Ганатон

Дәрілік затты медициналық қолдану

жөніндегі нұсқаулық                   

ГАНАТОН

Саудалық атауы

Ганатон

Халықаралық патенттелмеген атауы

Итоприд

Дәрілік түрі

Үлбірлі қабықпен қапталған таблеткалар, 50 мг

Құрамы

Бір таблетканың құрамында

белсенді зат - 50 мг итоприд гидрохлориді, 

қосымша заттар - лактоза моногидраты, жүгері крахмалы, кармеллоза,  сусыз әлсіз кремний қышқылы, магний стеараты; 

таблетка қабығының құрамы – гипромеллоза 2910, макрогол 6000, титанның қостотығы (Е 171), карнауб балауызы.

Сипаттамасы

Дөңгелек пішінді, бір жағында бөлу сызығы және екінші жағында ойып басылған «НС 803» коды бар, ақ түсті үлбірлі қабықпен қапталған таблеткалар.

Фармакотерапиялық тобы

АІЖ тарапынан функционалдық бұзылуларды емдеуге арналған препараттар. АІЖ моторикасының стимуляторлары. Итоприд.

АТХ коды  А03 FA 07

Фармакологиялық қасиеттері

Фармакокинетикасы

Сіңірілуі. Итоприд гидрохлориді асқазан-ішек жолынан тез және толық дерлік сіңеді. Оның салыстырмалы биожетімділігі 60% құрайды, бұл бауыр арқылы «алғаш өту» әсерімен байланысты. Ас биожетімділігіне ықпалын тигізбейді. 50 мг итоприд гидрохлоридін қолданғаннан кейін Сmaxмәніне 0.5-0.75 сағаттан соң жетеді және 0.28 мкг/мл құрайды. Дәрілік заттың 50 мг-ден 200 мг дейінгі дозасын күніне 3 рет 7 күн бойы қолданғанда итоприд гидрохлоридінің және оның метаболиттерінің фармакокинетикасы өте аз жиналуымен бірге дозаға байланысты болған.  

Таралуы. Итоприд гидрохлоридінің шамамен 96%-ы плазма ақуыздарымен (көбіне альбуминмен) байланысады. α1-қышқыл гликопротеинмен байланысуы 15 %-дан азды құрайды.

Метаболизмі. Итоприд гидрохлориді бауырда белсенді түрде биотрансформацияланады. 3 метаболиті сәйкестендірілген, олардың тек біреуі ғана аздаған белсенділік танытады, оның фармакологиялық маңызы жоқ (итоприд гидрохлоридінің шамамен 2-3%-ы). Алғашқы метаболиті N-оксид болып табылады, ол төртіншілік амино-N-диметил тобының тотығуы нәтижесінде пайда болады. 

Итоприд гидрохлориді флавинге тәуелді монооксигеназаның (FMO3) әсерімен метаболизденеді. FМО изоферменттерінің мөлшері және тиімділігі адамда генетикалық полиморфизмге байланысты ерекшеленуі мүмкін, ол сирек жағдайларда триметиламинурия  («балық иісі» синдромы) атауымен белгілі аутосомдық-рецессивтік хал-жағдайдың пайда болуына әкеп соғады. Итоприд гидрохлориді фармакокинетикасының триметиламинуриясы бар пациенттерде кәдімгі пациенттер фармакокинетикасынан айырмашылығы бар.

Фармакокинетикалық in vivo зерттеу деректеріне сай итоприд гидрохлориді CYP2C19 және CYP2E1 қатысты тежегіш немесе индукциялайтын әсер білдірмейді. Итоприд гидрохлоридін қолдану CYP мөлшеріне немесе уридиндифосфат-глюкуронизилтрансфераза белсенділігіне ықпалын тигізбейді.

Шығарылуы. Итоприд гидрохлориді және оның метаболиттері көбіне несеппен бірге шығарылады. Дені сау ерікті адамдарға  дәрілік затты емдік дозаларда (50 мг) ішке бір реттік қолданудан кейін итоприд гидрохлоридінің және оның N-оксидінің бүйректік экскрециясы, тиісінше, 3.7% және 75.4% құраған.   

Итоприд  гидрохлоридінің терминальді Т1/2шамамен  6 сағатты құраған.

Фармакодинамикасы

Пероралді енгізгенде белсенді гастропрокинетик болып табылады. Бір таблетка итоприд гидрохлоридінің құрамында 50 мг итоприд гидрохлориді бар. Таблеткалар шұғыл босап шығуды қамтамасыз ету үшін әзірленген. Химиялық формуласын былайша көрсетуге болады: N-[4-[2 (диметиламино)этокси]бензил]-3,4-диметилоксибензамид гидрохлориді. Итоприд гидрохлориді орын алмастырған бензамидті білдіреді. Оның мынадай эмпирикалық формуласы болады: C20H26N2O4.HCI, молекулалық салмағы 394,89 г/моль құрайды.

Итоприд екі еселенген әсер ету механизмін: D2 допаминді рецепторлармен антагонизмімен және ацетилхолинэстераза тежелуі иеленген. Итопридтің әсері ацетилхолин концентрациясының ұлғаюын қамтиды, ол асқазан моторикасына ықпал етеді, төменгі өңеш сфинктері (ТӨС) қысымын жоғарылатады, асқазанды босатуды және асқазан-он екі ішек үйлесімін жақсартады.

Итоприд гидрохлориді, сондай-ақ хеморецепторлы триггерлі аймақта орныққан D2-рецепторлармен өзара әрекеттесудің арқасында құсуға қарсы да әсерін байқатады, бұл апоморфинмен құстыртудың дозаға тәуелділігін тежеумен көрінген. 

Итоприд гидрохлориді зерттеулерде адамның асқазанының босауын жылдамдататынын көрсетті.   

Итоприд гидрохлоридінің әсері асқазан-ішек жолының жоғарғы бөліктеріне қатысты жоғары спецификалы болып табылады.  

Итоприд гидрохлориді қан сарысуында гастрин деңгейіне ықпалын тигізбейді.

Қолданылуы

Асқазан моторикасы бұзылулары және функционалдық ойық жара емес диспепсия немесе созылмалы гастрит туындатқан асқазан ішіндегі баяу эвакуацияны туындатқан асқазан-ішек симптомдарын емдеуде, атап айтқанда: 

-         іштің кебуін сезіну; 

-         тез тою сезімі;

-         постпрандиальді толып кету; 

-         іштің жоғарғы бөлігіндегі жайсыздық немесе ауыру; 

-         анорексия; 

-         қыжыл; 

-         жүрек айнуы және құсу;

Қолдану тәсілі және дозалары

Ересектер үшін ұсынылған доза тәулігіне 150 мг құрайды  (тамақтану алдында 1 таблеткадан (50 мг) күніне 3 рет). Көрсетілген доза пациенттің жасын және симптомдарын ескеріп төмендетілуі мүмкін («Айрықша нұсқаулар» бөлімін қараңыз).   

Клиникалық зерттеулерде  итоприд гидрохлоридін пациенттерде қолдану ұзақтығы 8 аптаға дейінді құрайды.

Жағымсыз әсерлері

Препараттың мынадай жағымсыз әсерлері төменде келтірілген жиілікте итопридті өндіруші демеушілік еткен 4 клиникалық плацебо-бақыланатын зерттеуде, 4 клиникалық салыстырмалы зерттеуде және 13 бақыланбайтын  интервенциялық клиникалық зерттеуде қабылдаған 998 пациентте байқалған, итопридтің стандартты тәуліктік дозасы 150 мг немесе одан аздау [жиі (>1/100-ден <1/10 дейін) және жиі емес (>1/1000-нан <1/100 дейін)]. «Өте жиі» (>1/10), сирек (>1/10 000-нан <1/1000 дейін) және «өте сирек» (<1/10 000) санаттарында жағымсыз реакциялар айқындалмаған.

MedDRAбойынша ағзалар жүйесінің класы

Туындау жиілігі санаты 

Жиі

Жиі емес

Асқазан-ішек жолы тарапынан бұзылулар

Іштің ауыруы, диарея

Сілекей  бөлінудің ұлғаюы

Зертханалық және аспаптық деректер

Аминотрансфераза деңгейініңжоғарылауы, ақ қан денелері санының азаюы 

Жүйке жүйесі тарапынан бұзылулар

Бас айналу

Бас ауыру 

Тері және теріасты тіндерітарапынанбұзылулар

Бөртпе

НР – тіркеуден кейінгі қолдану тәжірибесі 

Мынадай жағымсыз реакциялар туралы тіркеуден кейінгі қолдану кезінде өздігінен ретсіз келіп түскен хабарлар болған. Қолда бар деректер бойынша туындау жиілігін дәл бағалау мүмкін емес.

Қантамырлар және лимфа жүйесінің бұзылыстары 

Лейкопения және тромбоцитопения

Иммун жүйесі тарапынан бұзылулар

Анафилаксиялық реакцияны қоса, жоғары сезімталдық

Эндокриндік жүйе тарапынан бұзылулар

Қанда пролактин деңгейінің жоғарылауы

Жүйке жүйесі тарапынан бұзылулар 

Бас айналу, бас ауыру және тремор

Асқазан-ішек жолы тарапынан бұзылулар 

Диарея, іш қату, іштің ауыруы, сілекей  бөлінудің ұлғаюы және жүрек айну.

Бауыр және өт жолдары тарапынан бұзылулар

Сарғаю

Тері және тері асты тіндері тарапынан бұзылулар 

Бөртпе, эритема және қышыну

Ұрпақ өрбіту жүйесі және сүт бездері тарапынан бұзылулар 

Гинекомастия

Зертханалық және аспаптық деректер

Аспартат-аминотрансфераза, аланин-аминотрансфераза, гамма-глутамилтрансфераза деңгейінің жоғарылауы, қанда сілтілі фосфатаза және билирубин деңгейінің жоғарылауы.

Қолдануға болмайтын жағдайлар

- итоприд гидрохлоридіне немесе препараттың кез келген басқа компоненттеріне жоғары сезімталдық  

- асқазан-ішек жолының жиырылу белсенділігі жоғарылағанда зиянды болуы мүмкін жағдайларда, мысалы, асқазан-ішектен қан кеткенде, механикалық бітелгенде немесе тесілгенде

- 18 жасқа дейінгі балалар мен жасөспірімдер 

- тұқым қуалайтын фруктоза жақпаушылығы, Lapp-лактаза ферменті тапшылығы, глюкоза-галактоза мальабсорбциясы бар адамдарға

Дәрілермен өзара әрекеттесуі

Итоприд гидрохлоридінің алғашқыда, Р450 цитохромы жүйесінің изоферменттерімен емес, флавин-монооксигеназамен метаболизденуіне байланысты метаболизмдік өзара әрекеттесулер күтілмейді. 

Варфаринмен, диазепаммен, натрий диклофенагімен, тиклопидин гидрохлоридімен, нифедипинмен және никардипин гидрохлоридімен бір мезгілде тағайындағанда ақуыздармен байланысуында ешқандай да өзгерулер байқалған жоқ. Итоприд гидрохлоридінің асқазанның жиырылуын күшейтуіне байланысты, ол бір мезгілде тағайындаған кезде басқа да дәрілік заттардың сіңу үдерісіне ықпалын тигізуі мүмкін. Әсіресе емдік индексі төмен дәрілік затты, босап шығуы баяулаған немесе ішекте еритін қабығы бар дәрі түрлерін қолданғанда аса сақ болу қажет.  

Ойық жараға қарсы, мысалы, циметидин, ранитидин, тепренон және цетраксат сияқты дәрілік заттар  итоприд гидрохлоридінің прокинетикалық әсеріне ықпалын тигізбейді.

Антихолинергиялық дәрілік заттар итоприд гидрохлоридінің әсерін төмендетуі мүмкін.

Айрықша нұсқаулар

Жалпы сақтандырулар

Итоприд гидрохлориді ацетилхолиннің әсерін күшейтеді және  холинергиялық жағымсыз реакцияларды білдіруі мүмкін. Ұзақ уақытқа қолданылуы жөнінде деректер жоқ.  

Ұрпақ өрбіту функциясы

Итопридтің адамдар фертильдігіне әсер етуї туралы деректер жоқ; алайда жануарларға жүргізілген зерттеулерде итопридтің зиянды әсер етуі айқындалмаған. 

Жүктілік 

Итоприд гидрохлоридін жүктілік кезеңінде, препаратты қолданудан күтілетін пайда ықтимал қауіптен басым болатын жағдайлардан басқасында қолданбаған жөн.    

Лактация кезеңі

Итоприд гидрохлориді емшек сүтіне бөлініп шығады. Емшектегі балаларда жағымсыз реакциялардың пайда болуына жол бермеу үшін, ана үшін емнің маңыздылығын ескере отырып, бала емізуді тоқтату немесе емдеуді тоқтату жөнінде тиісті шешім қабылдануы тиіс.   

Балалар

Итоприд гидрохлоридін 18 жасқа дейінгі балалар мен жасөспірімдерде қолданудың қауіпсіздігі анықталған жоқ.

Егде жастағы адамдар

Жалпы итоприд гидрохлоридін егде жастағы пациенттер арасында қолданғанда және әсер ету мониторингі кезінде сақ болу керек, ол бауыр функциясы және бүйрек функциясы төмендеуінің анағұрлым жоғары жиілігімен, сондай-ақ қатар жүретін аурулармен немесе басқа  препараттармен емдеумен сипатталады.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері   

Автокөлікті басқару немесе механизмдермен жұмыс істеу қабілетіне әсеріне зерттеу жүргізілмеген.

Артық дозалануы

Емі: Шамадан тыс артық дозаланған жағдайда асқазанды шаюдың әдеттегі шараларын қолдану және симптоматикалық ем жүргізу қажет.  

Шығарылу түрі және қаптамасы

10 таблеткадан поливинилхлоридті/поливинилдихлоридті (ПВХ/ПВДХ) үлбірден және алюминий фольгадан жасалған пішінді ұяшықты қаптамаға салынған. 4 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.  

Сақтау шарттары

25 0С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.   

Дәріханалардан босатылу шарттары

Рецепт арқылы