Невралон

Дәрілік затты медициналық қолдану

жөніндегі нұсқаулық

НЕВРАЛОН

Саудалық атауы 

Невралон

Халықаралық патенттелмеген атауы

Жоқ

Дәрілік түрі

Ішекте еритін үлбірлі қабықпен қапталған таблеткалар 

Құрамы

Бір таблетканың құрамында

белсенді заттар:

                              тиамин гидрохлориді (B1 дәрумені)         250 мг

                              пиридоксин гидрохлориді (B6 дәрумені)  250 мг

                              цианокобаламин (B12 дәрумені)                 1 мг, 

қосымша заттар: маннитол, сусыз коллоидты кремнийдің қостотығы, прежелатинделген жүгері крахмалы, поливинилпирролидон, магний стеараты, этанол,

қабықтың құрамы: акрил-EZE® қызғылт 93О34305 (метакрил қышқылының сополимері, титанның қостотығы (Е171), тальк, триэтилцитрат, сусыз коллоидты кремнийдің қостотығы, натрий бикарбонаты, кармин қышқылы (Е120), натрий лаурилсульфаты, индигокармин алюминий лагы (Е132), тазартылған су.

Сипаттамасы

Дөңгелек пішінді, екі беті дөңес, қызғылт түсті үлбірлі қабықпен қапталған таблеткалар.

Фармакотерапиялық тобы

Дәрумендер. В1 дәрумені және оның В6 және В12  дәрумендермен біріктірілімі. В1 дәрумені В6 және В12 дәруменімен біріктірілімі.

АТХ коды А11DB

Фармакологиялық қасиеттері

Фармакокинетикасы

Тиамин гидрохлориді (В1 дәрумені) ішу арқылы қабылдағаннан кейін он екі елі ішек пен жіңішке ішекте кері сіңіріледі. Елеулі дәрежеде бауырда метаболизденеді және оның негізгі метаболиттері тиаминкарбон қышқылы және пирамин (2,5-диметил-4-аминопиридимин) болып табылады. Метаболиттер өзгермеген тиаминнің аздаған мөлшерімен бірге ішек және бүйрек арқылы шығарылады. 

Пиридоксин гидрохлориді (В6 дәрумені) ішектен жылдам сіңеді. Пиридоксальфосфат пен пиридоксаминфосфаттың фармакологиялық белсенді метаболиттерін түзе отырып, бауырдаметаболизденеді. В6 дәрумені СН2ОН-тобының 5-ші қалыпта фосфорлануынан, яғни пиридоксаль-5-фосфат (PALP) түзілуінен кейін коэнзим ретінде функция атқарады. 80% жуық PALP қан плазмасы ақуыздарымен байланысады. Пиридоксин негізінен бұлшықеттерде, бауырда және ОЖЖ жинақталады. Пиридоксин метаболизмінің ақырғы өнімі организмнен бүйрекпен шығарылатын 4-пиридоксил қышқылы болып табылады.  

Цианокобаламин (В12 дәрумені) цианокобаламиннің негізгі мөлшері «Касла ішкі факторымен» байланысқаннан кейін сіңіріледі. В12 дәрумен негізінен бауырда жинақталады. Қан сарысуынан жартылай шығарылу кезеңі шамамен 5 күнді, бауырдан – шамамен 1 жылды құрайды. Организмнен негізінен өтпен және несеппен шығарылады. 

Фармакодинамикасы

Невралон – В тобы дәрумендері біріктірілген препараты. В тобының нейротропты дәрумендері жүйке және қимыл-қозғалыс аппаратының қабыну және дегенеративтік аурулары кезінде жағымды әсер етеді, жоғары дозаларда ауыруды басатын әсері бар, қан ағымының күшеюіне ықпал етеді және жүйке жүйесінің жұмысы мен қан түзілу үдерісін қалыпқа түсіреді. 

Тиамин гидрохлориді (B1 дәрумені) маңызды белсенді зат болып табылады.  Организмде фосфорлану үдерісі нәтижесінде көптеген ферментті реакциялардың коферменті болып табылатын кокарбоксилазаға өзгереді. Көмірсу, ақуыз және май алмасуында, сондай-ақ синапстарда жүйке қозуын өткізу үдерістерінде маңызды рөл атқарады. Жасуша жарғақшаларын асқын тотықты тотығу өнімдерінің уытты әсерінен қорғайды. 

Пиридоксин гидрохлориді (B6 дәрумені) фосфорланған түрінде амин қышқылының декарбоксилдену және қайта аминделу үдерісіне, липид алмасуына қатысатын энзимдер құрамына кіреді. Шеткері жүйке жүйесі мен орталық  жүйке жүйесінің (ОЖЖ) қалыпты функция атқаруына қажет. 

Қос дәрумен физиологиялық функциясы жүйке-бұлшықет және жүрек-қантамыр жүйесіне оңды әсер етуінде байқалатын бір-бірінің әсерін үдету болып табылады. В6 дәруменінің тапшылығы кезінде тапшылықтың кең таралған жағдайы осы витаминдерді енгізгеннен кейін жылдам басылады. 

Цианокобаламин (B12 дәрумені) жасушалық метаболизм үдерістері үшін қажет. Қан түзілу функциясына әсер етеді (сыртқы анемияға қарсы фактор), холин, метионин, креатинин, нуклеин қышқылдарын түзуге қатысады, ауыруды басатын әсер береді.  

Қолданылуы

Кешенді ем құрамында:

- жедел немесе созылмалы неврит, полиневрит

- невралгия

- нейропатия және полинейропатия (диабеттік, алкогольді және т.б.)

Қолдану тәсілі және дозалары

Невралон таблеткаларын шайнамай, жеткілікті мөлшердегі сумен ішке қабылдайды. 

Профилактика үшін күніне 1 таблетка Невралон тағайындалады. 

Ауруды емдеу үшін – күніне 1 - 2 таблеткадан. Симптомдар азайғанда дозаны күніне 1 таблеткаға дейін төмендетуге болады. 

Емдеу курсы кем дегенде бір айды құрайды. 

Жағымсыз әсерлері

Сирек

- аллергиялық реакциялар (қышыну, есекжем, тыныс алудың қиындауы, Квинке ісінуі, анафилаксиялық шок)

-  пролактиннің босап шығуы тежеледі 

-  жүрек айну, асқазан-ішектен қан кету, қан плазмасында глютамин-қымыздықты сілтілік трансаминазалар белсенділігінің артуы

-  үрей сезімі, «тамақтағы түйнеу», тремор, кенеттен терлеп кету, әлсіздікті сезіну, бас айналу, мазасыздық

- безеу бөртпесі

- дене температурасының жоғарылауы, бет гиперемиясы

Бірлі-жарым жағдайларда 

- тахикардия, коллапс, цианоз, өкпе ісінуі

- ұзақ уақыт бойы жоғары дозаларда (>500 мг/күніне) шеткері сенсорлық нейропатияның туындауы мүмкін

Қолдануға болмайтын жағдайлар:

- препарат компоненттеріне жоғары сезімталдық 

- сыртартқыдағы аллергиялық диатез

- псориаз

- жүктілік және лактация кезеңі

- 18 жасқа дейінгі балалар мен жасөспірімдер

Дәрілермен өзара әрекеттесуі

В6 дәрумені леводопаның емдік тиімділігін төмендетеді.  

Тиосемикарбазон және 5-флюороурацил В1 дәрумені тиімділігін оның антагонистері бола отырып, төмендетеді.  

Антацидтер В1 дәруменінің сіңуін баяулатады. 

2 аптадан аса алкогольді немесе аминосалицилаттарды, немесе колхицинді (әсіресе аминогликозидтер біріктірілімін) шамадан тыс тұтыну асқазан-ішек жолынан B12 дәруменінің сіңіріуін азайтады.  

Ұзақ уақытқа созылған фолий қышқылының жоғары дозалары B12 дәруменінің концентрациясын төмендетуі мүмкін. 

Айрықша нұсқаулар

Жүрек жеткіліксіздігінің декомпенсацияланған түрі мен стенокардиясы бар пациенттерге сақтықпен қолдану керек. 

В6 дәруменінің  шамадан тыс күнделікті дозасы (5 айдан астам уақыт бойы 500 мг немесе одан көп) сирек жағдайларда шеткері сенсорлық нейропатияға әкеледі, ол әдетте препаратты қабылдап біткеннен кейін жоғалады. 

Псориазбен науқастарға ауру симптомдарының нашарлауы мүмкін болуына байланысты В12 дәруменін қабылдауға болмайды. 

Пиридоксин гидрохлориді безеу бөртпесінің туындауына түрткі болуы мүмкін. 

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сирек жағдайда препараты  қабылдағанда бас айналу, әлсіздік, мазасыздық және т.б. болуы мүмкін екенін ескере отырып, көлік құралдарын немесе қауптілігі зор механизмдерді баскаруда сақтық шараларын сақтау қажет.

Артық дозалануы

Симптомдар: сенсорлы нейропатия, препараттың жағымсыз әсері симптомдарының айқындылығының күшеюі. 

Емі: симптоматикалық ем жүргізеді.

Шығарылу түрі және қаптамасы  

10 таблеткадан ПВХ/ПВДХ үлбірден және алюминий фольгадан жасалған пішінді ұяшықты қаптамаға салынған . 

2 немесе 5 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады. 

Сақтау шарттары

Ылғалдан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл 

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз