Дәрілік заттың медицинада қолданылуы

жөніндегі нұсқаулық

Эссливер Н

Саудалық атауы

Эссливер Н

Халықаралық патенттелмеген атауы

Жоқ

Дәрілік түрі

300 мг капсулалар

Құрамы

Бір капсуланың құрамында

белсенді заттар: 300 мг эссенциальды фосфолипидтер,

қосымша заттар: натрий метилпарагидроксибензоаты, натрий пропилпарагидроксибензоаты, динатрий эдетаты, бутилгидрокситолуол, тальк, магний алюминий силикат гидраты,

капсуланың құрамы: метилпарагидроксибензоат, пропилпарагидроксибензоат, титанның қостотығы, тазартылған су, желатин.

Описание

Өлшемі № 0, ақ түсті, қатты желатинді капсулалар. Капсуланың ішіндегісі – ашық қоңыр түсті ұнтақ. Нығыздалған ұнтақ тәрізді масса түріндегі бөлшектердің болуына жол беріледі. 

Фармакотерапиялық тобы

Бауыр ауруларын емдеуге арналған препараттар.

АТЖ коды А05ВА

Фармакологиялық қасиеттері

Фармакокинетикасы

Фосфолипидтердің  90% жуығы аш ішекте сіңеді,олардың көп бөлігі А фосфолипазасы көмегімен 50%-ы қайтадан полиқанықпаған фосфатидилхолинге дейін ацетилденетін 1-ацил-лизофосфатидилхолинге дейін ыдырайды, ол лимфа тамырларымен қанға түседі де, одан негізінен жоғары тығыздықтағы липопротеиндермен байланысқан жағдайда бауырға түседі.  

Холин компонентінің жартылай шығарылу (Т1/2) кезеңі  66 сағатты, ал қанықпаған май қышқылдарынікі – 32 сағатты құрайды. Негізінен нәжіспен шығарылады. 

Фармакодинамика 

Гепатопротекторлық дәрі, препарат құрамына кіретін фосфолипидтер жасушалық қабық пен гепатоциттер митохондриясы құрылымындағы негізгі элементтер болып табылады. Липидтер мен көмірсу алмасуларын реттейді, бауырдың функционалдық жағдайы мен оның уытсыздандыру қызметін жақсартып, гепатоциттер құрылымының сақталуы мен қалпына келуіне ықпал етеді; бауырда дәнекер тіндердің қалыптасуын тежейді. 

Қолданылуы 

- жедел және созылмалы гепатитте

- шығу тегі әр түрлі бауырдың майлы дистрофиясында  

- уытты гепатитте, алкогольді гепатитте, бауырдың дәрілік зақымдануында  

Қолдану тәсілі 

Ішке қабылдауға арналған. Ересектер мен 12 жастан асқан балаларға: тамақтану кезінде 2 капсуладан күніне 2-3 рет, сұйықтықтың мол мөлшерімен бірге ішу керек. Емдеу курсының ұзақтығын аурудың ауырлығына байланысты дәрігер жекелей анықтайды. 

Жағымсыз әсерлері

- аллергиялық реакциялар (бөртпе, есекжем, қышыну)

- эпигастральді аймақта жайсыздықты сезіну, нәжістің аздап жібуі, диарея

Жоғарыда көрсетілген жағымсыз әсерлер пайда болған жағдайда,   әсіресе, жоғары сезімталдық жағдайларында препаратты қабылдауды тоқтату керек. Емделуші белгілерінің күрделілігін бағалау және жағымсыз әсерлерді кетіру үшін барабар шараларды қолдану үшін дәрігерге қаралу керек.

Қолдануға болмайтын жағдайлар

- препарат компоненттеріне жоғары сезімталдық

- 12 жасқа дейінгі балалар 

Дәрілермен өзара әрекеттесуі  

Антикоагулянттармен дәрілік өзара әрекеттесуі мүмкін. Бір мезгілде қабылдау жағдайында антикоагулянттардың дозасын түзету үшін емделушінің дәрігермен кеңесуі қажет. 

Айрықша нұсқаулар

Жүктілік және лактация кезеңі. Жүктілік және лактация кезеңінде қолданудың қауіпсіздігі және тиімділігіне зерттеу жүргізілмеген. 

Препаратты жүктілік және лактация кезеңінде қолдану ұсынылмайды. 

Педиатрияда қолданылуы

Препаратты 12 жастан кіші балаларға қолданудың қауіпсіздігі және тиімділігіне зерттеу жүргізілмеген.  

Препарат 12 жастан кіші балаларға қолданылмауы тиіс. 

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері               

Әсер етпейді.

Артық дозалануы

Артық дозалану жағдайлары анықталмаған  

Шығарылу түрі және қаптамасы  

Поливинилхлоридті үлбірден және алюминий фольгадан жасалған пішінді ұяшықты қаптамаға 10 капсуладан салынған.

3 пішінді қаптама  медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады. 

Сақтау шарттары

Құрғақ, жарықтан қорғалған жерде, 25 0С-ден аспайтын температурада сақтау керек. 

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Наброс Фарма Пвт. Лтд.», Үндістан 

National highway 8 Kajizipura Kheda

Тіркеу куәлігі иесінің атауы мен елі

«Наброс Фарма Пвт. Лтд.», Үндістан

National highway 8 Kajizipura Kheda

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның  мекенжайы:
Қазақстан Республикасындағы «Наброс Фарма Пвт. Лтд.» өкілдігі 
Мамыр 3 ы/а, д. 3А , 050036, Алматы қ., Қазақстан Республикасы 
тел.: +7 (727) 226 13 14, e-mail: nabros.almaty@gmail.com