ЭНТЕРОЖЕРМИНАÒ

Саудалық атауы 

ЭнтерожерминаÒ

Халықаралық патенттелмеген атауы 

Жоқ  

Дәрілік түрі  

Капсулалар  

Құрамы 

Бір капсуланың ішінде 

белсенді зат - әр түрлі химиотерапиялық препараттар мен антибиотиктерге полирезистентті Bacillus clausiiспоралары – 2 миллиард спора, 

қосымша заттар:  ауыр каолин, микрокристалды целлюлоза, магний стеараты

қабықтың құрамы: желатин, титанның қостотығы (Е171), тазартылған су   

Сипаттамасы 

Ақ түсті мөлдір емес корпусы және ақ түсті мөлдір емес қақпағы бар өлшемі № 1 қатты желатин капсулалар. Капсулалар ішіндегісі – ақшыл түстен піл сүйегі түсіне дейінгі ұсақ ұнтақ.

Фармакотерапиялық тобы 

Ас қорыту жолы және зат алмасу. Диареяға қарсы, ішекке арналған қабынуға қарсы/микробқа қарсы препараттар. Диареяға қарсы микроорганизмдер.  

АТХ коды А07FА

Фармакологиялық қасиеттері 

Фармакокинетикасы   

ЭнтерожерминаÒ препаратының белсенді заты тек асқазан-ішек жолының саңылауында орналасқан және сонда әсер ететін бактерия споралары болып табылатындықтан, фармакокинетикалық зерттеулер жүргізілген жоқ.

Фармакодинамикасы

ЭнтерожерминаÒ  патогенді әсер етпейтін, қарапайым,  ішекте мекендейтін Bacillus clausii спораларынан тұратын  препарат болып табылады. 

Bacillus clausii спораларын ішу арқылы қабылдағанда химиялық және физикалық заттарға өзінің жоғары төзімділігінің арқасында асқазан сөлінің бөгеті арқылы өтіп, зақымдалмаған күйде ішек жолына жетеді, онда олар метаболизмдік белсенді вегетативтік жасушаларға айналады.  

Bacillus clausii  әсерінің нәтижесінде ЭнтерожерминаÒ дәрілік препаратын қолдану түрлі факторлардың әсер етуі салдарынан бұзылған ішек микрофлорасының қалпына келуіне ықпал етеді. 

Bacillus clausii  әртүрлі дәрумендерді, оның ішінде B тобы дәрумендерін өндіруге қабілетті болғандықтан, антибиотиктер немесе жалпы химиотерапия туындатқан организмдегі дәрумендік теңгерім бұзылуын қалпына келтіруге ықпал етеді. Энтерожермина® Bacillus clausii метаболизмдік әсерімен тығыз байланысты спецификалық емес антигендік және уыттануға қарсы әсерге қол жеткізуге мүмкіндік береді. 

Бұдан бөлек, Bacillus clausii жоғары дәрежесінің антибиотиктерге жасанды туындаған гетерогенді төзімділігі әсіресе әсер ету ауқымы кең антибиотиктерді қолдану нәтижесінде ішек микрофлорасы бұзылуының алдын алу үшін немесе ішек микрофлорасы теңгерімін қалпына келтіру үшін  емдік негізді қамтамасыз етеді.  

Антибиотиктерге осы төзімділігіне байланысты  ЭнтерожерминаÒ  препаратын антибиотиктердің екі дозасының аралығында қолдануға болады.  

Препараттың пенициллиндерге (егер бета-лактамаза тежегіштерімен біріктілімде болмаса), цефалоспориндерге (көптеген жағдайларда ішінара төзімділік), тетрациклиндерге, макролидтерге, аминогликозидтерге (гентамицин және амикацинді қоспағанда), хлорамфениколға, тиамфениколға, линкомицинге, клиндамицинге, изониазидке, циклосеринге, новобиоцинге, рифампицинге, налидикс қышқылы мен пипемид қышқылына (аралық төзімділік) және метронидазолға қатысты төзімділігі бар.        

Қолданылуы 

- ішек микрофлорасы бұзылулары мен одан кейінгі эндогенді дисвитаминозды емдеу және профилактикасында 

- антибиотиктермен немесе химиотерапиямен емдеу нәтижесінде өзгерген ішек микрофлорасын қалпына келтіруге арналған қосымша емде

- улану немесе ішек дисбактериозымен (дисмикробиозбен) және дисвитаминозбен байланысты ересектер мен 6 жастан асқан балалардағы жедел немесе созылмалы асқазан-ішек бұзылыстарында

Қолдану тәсілі және дозалары 

6 жастан асқан балаларға: 1 капсуладан күніне 1 немесе 2 рет.

Ересектерге: 1 капсуладан күніне 2 немесе 3 рет.

Емдеу ұзақтығын дәрігер жеке анықтайды. Көрсетіліміне қарай емдеудің мынадай қолдану ұзақтығы ұсынылады:

- ішек микрофлорасы бұзылулары мен одан кейінгі эндогенді дисвитаминозды емдеу: 5-7 күн жедел диарея болғанда, 30 күнге дейінгі созылмалы диарея кезінде;

- бактерияға қарсы ем кезіндегі ішек микрофлорасы бұзылуларының және кейінгі эндогенді дисвитаминоз профилактикасы: антибиотиктермен емдеу кезінде және антибиотиктермен емдеу аяқталған соң 1 аптаға дейін;

- антибиотиктермен немесе химиотерапиямен емдеу кезінде өзгерген ішек микрофлорасын қалпына келтіру үшін қосымша емдеу: антибиотиктермен емдеу кезінде және антибиотиктермен емдеу аяқталғаннан кейін 1 аптаға дейін;

- улану немесе ішек дисбактериозымен (дисмикробиозбен) және дисвитаминозбен байланысты ересектер мен 6 жастан асқан балалардағы жедел асқазан-ішек бұзылыстарын емдеу: жедел диарея 5-7 күн;

- улану немесе ішек дисбактериозымен (дисмикробиозбен) және дисвитаминозбен байланысты ересектер мен 6 жастан асқан балалардағы созылмалы асқазан-ішек бұзылыстарын емдеу: созылмалы диарея 30 күнге дейін.

Қолдану тәсілі: Капсулаларды азғана мөлшердегі сумен іше отырып немесе аздаған сұйықтық мөлшерімен тұтастай қабылдау керек.

ЭнтерожерминаÒ капсулаларын жаңа туған нәрестелерде және 6 жасқа дейінгі балаларда қолдану ұсынылмайды (себебі олар капсуланы жұта алмайды), бұл топтағы пациенттерге ЭнтерожерминаÒ ішке қабылдауға арналған суспензия қолайлы.

Жағымсыз әсерлері  

Жиілігі белгісіз 

- аса жоғары сезімталдық реакциялары (бөртпе, есекжем және ангионевроздық ісінуді қоса) 

Күмәнді жағымсыз реакциялар туралы хабар

Дәрілік заттың тіркеуден кейінгі қолдану кезеңіндегі күмәнді жағымсыз реакциялары туралы хабарлау өте маңызды. Бұл препараттың пайда/қауіп арақатынасына үздіксіз мониторинг жүргізуге мүмкіндік береді. Денсаулық сақтау саласындағы мамандар күмәнді жағымсыз реакциялардың кез келген жағдайлары туралы ұлттық есеп беру жүйесі арқылы хабарлауға міндетті.

Қолдануға болмайтын жағдайлар 

- препарат компоненттеріне немесе қандай да бір ингредиенттерінің біріне  жоғары сезімталдық

Дәрілермен өзара әрекеттесуі 

Басқа дәрілік заттармен бір уақытта қабылдау нәтижесінде дәрілік өзара әрекеттесулері белгісіз.

Айрықша нұсқаулар 

Антибиотикпен емдеу кезінде препаратты антибиотиктің екі тізбектелген  дозаларын қабылдау арасында қабылдау керек.

2-3 күн емдегеннен кейін клиникалық жай-күйі нашарлағанда пациенттер өздерінің емдеуші дәрігеріне қаралулары және төмендегі симптомдар пайда болған кезде:

қызба, құсу, нәжісте қан немесе шырыштың болуы, қатты шөлдеу, ауыздың құрғауы, сондай-ақ екі күн емдегеннен кейін жай-күйі жақсармағанда дереу дәрігермен кеңесулері тиіс. 

Жүктілік және лактация кезеңі     

Осы дәрілік препаратты жүктілік және лактация кезеңінде қабылдауға болады.    

Дәрілік заттың көлік құралын немесе қауіптілігі зор механизмдерді  басқару қабілетіне әсер ету ерекшеліктері  

Препарат автокөлікті және машиналық жабдықтарды басқаруға қажетті қабілеттерге әсер етпейді. 

Артық дозалануы 

Қазіргі уақытта артық дозаланудың клиникалық көрінісі тіркелмеген.

Шығарылу түрі және қаптамасы 

12 капсуладан поливинилхлорид/поливинилденхлорид/алюминийден жасалған пішінді ұяшықты қаптамада. 

1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары 

30С-ден аспайтын температурада сақтау керек. 

Балалардың қолы жетпейтін жерде сақтау керек!