Ротавит Кальциум

Қолдану жөніндегі нұсқаулық

Құрамы

1 көпіршитін таблетканың құрамында

Белсенді заттар:    

кальций (кальций карбонаты түрінде) 1000 мг,

Д3 витамині (холекальциферол) 200 ХБ.

Қосымша заттар:   сусыз лимон қышқылы, алма қышқылы, аспартам, калий ацесульфамы, «Апельсин» хош иістендіргіші,полиэтиленгликоль 6000.

Сипаттамасы 

Көпіршитін таблеткалар. Ойығы бар ақ түсті дөңгелек жалпақ таблеткалар, жеңіл мәрмәрлығына жол беріледі, апельсин иісімен.

Ротавит Кальциумнің әсері құрамына кіретін компоненттердің әсерлерімен анықталады.

Кальций сүйек тіндерінің қалыптасуына, тістердің минерализациясына, жүйке өткізгіштігін және бұлшықеттердің жиырылуын реттеуге, тұрақты жүрек қызметін демеуге қатысады, қан ұю жүйесінің компоненті болып табылады.

Д3 витамині  ішекте кальцийдің сіңуін және оның сүйек тіндерінде байланысуын  күшейтеді, организмде кальций мен фосфордың алмасуын реттейді.

Кальций мен Д3 витаминін қолдану жоғары сүйек резорбциясының (сүйектерден кальцийдің шайылып шығуы) стимуляторы болып табылатын паратиреоидты гормонның (ПТГ) артық өндірілуін болдырмайды.  

Қолдану саласы

Кальций мен Д витаминінің қосымша көзі ретінде тағамға биологиялық белсенді қоспа түрінде ұсынылады. 

Қолданылуы 

- кальций мен  Д3 витамині тапшылығының даму қаупі жоғары немесе тапшы болғанда;

- кальций мен  Д3 витаминінің тапшылығы бар емделушілерде остеопорозды (менопаузальді, сенильді, стероидты) кешенді емдеу және алдын алуда;

- сүйектердің сынуында, сүйек тіндерінің жарақаттан кейінгі регенерация үдерісінің баяулауында кальций мен  Д3 витаминінің қосымша көзі ретінде.

Қолдану тәсілі және дозалары

Ротавит Кальциумды ас қабылдауға байланысты емес ішке қабылдайды. Бір таблетканы бөлме температурасындағы стақан суда ерітіп (200 мл), дайын бола салысымен сол сәтте ішу керек.

Остеопорозды кешенді емдеу кезінде – ересектерге 1 таблеткадан күніне 1 рет.

Профилактикалық алдын алу өнімі ретінде – ересектер мен 12 жастан асқан балаларға күніне 1 таблеткадан. 5-12 жас арасындағы балаларға толық емес доза түрінде (дайындалған ерітіндінің жартысы) күніне 1 таблеткаға дейін.

Кальций мен Д3 витамині тапшылығының орнын толтыру үшін емдеу курсының ұзақтығы 4-6 аптадан кем емес болу керек. Бір жыл ішіндегі қайта қабылдау  курсы дәрігермен жекелей анықталады.

Остеопорозды кешенді емдеу кезінде емдеу курсының ұзақтығы жекелей анықталады.

Айрықша нұсқаулар

Өнімді ұзақ уақыт бойы қолданған кезде кальций деңгейін анықтау үшін қан сарысуына және несепке, сондай-ақ креатинин клиренсін анықтау арқылы бүйрек функциясына мониторинг жүргізу ұсынылады. Мониторинг, әсіресе, жүрек гликозидтерін немесе несеп айдағыш өнімдерді қабылдап жүрген егде емделушілер үшін маңызды. Гиперкальциемия немесе бүйрек жеткіліксіздігі жағдайында, өнімнің дозасын қысқарту, не болмаса оны қабылдауды тоқтату керек. Егер несепте кальций деңгейі 24 сағат ішінде 7,5 ммоль-ден (24 сағат ішінде 300 мг) артқан жағдайда қабылдауды қысқарту немесе уақытша тоқтату  ұсынылады. 

Ротавит Кальциумді құрамында кальций мен Д3 витамині бар витаминді-минералды кешендермен бір мезгілде қолдану ұсынылмайды. Д3 витаминінің басқа да көздерден  қосымша келіп түсу мүмкіндігін ескеру керек. 

Бүйрек жеткіліксіздігі бар  емделушілерде Д3 витамині метаболизмінің бұрмалануы байқалады. Егер мұндай емделушілер холекальциферол қабылдаса, оның кальций мен фосфаттардың гомеостазына әсерін тексеру керек. 

Өзара байланысуы

Фенитоинді немесе барбитураттарды қатар қолдану метаболикалық белсенділіктің бәсеңдеуіне байланысты Д3витаминінің әсері төмендеуі мүмкін.  

Жүрек гликозидтерімен бір мезгілде емдегенде ЭКГ-ні және клиникалық жағдайды бақылау керек, өйткені кальций өнімдері жүрек гликозидтерінің емдік және уытты әсерлерін көтермелеуі мүмкін.  

Ішу арқылы бисфосфонаттарды, натрий фторидін немесе тетрациклиндерді қатар қолданған жағдайда, өнімді 3 сағаттан соң ғана қолдану ұсынылады (асқазан-ішек жолынан бисфосфонаттар, натрий фториді немесе тетрациклиндер сіңуінің төмендеу қаупі бар).

Тиазидті диуретиктерді қолданған жағдайда гиперкальциемияның пайда болу қаупі артады, өйткені олар кальцийдің өзекшелік реабсорбциясын арттырады. Фуросемид және басқа да ілмектік диуретиктер, керісінше, бүйрек арқылы  кальцийдің шығарылуын арттырады.

Өнімді глюкокортикостероидтармен қолдану кальций сіңуінің төмендеуіне әкелуі мүмкін.

Құрамында оксалаттар (қымыздық, саумалдық) және фитин (жарма) бар өнімдерді қабылдау кальцийдің сіңуін төмендетеді, сондықтан Ротавит Кальциумды  қымыздық, саумалдық, жарма қабылдағаннан кейін екі сағат бойы қабылдамау керек.

Шығарылу түрі және қаптамасы

Көпіршитін таблеткалар.

10 немесе 20 көпіршитін таблеткалар полипропилен силикагел пробкамен жабылған полипропилен тубада.  

1 туба мемлекеттік және орыс тілдеріндегі нұсқаулықпен бірге картон қорапта. 

Сақтау шарттары 

Құрғақ және ылғалдан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Жарамдылық мерзімі 

Өндірген күннен бастап 3 жыл.

Жарамдылық мерзімі өткеннен кейін қолдануға болмайды.  

Босатылу шарттары 

Дәріханалар жүйесі және арнайы дүкендер, сауда жүйесінің бөлімдері арқылы.

Мемлекеттік тіркеу куәлігінің

№ __________________________________

Тағамға биологиялық белсенді қоспа.

Дәрілік зат болып табылмайды.

Өндіруші

«КЕНДИ ЛТД», Болгария (Гурмазовск тас жолы 8, 2227 Божуриште).

“KENDY LTD”, Bulgaria (8 Gurmazovsko shose, 2227 Bozhurishte).

Сауда белгісінің және тіркеу куәлігінің иесі «РОТАФАРМ ЛИМИТЕД» компаниясы болып табылыды,ҰЛЫБРИТАНИЯ.

(“ROTAPHARM LIMITED”, GREAT BRITAIN).

Қазақстан Республикасының аумағында тұтынушылардан өнім (тауар) сапасы бойынша шағымдарды қабылдайтын ұйымның мекен-жайы: «Трока-С Фарма» ЖШС, Алматы қ-сы, Сүйінбай д-лы, 222Б

тел/факс: 8(7272)529090