Циклоферон

Дәрілік препаратты медициналық қолдану

  жөніндегі нұсқаулық  (Қосымша парақ)  

Саудалық атауы

ЦИКЛОФЕРОНÒ

Халықаралық патенттелмеген атауы

Жоқ 

Дәрілік түрі, дозасы

Вена ішіне және бұлшықет ішіне енгізуге арналған ерітінді, 125 мг/мл

Фармакотерапиялық тобы 

Антинеопластикалық және иммуномодуляциялайтын препараттар. Иммуностимуляторлар. Басқа иммуностимуляторлар.

АТХ коды L03АХ

Қолданылуы 

Ересектерде кешенді ем құрамында

- созылмалы В және С вирустық гепатиттерінде

- герпестік және цитомегаловирустық инфекцияларда

- созылмалы бактериялық және зеңдік инфекциялармен астасқан салдарлы иммун тапшылығы

– хламидий инфекциясы

- дәнекер тіннің ревматизмдік және жүйелік аурулары (ревматоидты артрит)

- буындардың дегенеративті-дистрофиялық аурулары: деформациялаушы остеоартроз және т. б.

4 жастан асқан балаларда кешенді ем құрамында

- созылмалы В және С вирустық гепатиттерінде

- герпестік инфекция

Қолдануды бастағанға дейін қажетті мәліметтер тізбесі  

Қолдануға болмайтын жағдайлар

- препарат компоненттеріне жоғары сезімталдық

- жүктілік және лактация кезеңі 

- 4 жасқа дейінгі балалар

- бауырдың ауыр аурулары

- бауыр жеткіліксіздігі

Қолданған кездегі қажетті сақтық шаралары

Басқа дәрілік препараттармен өзара әрекеттесуі

ЦИКЛОФЕРОН® аталған ауруларды емдеуде дәстүрлі қолданылатын барлық дәрілік препараттармен (интерферондар, химиотерапиялық дәрілік заттар және т.б.) үйлесімді және жақсы үйлеседі.

Интерферондар мен нуклеозидтердің аналогтарының әсерін күшейтеді. Химиотерапияның, интерферонотерапияның жағымсыз әсерлерін азайтады.

Арнайы ескертулер

Несеп күлгін-көк түске боялуы мүмкін (люминесценция).

Пациенттердің ерекше топтары

Педиатрияда қолдану

ЦИКЛОФЕРОН® препаратын пациенттердің осы тобында клиникалық зерттеулердің болмауына байланысты 4 жасқа дейінгі балаларға қолдануға болмайды.

Жүктілік және лактация

Егер сіз жүкті болсаңыз немесе бала емізетін болсаңыз, жүктімін деп ойласаңыз немесе жүктілікті жоспарласаңыз, препаратты қолданар алдында дәрігермен кеңесіңіз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері 

ЦИКЛОФЕРОН® көлік құралдарын немесе қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар   

Препаратты әрдайым емдеуші дәрігердің ұсыныстарына сәйкес қолданыңыз. Күдік туындаған кезде емдеуші дәрігермен кеңесіңіз.

Дозалау режимі 

Ересектерде

ЦИКЛОФЕРОН® негізгі схема бойынша тәулігіне бір рет: күнара қолданылады. Емдеу курсының ұзақтығы ауруға байланысты.

- Созылмалы В және С вирустық гепатиттерінде препаратты негізгі схема бойынша – 0.5 г-ден 10 инъекция, одан әрі демеуші схема бойынша – үш ай бойы аптасына 3 рет кешенді ем құрамында енгізеді. Интерферондармен және химиотерапиямен бірге ұсынылады. Курсты демеуші курсты өткізгеннен кейін 10-14 күн өткен соң қайталайды.

- Герпестік және цитомегаловирустық инфекцияларда препарат негізгі схема бойынша енгізіледі – 0.25 г-ден 10 инъекция. Жиынтық доза - 2.5 г, ауру өрши бастағанда емдеген тиімді.

- Созылмалы бактериялық және зеңдік инфекциялармен байланысты салдарлы иммунтапшылығы кезінде емдеу курсы - 0.25 г бір реттік дозада негізгі схема бойынша бұлшықетішілік 10 инъекция. Жиынтық доза - 2.5 г. Қайталау курсы 6-12 айдан кейін жүргізіледі.

- Хламидий инфекциясы кезінде препарат негізгі схема бойынша енгізіледі. Емдеу курсы - 0.25 г-ден 10 инъекция. Жиынтық доза - 2.5 г. Қайта емдеу курсы 10-14 күннен кейін жүргізіледі. Препаратты антибиотиктермен біріктірген жөн.

- Дәнекер тінінің ревматизмдік және жүйелік ауруларында-10-14 күн үзіліспен 0.25 г бір реттік дозада негізгі схема бойынша 5 инъекциядан 
4 курс. Дәрігердің ұсынысы бойынша қайталау курсы.

- Буындарының дегенеративті-дистрофиялық аурулары кезінде 10-14 күн үзіліспен 0.25 г негізгі схема бойынша 5 инъекциядан 2 курс. Қайталау курсы-дәрігердің ұсынысы бойынша.

4 жастан бастап балаларда

ЦИКЛОФЕРОН® негізгі схема бойынша тәулігіне бір рет: күнара  қолданылады. Тәуліктік емдік доза дене салмағының 1 кг үшін 6-10 мг құрайды.

- Созылмалы В және С вирустық гепатиттерінде препаратты негізгі схема бойынша енгізеді - 10 инъекция - одан әрі демеуші схема бойынша үш ай бойы аптасына 3 рет кешенді ем құрамында енгізеді. Интерферондармен және химиотерапиямен бірге ұсынылады.

- Герпестік инфекция кезінде -негізгі схема бойынша курс 10 инъекциядан тұрады. Вирустың репликативті белсенділігі сақталған жағдайда емдеу курсы препаратты үш күнде бір рет төрт апта бойы енгізе отырып, демеуші схема бойынша жалғастырылады.

Енгізу әдісі мен жолы 

Вена ішіне немесе бұлшықет ішіне.

Артық дозаланған жағдайда қабылдануы тиіс шаралар 

Препараттың артық дозалануы туралы мәліметтер жоқ.

Артық дозаланғанда симптоматикалық ем жүргізу керек.

Дәрілік препаратты қолдану тәсілін түсіндіру үшін медицина қызметкеріне кеңес алуға хабарласу бойынша ұсынымдар

Егер Сізде осы препаратты қолдану туралы қосымша сұрақтарыңыз болса, дәрігермен кеңесіңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар  

Жағымсыз реакциялардың даму жиілігі былайша жіктелген:

- өте жиі (≥1/10); 

– жиі (≥ 1/100 – < 1/10); 

– жиі емес (≥ 1/1000 – < 1/100); 

– сирек (≥ 1/10000 – < 1/1000); 

– өте сирек (< 1/10000);

- жиілігі белгісіз (қолда бар деректер негізінде анықтау мүмкін емес).

Енгізу орнындағы жалпы бұзылулар мен реакциялар: өте сирек – енгізу орнындағы ісіну және гиперемия, дене температурасының жоғарылауы.

Тері мен тері астындағы тіндер тарапынан бұзылулар: өте сирек – тері бөртпелері, есекжем түріндегі аллергиялық реакциялар.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер 

Дәрілік препараттың құрамы

2 мл ерітіндінің құрамында

қосымша зат: инъекцияға арналған су.

Сыртқы түрінің, иісінің, дәмінің сипаттамасы

Сары түсті мөлдір сұйықтық.

Шығарылу түрі және қаптамасы

Қоңыр шыны ампулаларда 2 мл. Ампулаға өздігінен жабысатын заттаңба жапсырылған.

Поливинилхлоридті үлбірден жасалған пішінді ұяшықты қаптамада 
5 ампуладан. Пішінді ұяшықты қаптама жабынды үлбірмен немесе алюминий фольгамен терможелімденген немесе ашық.

1 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Алғашқы ашылуын бақылау үшін қорапшаның бүйірлік клапандары екі жағынан заттаңбалармен немесе терможеліммен желімделуі мүмкін.

Сақтау мерзімі

5 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Төмен температурада тасымалдау кезінде ерітіндіні мұздату препарат қасиеттерін өзгертпейді. Бөлме температурасында ерітілген препарат өзінің биологиялық және физика-химиялық қасиеттерін сақтайды.

Балалардың қолы жетпейтін жерде сақтау керек! 

Дәріханалардан босатылу шарттары

Рецепт арқылы.

Өндіруші туралы мәліметтер

«ПОЛИСАН» ғылыми-технологиялық фармацевтикалық фирмасы» ЖШҚ,

("ПОЛИСАН» ҒТФФ» ЖШҚ)

192102, Ресей, Санкт-Петербург қ., Салов к-сі, 72 үй, 2 корп., лит. А.

Тел.: +7 (812) 710-82-25, +7 (812) 448-22-22.

Электронды пошта: info@polysan.ru.

Тіркеу куәлігінің ұстаушысы

«ПОЛИСАН» ғылыми-технологиялық фармацевтикалық фирмасы» ЖШҚ,

("ПОЛИСАН» ҒТФФ» ЖШҚ)

192102, Ресей, Санкт-Петербург қ., Салов к-сі, 72 үй, 2 корп., лит. А.

Тел.: +7 (812) 710-82-25, +7 (812) 448-22-22.

Электронды пошта: info@polysan.ru.

Қазақстан Республикасы аумағында тұтынушылардан дәрілік заттарға қатысты шағымдарды (ұсыныстарды) қабылдайтын  ұйымның атауы, мекенжайы және байланыс деректері (телефон, факс, электронды пошта)   

«Parasat Pharma Medical» ЖШС, Қазақстан Республикасы, Алматы қ., Абай даңғ., 150/230 үй, тұрғын үй емес 867, блок 11. Тел.: +7 (727) 346-93-78. 
E-mail: prs-arman@mail.ru.

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта) 

Козлов И.А., Қазақстан Республикасы, Алматы қ., Бөгенбай батыр к-сі., 
136 үй, 27 пәтер. 

Тел.: +7 (727) 220-34-64, +7 (777) 211-72-97.

E-mail: doctorkvi@gmail.com.