Альдарон

Дәрілік затты медициналық

қолдану жөніндегі нұсқаулық

Альдарон®

Саудалық атауы

Альдарон®

Халықаралық патенттелмеген атауы

Спиронолактон

Дәрілік түрі

50 мг, 100 мг капсулалар

Құрамы

Бір капсуланың құрамында:

белсенді зат - спиронолактон 50.0 мг немесе 100.0 мг,

қосымша заттар - лактоза моногидраты, микрокристалды целлюлоза, магний стеараты, сусыз коллоидты кремнийдің қостотығы.

капсула құрамы 1 (50 мг доза үшін)

корпусы: титанның қостотығы (Е171), желатин

қақпағы: титанның қостотығы (Е171), желатин, Бриллиантты көк FCF (E133), Кристалды қанық күлгін

капсула құрамы 2 (50 мг доза үшін)

корпусы: титанның қостотығы (Е 171), желатин, натрий лаурилсульфаты, тазартылған су

қақпағы: Кармуазин (Е 122), титанның қостотығы (Е171), желатин, натрий лаурилсульфаты, тазартылған су, FD&C Көк № 2

капсула құрамы 1 (100 мг доза үшін)

корпусы: FD&C Қызыл №40 (Е129), D&C Қызыл №33, FD&C Сары №6 (Е110), D&C Сары №10 (Е104), титанның қостотығы (Е171), желатин

қақпағы: FD&C Қызыл №40 (Е129), D&C Қызыл №33, FD&C Сары №6 (Е110), D&C Сары №10 (Е104), титанның қостотығы (Е171), желатин

капсула құрамы 2 (100 мг доза үшін)

корпусы: титанның қостотығы (Е 171), желатин, натрий лаурилсульфаты, тазартылған су, FD&C Қызыл № 40 (Е 129), Кармуазин (Е 122)

қақпағы: Кармуазин (Е 122), титанның қостотығы (Е171), желатин, натрий лаурилсульфаты, тазартылған су, FD&C Қызыл № 40 (Е 129)

Сипаттамасы

Күлгін түсті қақпағы және ақ түсті корпусы бар қатты мөлдір емес желатинді капсулалар, өлшемі 1 (50 мг доза үшін) немесе қызыл түсті қатты мөлдір емес желатинді капсулалар, өлшемі 1 (100 мг доза үшін).

Капсула ішінде – ақ немесе ақ дерлік түсті ұнтақ тәрізді қоспа.

Фармакотерапиялық тобы

Жүрек-қантамыр жүйесі. Диуретиктер. Калий сақтаушы диуретиктер. Альдостерон антагонистері. Спиронолактон

АТХ коды  С03DА01

Фармакологиялық қасиеттері

Фармакокинетикасы

Ішке қабылдаған кезде препараттың белсенді заты – спиронолактон асқазан-ішек жолынан жақсы сіңеді және келесі белсенді метаболиттерге: құрамында күкірт (80%) бар метаболитке және ішінара  канренонға (20%) айналады.

Спиронолактон ең жоғары концентрациясына (Сmах) 2,6 сағаттан соң жетеді және 80 нг/мл құрайды, канренон ең жоғары концентрациясына (Сmах) 4,3 сағаттан соң жетеді және 181 нг/мл құрайды, 7-альфа-тиометилспиронолактон ең жоғары концентрациясына 3,2 сағаттан соң жетеді және 391 нг/мл құрайды, 6-бета-гидрокси-7-альфа-тиометилспиронолактон 5,1 сағаттан соң жетеді және 125 нг/мл құрайды. 

Ең алдымен, несеппен метаболиттер түрінде, 10%-ы өзгермеген күйде, сондай-ақ метаболиттер түрінде өтпен/нәжіспен шығарылады. 

Спиронолактонның жартылай шығарылу кезеңі (Т1/2) – 10 минут, канренонның жартылай шығарылу кезеңі (Т1/2) тәулігіне 1-2 рет қабылдаған кезде 13-24 сағат (орта есеппен 19 сағат), тәулігіне 4 рет қабылдаған кезде 9-16 сағат (орта есеппен 12,5 сағат) құрайды.

Фармакодинамикасы

Альдарон® – калий сақтаушы диуретик. Цитоплазмалық минералокортикоидты рецепторлармен байланысатын орын үшін альдостеронмен бәсекелеседі. Жинақтаушы түтіктерде және дистальді өзекшелерде натрий иондарының калий иондарына альдостеронмен реттелетін алмасуын тежейді. Натрий иондарының бүйрек эпителийі жасушаларының апикальді жарғақшасы арқылы кері сіңірілуін тежейді, натрий, хлор иондарының және судың несеппен шығарылуын арттырады, калий (калий сақтаушы әсер), магний, мочевина сөлінісін және шығарылуын төмендетеді және олардың қандағы концентрациясын арттырады. Орташа ұзақ диуретиктік әсері және гипертензияға қарсы әлсіз әсері бар. Диуретиктік әсері 2-5-ші күні білінеді және қабылдауды тоқтатқаннан кейін 2-3 күн ішінде сақталады. Гипотензиялық әсері емдеудің 2-3-ші аптасында көрініс береді. Гипертензияға қарсы белсенділігі натрий иондары шығарылуының артуымен және айналымдағы қан және жасушадан тыс сұйықтық көлемінің азаюымен жүзеге асады. Альдостеронның көп өндірілуімен байланысты болатын ісінулер кезінде, әсіресе калий сақтаушы диуретиктік әсері керек болатын тұста, соның ішінде іркілісті жүрек жеткіліксіздігінде, бауыр циррозында және нефроздық синдромда диуретик ретінде өте тиімді.

Қолданылуы

-        созылмалы жүрек жеткіліксіздігі кезіндегі ісінулерде (пациенттерде басқа диуретиктермен емге жауап байқалмаған немесе олардың әсерін күшейту қажеттігі болған жағдайларда )

-        асцит және ісінулер болатын бауыр циррозында

-        нефроздық синдромда, әсіресе гипокалиемия мен гиперальдостеронизм бір мезгілде болған кезде (біріктірілген ем құрамында)

-        қатерлі асцитте

-        алғашқы гиперальдостеронизмде

Қолдану тәсілі және дозалары

Күніне бір рет тамақтану кезінде ішке қабылданады.

Ісінулері бар іркілісті жүрек жеткіліксіздігі 

Бастапқы тәуліктік дозасы 100 мг (тәулігіне 25-тен 200 мг дейінгі диапазонда болады), бір немесе бірнеше қабылдауда қолдану ұсынылады. 

Демеуші дозасы әркімге жеке белгіленуі тиіс.

Асцит және ісінулер болатын бауыр циррозы

Егер Na+/K+ арақатынасы несепте 1.0 көп болса, бастапқы тәуліктік және ең жоғары тәуліктік дозасы 100 мг құрайды. Егер осы арақатынас 1.0-ден аз болса бастапқы тәуліктік доза - 200 мг, ең жоғары дозасы – тәулігіне 400 мг.

Дозалау әркімге жеке анықталуы тиіс.

Қатерлі асцит

Бастапқы дозасы, әдетте, күніне 100-200 мг. Ауыр жағдайларда дозасын күніне 400 мг дейін біртіндеп арттыруға болады. Демеуші дозасы әркімге жеке белгіленуі тиіс.

Нефроздық синдром

Әдеттегі дозалары – күніне 100-200 мг. Спиронолактон глюкокортикостероидтармен монотерапия тиімсіз болған жағдайда ғана ұсынылады.

Алғашқы гиперальдостеронизмнің диагностикасы және емі

Қысқа диагностикалық тест кезінде диагностикалық дәрі ретінде: күніне бірнеше қабылдауға бөліп, 4 күн бойы 400 мг/тәул. Препарат қабылдау кезінде қандағы калий концентрациясын ұлғайтқанда және оны тоқтатқаннан кейін төмендеткенде бастапқы гиперальдостеронизмнің болуын болжауға болады. 

Ұзақ диагностикалық тест кезінде: сол дозада 3-4 апта бойы. Гипокалиемияның және артериялық гипертензияның түзетілуіне қол жеткенде бастапқы гиперальдостеронизмнің болуын болжауға болады.

Диагноз  қойылғаннан кейін операциялық араласуға дайындық ретінде күніне 100-400 мг.

Операциялық емделу мүмкін болмаған жағдайда жекеше тәртіппен таңдалған ең аз әсер етуші дозамен ұзақ уақыт ем жүргізуге болады. Мұндай жағдайларда әр 14 күн сайын бастапқы дозасын ең аз тиімді дозаға жеткенше азайту керек. Ұзақ емделген кезде жағымсыз реакцияларының дамуын болдырмау үшін препаратты басқа диуретиктермен біріктіру мақсатқа сай келеді. Емдеу ұзақтығын емдеуші дәрігер әркімге жеке белгілейді.

Егде пациенттер 

Емді төмендеу дозалардан бастап соңынан ең жоғары әсеріне жеткенше біртіндеп арттыра отырып жүргізу ұсынылады. Препарат метаболизміне және оның экскрециясына әсер ететіндіктен егер бауыр немесе бүйрек  бұзылуы бар болса, оны ескеру керек.

Жағымсыз әсерлері

Препаратты қолданғанда гинекомастия дамуы мүмкін. Гинекомастияның даму мүмкіндігі  препарат дозасына да және емнің ұзақтығына  да байланысты. Бұл жағдайда гинекомастия әдетте қайтымды, және  препаратты тоқтатқаннан кейін жоғалады, тек сирек жағдайларда ғана емшек безі аздап ұлғаяды.

Жалпы бұзылыстар және енгізген жердегі өзгерістер: әлсіздік  

Кисталар мен полиптерді қоса қатерлі емес, қатерлі және анықталмаған жаңа түзілімдер: сүт безінің қатерлі емес ісігі 

Асқазан-ішек жолы тарапынан бұзылыстар: асқорыту жолының бұзылыстары, жүрек айнуы

Қан және лимфа жүйесі тарапынан бұзылыстар: лейкопения 

(агранулоцитозды қоса), тромбоцитопения

Бауыр және өт шығару жолдары тарапынан бұзылыстар: бауыр функциясының бұзылуы

Зат алмасу және тамақтану тарапынан бұзылыстар: электролиттік теңгерімнің бұзылуы, гиперкалиемия

Қимыл-тірек аппараты тарапынан бұзылыстар:  балтыр бұшшықеттерінің тартылуы

Орталық жүйке жүйесі тарапынан бұзылыстар: бас айналу

Психиканың бұзылуы: либидоның төмендеуі, сананың шатасуы

Жыныс ағзалары және сүт безі тарапынан бұзылыстар:  етеккір бұзылуы, кеуденің ауыруы

Тері және тері асты тіндері тарапынан бұзылыстар:  Стивенс-Джонсон синдромы, уытты эпидермальді некролиз, эозинофилиямен және жүйелі симптомдармен тері бөртпесі, алопеция, гипертрихоз, қышыну, бөртпе, есекжем, пемфигоид

Бүйрек және несеп шығару жолдары тарапынан бұзылыстар:  жедел бүйрек жеткіліксіздігі

Қолдануға болмайтын жағдайлар

-        әсер етуші затына немесе қосымша заттарының кез келгеніне жоғары сезімталдық

-        Аддисон ауруы

-        жедел немесе жылдам үдемелі бүйрек жеткіліксіздігі, бөліп 

шығару функциясы едәуір төмендеген созылмалы бүйрек жеткіліксіздігі (креатинин клиренсі 10 мл/мин аз)

-        анурия

-        гиперкалиемия

-        гипонатриемия

-        гиперкальциемия

-        басқа да калий сақтаушы диуретиктер мен калий қоспаларын 

     бір мезгілде қабылдау

-   жүктілік және лактация кезеңі

-        18 жасқа дейінгі балалар мен жасөспірімдерге

Дәрілермен өзара әрекеттесуі

Альдарон® препаратын және басқа да калий сақтаушы диуретиктерді, АӨФ тежегіштерін, ангиотензин-II рецепторларының антагонистерін, альдостерон блокаторларын, калий препараттарын бірге қабылдау ауыр 

гиперкалиемияға алып келуі мүмкін. 

Төмендегілермен бірге қолданғанда: 

басқа диуретиктермен - диурез жоғарылауы

® препаратымен емдеу сызбасына қосқанда гипертензияға қарсы препараттардың дозасын азайту қажеттігі туындауы мүмкін.

® препараты олардың әсерін азайтады, бұл осы препараттарды қолдану арқылы жергілікті немесе жалпы анестезия жүргізуде ескеру керек.

® препаратының диуретикалық, натрийуретикалық және гипертензияға қарсы әсерінің  бірге төмендеуі бар гиперкалиемия қаупі жоғарылауы 

- глюкокортикостероидтармен, АКТГ - калий экскрециясының парадоксальді ұлғаюы 

- дигоксинмен - спиронолактон дигоксиннің жартылай шығарылу кезеңін ұлғайтуға ықпалды, бұл оның қан сарысуындағы құрамының артуына және  

гликозидтік уыттану дамуына алып келуі мүмкін

- литиймен – литий препараттарын диуретиктермен бір мезгілде тағайындауға болмайды, өйткені олар литийдің бүйрек клиренсін төмендетеді және уыттану қаупін арттыруы мүмкін 

- карбеноксолонмен - натрий іркілісін туындатуы, осылайша спиронолактон тиімділігін төмендетуі мүмкін 

- карбамазепином - спиронолактонмен бір мезгілде қабылдағанда  клиникалық елеулі гипонатриемия дамуын туындатуы мүмкін

– олардың әсері әлсірейді 

 - олардың әсері күшейеді 

Зертханалық зерттеулер нәтижесіне әсері - дигоксин концентрациясын радиоиммунологиялық әдістермен анықтау үдерісіне әсері болжануы мүмкін.

Айрықша нұсқаулар

Жергілікті және жалпы анестетиктер аясында жасалатын хирургиялық араласулар тұсында, егде жастағы пациенттерге сақтықпен тағайындалады (гиперкалиемияның даму қаупі жоғары). Альдарон® препаратын гинекомастия тудыратын дәрілік заттармен бірге тағайындауға болмайды. 

Тәулігіне 100 мг-ден жоғары дозаларда эндокринді/антиандрогенді әсерлер жиі дамиды, орталық жүйке жүйесіне әсері және асқазан-ішек жолы шырышты қабығының тітіркенуі білінеді. Емделу кезінде электролиттер мөлшерін, мочевина азотының, қандағы мочевина мен креатинин деңгейін мұқият бақылау (әсіресе, егде жастағыларда және бүйрек және/немесе бауыр функциясы бұзылған пациенттерде), артериялық қысым көрсеткіштерін үнемі қадағалау қажет. 

Гиперкалиемия: бүйрек функциясы бұзылған науқастарда немесе калий шамадан тыс тұтынылғанда жүрек функциясының бұзылуына әкелетін гиперкалиемия пайда болады. Гиперкалиемия дамығанда Альдарон®  қолдану тоқтатылуы тиіс, қажет болса, қан сарысуындағы калий деңгейін азайту үшін пәрменді шаралар қолданылады.

Бауыр циррозы қалпына келмейтін кейбір пациенттерде, тіпті қалыпты бүйрек функциясында, әдетте, гиперкалиемиямен қосылған қайтымды гиперхлоремиялық метаболизмдік ацидоз дамуы мүмкін.

Альдарон® препаратын калий сақтаушы басқа диуретиктермен, АӨФ тежегіштерімен,  ангиотензин II антагонистерімен, альдостерон блокаторларымен, гепаринмен, төмен молекулалы гепариндермен немесе гиперкалиемия тудыратын басқа препараттармен немесе калий мол емдәммен немесе құрамында калий бар тұз алмастырғыштармен бір мезгілде қолдану күрделі гиперкалиемияға алып келеді.

Жүрек жеткіліксіздігі ауыр пациенттерде гиперкалиемия өлімге ұшыратуы мүмкін. Спиронолактон қабылдайтын жүрек жеткіліксіздігі ауыр пациенттерде қан сарысуындағы калий деңгейін бақылаудың маңызы зор. Қан сарысуындағы калий мөлшері 3.5 мг-экв/л жоғары пациенттерде калий сақтаушы басқа диуретиктер, тағамдық калий қоспаларын қолданудан аулақ болу қажет. Спиронолактон дозасын қолдану басталғаннан немесе арттырудан кейін бір апта өткенде, артынша алғашқы 3 ай ішінде ай сайын, жыл бойы тоқсан сайын, сосын әр 6 айда калий және креатинин деңгейіне мониторинг жасау ұсынылады. Егер сарысудағы калий деңгейі 5 мг-экв/л артық болса немесе креатинин деңгейі 4 мг/дл асып кетсе, емдеуді тоқтату қажет.

Диабеттік нефропатиясы бар пациенттерді глюкозаға төзімділік тестісінен өткізгенде, ең болмаса, тест өткізуге дейін 3 күн бұрын Альдарон® препаратын тоқтату керек (ауыр гиперкалиемия қаупіне орай).

Альдарон® препаратымен емделу уақытында алкоголь қабылдауға тыйым салынады.

Препарат құрамында лактоза бар, сондықтан туа біткен лактоза жақпаушылығында, Лапп лактаза тапшылығында, глюкоза-галактоза мальабсорбциясында қарсы көрсетілімді.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын жүргізушілерге және кәсібі жоғары зейін шоғырландырумен байланысты адамдарға сақтық шарасын қадағалау талап етіледі.

Артық дозалануы

Симптомдары: ұйқышылдық, бас айналу, сананың шатасуы, балтыр бұлшықеттерінің құрысуы, жүрек айну, құсу, диарея, организмнің сусыздануы, су-электролит теңгерімінің бұзылуы, тері бөртпесі.

Емі: препарат қабылдауды тоқтату, құсуды индукциялау, асқазанды шаю, сусыздану мен су-электролит теңгерімінің бұзылуларын, артериялық гипотензияны симптоматикалық емдеу, тіршілік үшін маңызды  функцияларды қолдау; гиперкалиемия жағдайында – 20-50%глюкоза ерітіндісі мен инсулинді – 0,25-0,5 ӘБ/г глюкозаны к/і жылдам енгізу; калий шығарушы диуретиктер және ион алмастырушы шайырлар пайдаланылады; гемодиализ жүргізуге болады; спецификалық у қайтарғысы жоқ.

Шығарылу түрі және қаптамасы

10 капсуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынады.  

3 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан немесе қораптық картоннан жасалған қорапшаға салынады.  

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл 

Жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы