегісі - түймедақтың әлсіз иісі, тұзды дәмі бар, теңіз суының стерильді ерітіндісі болып табылатын (100 мл-де 70-77 мл табиғи теңіз суы бар), NaCl гипертониялық концентрациясымен және Алоэ вера (0,025 % ерітінді) және Рим түймедағы (0,025 % ерітінді) сығындысы бар мөлдір түссіз сұйықтық.

Теңіз суының гипертониялық ерітіндісі осмостық қысымның әртүрлілігі есебінен жасушааралық кеңістіктен артық сұйықтықты шығаруының арқасында ауыз және тамақ қуысының шырышты қабығының ісінуін азайтады.

Алоэ вера және Рим түймедағы экстрактілерінің қабынуға қарсы, антисептикалық және қалпына келтіретін әсері бар. 

Құрамында консерванттар жоқ. Дәрілік затқа жатпайды. 

6 айдан асқан балалар мен ересектерге арналған.

Техникалық және функционалдық сипаттамалары:

Параметр  атауы

Сипаттамасы 

Бұйымның сипаттамасы мен құрылымы

Аэрозоль қысыммен металл баллонда. Баллонның ішіне арнайы біржақты клапанмен жабдықталған, толтырылған төрт қабатты пакет салынған, ол ішіндегінің кері ағуын ескерту және ортадағы ауаның пакеттің ішіне түсуін болдырмау арқылы оның стерильдігін пайдалану кезеңі бойына сақтайды.

Толтыру көлемі

50 мл, 125 мл

Ішіндегісінің сипаттамасы

Түймедақтың әлсіз иісі, тұзды дәмі бар, теңіз суының стерильді ерітіндісі болып табылатын (100 мл-де 70-77 мл табиғи теңіз суы бар), NaCl гипертониялық концентрациясымен және Алоэ вера және Рим түймедағы экстрактісі бар мөлдір түссіз сұйықтық.

Ішіндегісінің құрамы

Табиғи теңіз суы, тазартылған су, Алоэ вера экстрактісі  (0,025 % ерітінді), Рим түймедағы (0,025 % ерітінді) экстрактісі 

рН

6,0 - 8,5

NaCl мөлшері

19 - 23 г/л

Сақтау шарттары

Құрғақ және тікелей күн сәулесінен қорғалған жерде     5 °С-ден 25 °С-ге дейінгі температурада сақтау керек. Балалардың қолы жетпейтін жерде сақтау керек.

Өндіруші ұйымның атауы және (немесе) тауарлық белгісі

Аквалор® «Нижфарм» АҚ тіркелген сауда белгісі болып табылады, Ресей 

Қолданылу саласы

Балалар мен ересектерге арналған тамаққа бүрку және шаю құралы «Алоэ вера және Рим түймедағы қосылған тамаққа арналған шағын Аквалор®» және «Алоэ вера және Рим түймедағы қосылған тамаққа арналған Аквалор®» ауыз және тамақ қуыстарының жедел және созылмалы қабыну ауруларының (инфекциялық, аллергиялық, атрофиялық), ауыз және тамақ қуыстарына хирургиялық араласулар жасағаннан кейінгі жағдайлардың, суық тию ауруларын емдеу кезеңінде профилактика және кешенді емдеу үшін қолданылады. 

Тамақты ылғалдандыруға және ауыз бен тамақ қуыстарының шырышты беткейлерінен патологиялық затты алып тастауға арналған.

Ауыз және тамақ қуыстарының шырышты қабығына жағымды әсер көрсетеді, ауыз және тамақ қуыстарындағы жайсыздық пен құрғап кетуді азайтуға ықпал етеді.   

Балалар мен ересектерге арналған тамақты бүрку және шаю құралы «Алоэ вера және Рим түймедағы қосылған тамаққа арналған шағын Аквалор®» және «Алоэ вера және Рим түймедағы қосылған тамаққа арналған Аквалор®» -мен ауыз және тамақ қуыстарын шайғаннан кейін ауыз және тамақ қуыстарының шырышты қабығына жағылған дәрілік заттардың емдік әсері артады және респираторлық аурулардың ұзақтығы қысқарады.  

Қолдану шарттары: жеке және медициналық мекемелер жағдайында қолдануға арналған. 

Қолданылуы:

·        Ауыз және тамақ қуыстарының жедел және созылмалы қабыну ауруларының (инфекциялық, аллергиялық, атрофиялық) профилактикасы және кешенді емдеу:

­   жедел және созылмалы фарингиттер

­   жедел тонзиллиттер (баспа)

­   созылмалы тонзиллиттер

­   ларингиттер

­   стоматиттер

­   гингивиттер

­   пародонтиттер

·        Респираторлық инфекциялардың (ЖРВИ және басқалар) профилактикасы және кешенді емдеу

·        Ауыз және тамақ қуыстарының хирургиялық араласуларынан кейінгі жағдай

Қолдануға болмайтын жағдайлар

Баллон ішіндегі компоненттерді жекелей көтере алмаушылық.

Айрықша нұсқаулар

·        Жүктілік және бала емізу қарсы көрсетілім болып табылмайды.

·        Жұтып қойған жағдайда қауіпсіз!

Қолдану тәсілі

Медициналық бұйымды пайдаланар алдында анатомиялық қондырманы қайнаған сумен немесе этил спиртінің ерітіндісімен өңдеу керек. 

- Қондырманы баллонға кигізу керек;

- қондырманың бүріккішін қабыну ошағына бағыттап, бірнеше секунд бойы шаю шарасын жүзеге асыру керек;

- шаю шарасы аяқталғаннан кейін 30-40 минут бойы ас ішпеу керек;

- емшараны тәулігіне кемінде 4 рет жасау керек.

Қаптау

Тамаққа арналған анатомиялық қондырмамен жабдықталған металл баллон медициналық бұйымды қолдану жөніндегі мемлекеттік және орыс тілдеріндегі нұсқаулықпен бірге картон қорапшада. 

Сақтау шарттары

Құрғақ және тікелей күн сәулесінен қорғалған жерде 5 °С-ден 25 °С-ге дейінгі температурада сақтау керек. 

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген күнге дейін пайдалану керек. Жарамдылық мерзімі өткеннен кейін қолдануға болмайды.

Тасымалдау

1 °С-ден 40 °С-ге дейінгі температурада аталған көлік түрінде тасымалдауға арналған қолданыстағы ережелерге сәйкес жабық көлік құралдарында көліктің барлық түрлерімен тасымалданады. 

Дәріханадан босатылу шарттары

Рецептісіз

Өндіруші ұйым

Aurena Laboratories AB, Fjärrviksvägen 22, 653 50 Karlstad, Швеция

Бұл медициналық бұйымның сапасы және Aurena Laboratories AB, Швеция, компаниясының өндірістік қуаты барлық халықаралық сапа стандартына жауап береді,бұл ISO 13485:2004 сертификатымен және бұйымға сәйкестік декларациясымен расталған.

Тіркеу куәлігінің иесі

«Нижфарм» АҚ, Ресей Федерациясы

Қазақстан Республикасы аумағында тұтынушылардан  медициналық мақсаттағы бұйым жөніндегі шағымдарды (ұсыныстарды) қабылдайтын ұйымның мекенжайы 

«Нижфарм» АҚ Өкілдігі

050043, Қазақстан Республикасы, 

Алматы қ.,  Хан-Тәңірі ықш.ауд, 55б 

тел.: (727) 2222-100

факс: (727) 398-64-95

e–mail: almaty@stada.kz