Альбезол

АЛЬБЕЗОЛ

Саудалық атауы

АЛЬБЕЗОЛ

Халықаралық патенттелмеген атауы

Альбендазол   

Дәрілік түрі

400 мг таблеткалар

Құрамы

Бір таблетканың құрамында

белсенді зат – 400 мг альбендазол,

қосымша заттар: лактоза моногидраты, жүгері крахмалы, поливинилпирролидон К 30 (ПВП К30), натрий лаурилсульфаты, натрий сахарині, темірдің (III) қызыл тотығы, А типті натрийкрахмалы гликоляты (Эксплотаб), микрокристалды целлюлоза РН 102, қою ванильді хош иістендіргіш, апельсинді хош иістендіргіш, магний стеараты

Сипаттамасы

Сопақша пішінді, екі жақ беті дөңес, мәрмәрлі-қызғылт түсті, бір жақ бетінде   сызығы бар таблеткалар  

Фармакотерапиялық тобы

Гельминтке қарсы препараттар. Нематодозды емдеуге арналған препараттар. Бензимидазол туындылары. 

АТХ коды Р02СА03

Фармакологиялық қасиеттері

Фармакокинетикасы

Ішкеннен кейін альбендазол асқазан-ішек жолынан нашар (5%-дан аз) сіңеді, плазмада өзгермеген күйінде  анықталмайды, биожетімділігі – төмен. 

Егер доза сіңуді және плазмадағы ең жоғары концентрацияны (Сmax) 5 есе арттыратын майлы тағаммен бірге қабылданса, жүйелік фармакологиялық әсері артады. Плазма ақуыздарымен байланысуы – 70%, елеулі мөлшерде өтке, бауырға, жұлын сұйықтығына, несепке, гельминттер цистасының қабырғасына және сұйықтығына енеді. Бауырда метаболизденіп, гельминтке қарсы белсенділігі бар алғашқы метаболит альбендазол сульфоксидін түзеді.  Альбендазол сульфоксидінің Сmax жету уақыты 2-5 сағатты құрайды. Альбендазол сульфоксиді альбендазол сульфонына (екіншілік метаболит) және басқа да тотығу өнімдеріне метаболизденеді.   

Бір реттік 400 мг дозаны қабылдағаннан кейін фармакологиялық тұрғыдан белсенді метаболит – альбендазол сульфоксиді 1,6-дан 6,0 мкмоль/л-ге дейінгі плазмалық концентрацияға жетеді. Альбендазолдың жартылай шығарылу кезеңі 8,5 сағатты құрайды. Ішек арқылы өтпен бірге альбендазол сулфоксиді түрінде шығарылады және тек оның аздаған бөлігі ғана несеппен бірге шығарылады.   

Бауыр зақымданғанда биожетімділігі жоғарылайды, мұндайда альбендазол сульфоксидінің Сmax 2 есе артады, ал жартылай шығарылу кезеңі ұзарады. Адам бауырының жасушаларында Р450 1A2 цитохромын индукциялайды.  

Фармакодинамикасы

АЛЬБЕЗОЛ –  протозойға қарсы және гельминтке қарсы әсер ету өрісі ауқымды, бензимидазол карбаматының туындысы. 

АЛЬБЕЗОЛ глюкозаның тасымалдану үдерісін бұзады, бета-тубулиннің полимеризациясын басады, гельминттің организмінде микротубулярлы аппараттың қызметін бұзады, бұл оның өлуіне және адам организмінен шығарылуына әкеледі.    

Препарат терінің Larva Migrans синдромын (кезеген балаңқұрт синдромы) тудыратын мына ішек паразиттеріне қарсы белсенді  

- Nematodae (дөңгелек құрттар): Ascaris lumbricoides (аскарида), Trichocephalus trichiuris (түктібас), Enterobius vermicularis (острица), Ancylostoma duodenale (анкилостома), Necator americanus, Strongyloides stercoralis, Trichinella spiralis;

- Cestoidea (таспа құрттар): Hymenolepsis nana (кішкене таспа құрт), Taenia solium (шошқа таспа құрты), Taenia saginata (өгіз таспа құрты);

- Trematodae (сорғыш құрттар): Opisthorchius viverrini, Clonorchis sinensis; 

- Pretosae (қарапайымдылар): Giardia lamblia (ішектік немесе дуоденальді). 

АЛЬБЕЗОЛ кистоздық және альвеолярлы эхинококкоздарды тудыратын тіндік паразиттерге,Echinococcus granulosus және Echinococcus multilocularis қарсы белсенді. АЛЬБЕЗОЛ Taenia solium балаңқұрттық инвазиясынан, болған нейроцистициркозды, Capilaria philippinensis болған гепатиколез және Gnathostoma spinigerum инвазиясынан пайда болған гнатостомозды емдеген кезде тиімді. Аскаридозды  емдеу үшін қолданылатын көптеген препараттар осы гельминтоздың ішектік сатысында ғана тиімді. АЛЬБЕЗОЛ  аскариданың, трихинелланың пайда болуының барлық сатыларына қатысты тиімді. Тиімділігі 95–100% құрайды.  

Қолданылуы

- энтеробиозда

- анкилостомидозда және некаторозда

- гименолепидозда

- тениозда

- стронгилоидозда

- аскаридозда

- трихоцефалёзда

- клонорхозда 

- описторхозда 

- Larva Migrans тері синдромында

- кистозды эхинококкозда

- альвеолярлы эхинококкозда

- нейроцистицеркозда

- гепатиколезде 

- гнатостомозда

- трихинеллезде

- токсокарозда

Қолдану тәсілі және дозалары

Препаратты ас қабылдау кезінде немесе астан соң ішіп қабылдайды, таблеткаларды шайнамайды, сумен ішіп қабылдайды. Іш жүргізгіш препараттарды қолдануды және арнайы диетаны қажет етпейді. Отбасы мүшелерінің барлығына бір мезгілде ем жүргізу керек. Дозаны, гельминттің түріне және науқастың дене салмағына қарай, әр адамға жекелей белгілейді. Таблетканы бүтіндей жұта алмайтын емделушілер үшін оны ұсақтап, аздаған сұйықтықпен ішу ұсынылады.  

Ішек жұқпалары және Larva Migrans тері синдромы

Жұқпа

Жасы

Қабылдау ұзақтығы  

Энтеробиоз, анкилостомидоз, некаториоз, 

аскаридоз, острица, 

трихоцефалёз

Ересектер

Тәулігіне 1 рет 400 мг (1 таблетка)  

Стронгилоидоз, тениоз, гименолепидоз

Ересектер

3 күн бойы тәулігіне 1 рет 400 мг (1 таблетка). 

Гименолепидозда емдеу ұзақтығы 10 күннен 21 күнге дейінгі қайталау курсы ұсынылады. 

Клонорхоз, описторхоз

Ересектер

3 күн бойы тәулігіне 1 таблетка  

Larva Migransтері синдромы

Ересектер

Тәулігіне 1 рет 1 таблетка. Қабылдау ұзақтығы 1 күннен 3 күнге дейін. 

Жүйелік  гельминттік жұқпалар

(өте жоғары дозалармен ұзақ емдеу) 

Дозалау режимі науқастың жасына, дене салмағына, сондай-ақ жұқпаның ауырлық дәрежесіне байланысты әр адамға жекелей белгіленеді. 

Дене салмағы 60 кг-нан асатын емделушілер үшін доза тәулігіне 2 рет 400 мг (1 таблетка) құрайды. Дене салмағы 60 кг-нан аз болғанда препарат тәулігіне дене салмағының әр кг-на шаққанда 15 мг есебінен тағайындалады. Бұл доза 2 қабылдауға бөлінуі тиіс. Ең жоғары тәуліктік доза 800 мг құрайды. 

Жұқпа

Қабылдау ұзақтығы

Кистоздыэхинококкоз

28 күн. Операбельді емес түрінде препаратты қабылдаудың 14 күндік үзіліспен үш 28 күндік емдеу циклі ұсынылады.   

Операция алдында препаратты қабылдаудың14 күндік үзіліспен үш 28 күндік емдеу циклі ұсынылады.   

Егер операцияға дейінгі курс 14 күннен аз болса немесе тіршілік ете алмайтын кисталар табылса, онда операциядан кейін препаратты қабылдауда 14 күндік үзіліске бөлінген екі 28 күндік емдеу циклі ұсынылады.   

Альвеолярлы

эхинококкоз

28 күн. Екінші 28 күндік курсты препарат қабылдауда екі апталық үзілістен кейін қайталайды. Емдеу бірнеше айға немесе жылға созылуы мүмкін.  

Нейроцистицеркоз

Қабылдау ұзақтығы 7 күннен 31 күнге дейін. Екінші курсын препарат қабылдауда екі апталық үзілістен кейін қайталауға болады.   

Гепатиколез

10 күн бойы тәулігіне 1 рет 400 мг

Гнатостомоз

10-20 күн бойы тәулігіне 1 рет 400 мг

Трихинеллез, токсокароз

5-10 күн бойы тәулігіне 2 рет 400 мг  

Жағымсыз әсерлері

- аллергиялық реакциялар: бөртпе, қышыну, есекжем, эритема, соның ішінде Стивенс – Джонсон синдромы

- бас ауыру, бас айналу

- жүректің айнуы, құсу, іштің ауыруы, диарея 

- бауыр энзимдері деңгейінің жоғарылауы, гепатит

- лейкопения, панцитопения

- қызба

- артериялық қысымның жоғарылауы

- бүйрек қызметінің бұзылуы

Қолдануға болмайтын жағдайлар

- албендазолға және дәрілік заттың басқа да компоненттеріне асқын сезімталдық 

- көз тор қабығының патологиясы

- галактозаның жақпаушылығы, Лапп лактаза жеткіліксіздігі, глюкоза/галактоза мальабсорбциясы 

- жүктілік және лактация кезеңі

- балалар және 18 жасқа дейінгі жасөспірімдер

Дәрілермен өзара әрекеттесуі

Циметидин, празиквантел және дексаметазон өнімнің жүйелік тиімділігіне жауапты метаболит альбендазолдың плазмалық деңгейін арттырады.  Циметидинмен бір мезгілде қолданған кезде өтте және эхинококк кистасында альбендазол концентрациясының жоғарылағаны білінді.

Айрықша нұсқаулар

АЛЬБЕЗОЛды ерте жүктілік кезеңі ішінде қабылдауға жол бермеу үшін, ұрпақ өрбіте алатын жастағы әйелдерді емдеу етеккірден кейінгі алғашқы аптада немесе жүктілікке теріс тест алынғаннан кейін жүргізілуі тиіс. Жүйелік гельминтозда емделу кезінде және препаратты қабылдауды аяқтағаннан кейін бір ай бойы контрацепция шараларын қолданған жөн.  

АЛЬБЕЗОЛды қабылдауды тоқтатқаннан кейін қалыпқа келетін бауыр энзимдерінің деңгейі аздап немесе орташа жоғарылауы мүмкін. Бауыр қызметінің көрсеткіштерін анықтау әрбір емдеу циклі алдында және емдеу барысында әрбір екі апта сайын жүргізілуі тиіс. Егер трансаминаза көрсеткіштері екі есе және одан көпке артса, АЛЬБЕЗОЛды тоқтату керек. Бауыр қызметінің көрсеткіштері қалыпқа келген кезде емдеуді қайталайды.

АЛЬБЕЗОЛ лейкоциттердің жалпы мөлшерін орташа, қайтымды түрде төмендетуі мүмкін. Қан талдаулары әрбір 28 күндік циклдің басында және ішінде әрбір екі апта сайын жасалуы тиіс. Лейкопения пайда болған жағдайда препаратты тоқтатқан жөн. Емдеудің қысқаша курсы барысында шеткергі қанға (5–7 күнде бір рет) және сол мерзімде аминотрансферазаға бақылау жасау қажет. 

Қажет болғанда нейроцистициркозы бар емделушілер стероидтар менантиконвульсантттарды қамтитын кешенді ем қабылдауы тиіс. Көз ауруларында емдеуді бастамас бұрын көздің торқабығын зерттеп тексеру қажет. Көз цистицеркозында ауыр асқынулар (торқабықтың ажырауы) және соқырлық пайда болуы мүмкін болғандықтан, паразиттерге қарсы емді қолдануға болмайды.

Қант диабеті бар науқастарға абайлап тағайындау керек.  

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері 

Ықпал етпейді

Артық дозалануы

Симптомдары: препараттың артық дозалануы жөнінде күні бүгінге дейін жазылмаған.

Емі: артық дозаланған жағдайда – асқазанды шаю, белсенділендірілген көмір қабылдау.

Шығарылуы түрі және қаптамасы

Алюминий форматура/мөлдір ПВХ/ПЭ/ПВДХ үлбірден және баспалы алюминий фольгадан жасалған пішінді ұяшықты қаптамаға 1 таблеткадан салынған.

Пішінді 1 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге өндіруші фирманың голограммасы бар картон пәшкеге салынған.  

Сақтау шарттары

Құрғақ, жарықтан қорғалған жерде, 25оС-ден аспайтын  температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Сақтау мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

«НОБЕЛ Алматы фармацевтикалық фабрикасы» АҚ

Қазақстан Республикасы

Алматы қ-сы, Шевченко к-сі, 162 Е.