Лив 52

Дәрілік препаратты медициналық қолдану 

жөніндегі нұсқаулық

Лив.52®

Саудалық атауы

Лив.52®

Халықаралық патенттелмеген атауы

Жоқ 

Дәрілік түрі

Шәрбат 100, 200 мл

Құрамы 

5 мл шәрбаттың құрамында 

белсенді заттар:

өсімдік шикізатының қоспасынан жасалған қою су экстрактсі (1:10) 

тікенді кеуел тамырлары                                                            34 мг                                   кәдімгі шашыратқы дәндері                                                       34 мг                                           

қара алқаның бүтін өсімдігі                                                       16  мг                                                         батыстық кассия дәндері                                                            8  мг

терминалия арджуна қабығы                                                     16 мг                                                            кәдімгі мыңжапырақ шөбі                                                              8 мг                                              

галь жыңғылы бүтін өсімдігі                                                8 мг 

(арақатынасы: шикізат: экстракт 3.5:1) -135 мг (62 мг құрғақ затқа шаққанда)

Шикізат 0.64 мг-нан тең мөлшерде алынған өсімдік шикізатының қоспасынан жасалған су экстрактісінің (1:10) буында алдын ала өңделген: ақ эклипттің бүтін өсімдігі, филантус нирури, жайылған берхавия, жүрекжапырақты тиноспора, егістік шомыр, дәрілік эмблика, цейлон свинчаткасы, қышқыл эмбелия, терминалия хебула (миробаллан ағашы) қабықтары, дәрілік  шытыра.

қосымша заттар: сахар, лимон қышқылы моногидраты, натрий цитраты, глицерин, натрий метилпарагидроксибензоаты, натрий пропилпарагидроксибензоаты, Ананас хош иістендіргіші, тазартылған су

Сипаттамасы 

Ананасқа тән иісі және тәтті дәмі бар жылтыр-қоңыр түсті шәрбат тәрізді сұйықтық.

Фармакотерапиялық тобы

Бауыр ауруларын емдеуге арналған препараттар

АТХ коды А05ВА

Фармакологиялық қасиеттері

Фармакокинетикасы

Препарат биологиялық тұрғыдан белсенді өсімдік текті заттардың кешені болып табылатындықтан кинетикалық қадағалаулар жүргізу мүмкін болмай отыр, барлық компоненттер маркерлердің немесе биозерттеулердің көмегімен қадағалануы мүмкін емес.

Фармакодинамикасы

Біріктілірген өсімдік препараты. Гепатопротекторлық және уыттануға қарсы әсерге ие. Лив.52 гепатопротекторлық әсері оның құрамына кіретін компоненттер антиоксидантты және жарғақша тұрақтандыратын қасиеттерге негізделген. Уыттануға қарсы әсері гепатоциттердің эндоплазмалық ретикулумының дегенерациядан қорғанысына негізделген. Препарат бауыр микросомальді ферментативтік жүйелерінің, оның ішінде Р-450 цитохромының белсенділігін қалпына келтіреді және жоғарылатады. Лив.52 ақуыз, холестерол және фосфолипидтер биосинтезін көтермелейді, бауыр жасушаларының регенерациясына ықпал етеді, дегенеративтік, майлы және фибриноздық өзгерістерді азайтады, жасушаішілік алмасуды күшейтеді. Препарат альбумин/глобулин арақатынасын қалпына келтірумен қандағы плазмалық ақуыздар деңгейін реттейді. Дислипидемия белгілерін азайта отырып, плазмалық трансаминазалар, холестерин, триглицеридтер деңгейінің қалпына келуіне ықпал етеді. Билирубин және сілтілік фосфатаза көрсеткіштерін төмендетеді. Бауырдың гликогенді жинақталу қабілетін арттырады. Өттің коллоидты қасиеттерін жақсартады, өт тастарының түзілуін алдын алады. Өт қабының жиырылу функциясын жақсартады. 

Ас қорыту және тамақтың сіңу үдерісін жақсартады. Гемопоэзды көтермелейді.

Лив.52 қан мен несептегі этанол деңгейін төмендетеді: ацетальдегиддегидрогеназа белсенділігін арттырады, бұл ацетальдегид деңгейінің төмендеуіне ықпал етеді, ацетальдегидтің ақуыздармен байланысуының алдын алады, оның несеппен бөлініп шығуын тездетеді. 

Қолданылуы 

-         реконвалесценция кезеңіндегі жедел вирустық гепатит (кешенді ем құрамында)

-         кез келген этиологиядағы созылмалы гепатит 

-         анорексия және әртүрлі генездегі салмақтың азаюы

-         туберкулезге қарсы, ісікке қарсы, контрацептивтік, бактерияға қарсы, ыстық түсіретін препараттардан, химиялық заттардан, алкогольден туындаған бауырдың уытты зақымдануларының профилактикасы.

Қолдану тәсілі және дозалары

Жедел вирустық гепатит, созылмалы гепатит

1 жастан 3 жасқа дейінгі балаларға – күніне екі рет 1/2 шай қасық, 3 жастан 8 жасқа дейін – күніне екі рет 1 шай қасық, 8 жастан 15 жасқа дейін – күніне 2-3 рет 1,5-2 шай қасық. 

Ересектерге күніне 3-4 рет 3 шай қасық.

Жедел вирустық гепатитті емдеу ұзақтығы 1 ай, созылмалы гепатит – 6 ай.

Анорексия және салмақтың азаюы

1 жастан 2 жасқа дейінгі балаларға күніне 2 рет ½ шай қасық, 2 жастан 8 жасқа дейін – күніне 2 рет ½ шай қасық, 8 жастан 15 жасқа дейін - күніне 2 рет 1,5-2 шай қасық.

Ересектерге күніне 2-3 рет 2 шай қасық.

Емдеу ұзақтығы 1 ай.

Бауырдың уытты зақымдануының профилактикасы үшін ұсынылған доза Ересектерге – күніне 3 рет 2-3 шай қасық. Ұзақтығы 1 ай.

Балаларға – күніне 2 рет 1 шай қасық. Ұзақтығы 1 ай.

Жағымсыз әсерлері

Болуы мүмкін

-         аллергиялық реакциялар (тері бөртпесі, қышыну)

-         диспепсиялық құбылыстар (нәжістің сұйықтауы)

Қолдануға болмайтын жағдайлар

-         препарат компоненттеріне жоғары сезімталдық

-         1 жасқа дейінгі балалар

-         жүктілік және лактация кезеңі

Дәрілермен өзара әрекеттесуі

Препарат қандағы Ибупрофен деңгейін төмендетеді, бұл сіңудің баяулауымен түсіндірілуі мүмкін. Тетрациклин мен доксициклиннің биожетімділігін төмендетеді.

Айрықша нұсқаулар

Жедел асқазан және ішек аурулары, қант диабеті бар науқастарға сақтықпен тағайындалады. Лив.52 шәрбатының 1 мл препаратында 0,032 НБ (нан бірлігі) қант бар.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Ықпал етпейді

Артық дозалануы

Ұзақ қабылдау, көп есе арттырылған доза сияқты уытты әсер етпейді. 

Шығарылу түрі және қаптамасы

100, 200 мл дөңгелек мойны және диаметрі 25 мм ROPP-қалпақшасы бар қалпақшамен тығындалған қоңыр түсті құтыларда. 1 құтыдан медициналық қолдану жөніндегі мемлекеттік және орыс тілдеріндегі нұсқаулықпен картон қорапқа салынған.

Сақтау шарттары

Жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі 

2 жыл

Жарамдылық мерзімі өткеннен кейін препаратты қолдануға болмайды!

Дәріханалардан басатылу шарттары

Рецептісіз

Өндіруші 

The Himalaya Drug Company, Үндістан

Макали, Бангалор, 562162 Үндістан.

www.himalayawellness.com

Тіркеу куәлінінің иесі

«Хималайя Драг Компани», Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы 

«Трансатлантик Алматы» ЖШС

Алматы қ-сы «Нұрлы Тау» ӨФО 

Әл-Фараби д-лы, 19, 2б блок, 901 кеңсе

тел 8 (727) 311-03-46/47

e-mail reg@transatlantic.kz