Аскорбин қышқылы

дәрілік препарат (Қосымша парақ)

Саудалық атауы 

Аскорбин қышқылы

Халықаралық патенттелмеген атауы

---

Дәрілік түрі, дозасы  

Вена ішіне және бұлшықет ішіне енгізуге арналған ерітінді, 50 мг/мл

Фармакотерапиялық тобы 

Фармакотерапиялық тобы: Ас қорыту жүйесі және зат алмасу. Дәрумендер. Аскорбин қышқылы (С дәрумені), оның ішінде біріктірілімдері. Аскорбин қышқылы таза түрде. Аскорбин қышқылы.

АТХ коды A11GA01

Қолданылуы 

- гипо- және С авитаминозды емдеу (С дәруменін тез толықтыру қажет болғанда және пероральді қолдану мүмкін болмаған кезде).

- цинга.

Қолдану басталғанға дейін қажетті мәліметтер тізбесі

Қолдануға болмайтын жағдайлар   

- әсер етуші затқа (заттарға) немесе қосымша заттардың кез келгеніне аса жоғары сезімталдық

- қант диабеті

- гиперкоагуляция

- тромбозға бейімділік, тромбофлебит

- несеп-тас ауруы (оның ішінде гипероксалурия)

- бүйрек жеткіліксіздігі

- үдемелі қатерлі аурулар

- гемохроматоз 

- талассемия

- полицитемия

- лейкемия

- сидеробласты анемия 

- орақ тәрізді жасушалық анемия

- глюкоза-6-фосфатдегидрогеназа тапшылығы

Қолдану кезіндегі қажетті сақтық шаралары

Үлкен дозада қолданғанда бүйрек функциясын, артериялық қысымды (кортикостероидтардың түзілуін аскорбин қышқылымен стимуляциялау), сондай-ақ ұйқы безі функциясын (инсулярлық аппараттың бәсеңдеуі) бақылап отыру қажет.  

Үлкен дозалармен емді қайталанатын несеп-тас ауруына бейім науқастарға жүргізуге болмайды.  Бүйрек жеткіліксіздігі бар науқастарға кристаллурия қаупін төмендету үшін сұйықтықты жеткілікті тұтынуды (күніне 1,5-2 л) қамтамасыз ету қажет.

Аскорбин қышқылының үлкен дозаларын тұтыну кейбір зертханалық зерттеулердің нәтижелеріне әсер етуі мүмкін: несепте қанттың болуына жалған оң тест және нәжісте жасырын қанның болуына теріс тест, сондай-ақ билирубиннің қан сарысуындағы лактатдегидрогеназа және аминотрансферазалар концентрациясын, «бауыр» трансаминазаларының белсенділігін зерттеу кезінде нәтижелердің төмендеуі.

Организмде темір мөлшері жоғары пациенттер аскорбин қышқылын ең аз дозада қолдануы керек.  

Натрий мөлшері төмен диетада жүрген науқастарға препараттың жоғары дозаларын тағайындамаған жөн.  

Пролиферациялануы жылдам және метастаздалуы қарқынды ісіктері бар пациенттерге аскорбин қышқылын тағайындау үрдіс ағымын күшейтуі мүмкін.  Химиялық ем курсын өтіп жүрген пациенттерге химиялық емнен кейін препаратты 1-3 күннен ерте тағайындамау керек (ісікке қарсы препараттың жартылай шығару кезеңіне байланысты), өйткені өзара әрекеттесу мүмкіндігі туралы клиникалық деректер жоқ.   

Балалар 

Препаратты балаларға қолдануды «Қолдану тәсілі және дозалары» бөлімінен қараңыз.

Басқа дәрілік препараттармен өзара әрекеттесуі

Аскорбин қышқылы қандағы салицилаттар (кристалурия қаупін жоғарылатады), этинилэстрадиол, бензилпеницилин және тетрациклиндер концентрациясын жоғарылатады, қандағы пероральді контрацептивтер деңгейін төмендетеді.  Сілтілік реакциясы бар (оның ішінде алкалоидтар) препараттардың шығарылуын арттырады.  Жоғары дозада бүйректен мексилетиннің шығуын жоғарылатады.

Тетрациклиндер және ацетилсалицил қышқылы аскорбин қышқылының несеппен шығарылуын күшейтеді.    

Салицилаттармен және әсері қысқа сульфаниламидтермен бір мезгілде тағайындағанда несеп конкременттерінің түзілуінің қаупі артады.

Аскорбин қышқылының жоғары дозасы несеп рН төмендетуі мүмкін, осының салдарынан амфетаминнің және бір мезгілде қолданылатын тетрациклдік антидепрессанттардың өзекшелік реабсорбциясы төмендейді.  

Дефероксамин қабылдап жүрген пациенттерде темірдің экскрециясын жоғарылатады.

Кумарин және гепарин туындыларының антикоагулянттық әсерін, антибиотиктердің тиімділігін азайтады. Этил спиртінің залалсыздандыруын және жалпы клиренсін арттырады.

Изопреналиннің хронотропты әсерін және фенотиазин туындыларының емдік әсерін азайтады.

Барбитураттармен, примидонмен бір мезгілде қолданған кезде аскорбин қышқылының несеппен шығарылуын арттырады.

Аскорбин қышқылының тотығу-тотықсыздану ықтималдығы бар, нәтижесінде ол басқа препараттардың химиялық құрамын өзгерте алады. Сондықтан басқа дәрілік заттармен қолдану мүмкіндігін қарастыру кезінде олардың үйлесімділігіне көз жеткізу қажет.

Препарат темір тұздарымен, тотықтырғыштармен және ауыр металдардың тұздарымен, атап айтқанда мыспен үйлеспейді. Аскорбин қышқылының инъекцияға арналған ерітіндісі аминофиллинмен, блеомицин сульфатымен, эритромицин лактобионатымен, натрий нафциллинімен, натрий нитрофурантоинімен, конъюгацияланған эстрогендермен, натрий бикарбонатымен және сульфафуразол диэтаноламинімен үйлеспейді. Ерітінділердің рН немесе концентрациясына байланысты тұрақты болмайтын үйлесімсіздік хлорамфеникол натрий сукцинатымен байқалды. Алкоголь тұтыну және шылым шегу организмде оның қорын күрт төмендете отырып, аскорбин қышқылының бұзылуын (белсенді емес метаболитке айналуы) жеделдетеді.

Аскорбин қышқылын үлкен дозаларда қолданғанда және алкогольді бір мезгілде тұтынғанда дисульфирам тәрізді реакция дамуы мүмкін.

Арнайы ескертулер

Жүктілік немесе лактация кезінде

Жүктіліктің II-III триместрінде аскорбин қышқылының ең аз күнделікті қажеттілігі шамамен 60 мг құрайды. Аскорбин қышқылы плацентарлық бөгет арқылы өтеді. Жүкті әйелдер қабылдайтын аскорбин қышқылының жоғары дозаларына шарананың бейімделуі мүмкін екендігін ескерген жөн және содан соң жаңа туған нәрестелерде «тоқтату» реакциясы сияқты аскорбин ауруының дамуы мүмкін.   Сондықтан жүктілік кезеңінде, анаға ықтимал пайдасы шаранаға төнетін ықтимал қауіптен асып түсетін жағдайларды қоспағанда, препаратты жоғары дозаларда тағайындауға болмайды.

Бала емізу кезеңінде аскорбин қышқылына ең төменгі күнделікті қажеттілігі – 80 мг. Аскорбин қышқылының баламалы мөлшері болатын ана диетасы жаңа туған нәрестенің тапшылық профилактикасы үшін жеткілікті.  Аскорбин қышқылы емшек сүтіне енеді. Теориялық тұрғыдан алғанда, аскорбин қышқылының жоғары дозаларын (бала емізу кезеңінде аскорбин қышқылына күнделікті қажеттілікті асырып жібермеу ұсынылады) анасы тұтынғанда бала үшін қаупі болады. Препараттың жоғары дозаларын тағайындау қажет болған жағдайда бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат ұсынылатын дозаларда автокөлікті басқару немесе басқа механизмдермен жұмыс істеу қабілетіне әсер етпейді.  

Қолдану бойынша ұсынымдар

Дозалау режимі 

Дозалар аурудың сипаты мен ауырлығын ескере отырып, жеке белгіленеді.

С гиповитаминозы және геморрагиялық диатезі болғанда ересектерге әдетте күніне 50-150 мг тағайындалады. Цинга және қан кету кезінде тәуліктік доза 300-500 мг дейін артады. Ең жоғары бір реттік доза 200 мг, тәуліктік – 1 г.

Пациенттердің ерекше топтары

Балалар

12 жасқа дейінгі балаларға 5% ерітінді (0,5-2 мл) түрінде дене салмағына 
5-7 мг/кг тәуліктік дозада вена ішіне тағайындайды. 

Әдетте балалар үшін тәуліктік дозалар мынаны құрайды: 

6 айға дейінгі жаста – 30 мг, 

6-12 ай – 35 мг, 

1-3 жыл – 40 мг, 

4-10 жас – 45 мг, 

11-14 жас – 50 мг. 

Ең жоғары тәуліктік доза – 100 мг.

Бүйрек жеткіліксіздігі бар пациенттер

Бүйректе тас түзілуі қайталанатын пациенттер үшін аскорбин қышқылының тәуліктік дозасы 100-200 мг аспауы тиіс.  Ауыр немесе терминалдық бүйрек жеткіліксіздігі бар пациенттер үшін (диализдегі науқастар) аскорбин қышқылының тәуліктік дозасы 50-100 мг аспауы тиіс.   Глюкоза-6-фосфатдегидрогеназа тапшылығы бар науқастар үшін аскорбин қышқылының тәуліктік дозасы 100-500 мг аспауы тиіс.  

Қолдану тәсілі 

Аскорбин қышқылы дәрігердің тағайындауы бойынша қолданылады.

Вена ішіне сорғалатып немесе тамшылатып енгізуге және бұлшықет ішіне тағайындайды.  

Вена ішіне 1-3 минут бойына сорғалатып енгізіледі.    

Вена ішіне тамшылатып енгізу үшін препараттың бір реттік дозасын 50-100 мл 0,9% натрий хлориді ерітіндісінде ерітеді және минутына 30-40 тамшы жылдамдықпен баяу вена ішіне инфузиялық жолмен енгізеді. 

Бұлшықетке терең бұлшықетішілік енгізіледі.  

Артық дозалану жағдайында қабылдануы қажет шаралар 

Симптомдары:аскорбин қышқылының үлкен дозалары диареяны қоса, асқазан-ішек бұзылыстарын туындатуы, сондай-ақ гипероксалурияға және оксалатты конкременттер түзілуіне әкелуі мүмкін.  Тәулігіне 600 мг асатын дозалар диурездік әсерін көрсетеді.  Вена ішіне жоғары дозада енгізген кезде жүктіліктің үзілу қаупі туындауы мүмкін.  

Артериялық гипертензия, гипергликемия, глюкозурия, тромбоэмболиялық асқынулардың, нефролитиаздың дамуы тән.

Емі: препарат қолдануды тоқтату, симптоматикалық ем.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Препаратты әрдайым қосымша параққа немесе емдеуші дәрігердің ұсынымдарына сәйкес қабылдаңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар 

Жағымсыз реакциялар жүйелік-ағзалық жіктемеге сәйкес бөлінген.

Аскорбин қышқылы, әдетте, көтерімділігі жақсы, алайда келесі жағымсыз құбылыстар дамуы мүмкін.    

Қан жүйесі және лимфа жүйесі тарапынан бұзылулар: жоғары дозаларда ұзақ пайдаланған кезде – тромбоцитоз, гиперпротромбинемия, тромбоз, эритроцитопения, нейтрофильді лейкоцитоз, гипокалиемия.

Иммундық жүйенің бұзылуы: анафилаксиялық шок, аллергиялық реакциялар.

Жүйке жүйесі тарапынан бұзылулар: бас ауыруы, шаршағанды сезіну, жоғары дозада ұзақ уақыт бойы қолданғанда – ұйқының бұзылуы, орталық жүйке жүйесі қозғыштығының жоғарылауы, бас айналу, ұйқысыздық.

Асқазан-ішек жолдары тарапынан бұзылулар: жүрек айну, диарея, асқазанның түйілуі, асқазанның ауыруы.

Бүйрек және несеп шығару жолдары тарапынан бұзылулар:гипероксалатурия; жоғары дозада ұзақ уақыт бойы қолданған кезде – бүйректің гломерулярлық аппаратындағы зақымданулар, кальций оксалаттарымен бүйрек тасының түзілуі. 

Тері мен тері асты тіндері тарапынан бұзылулар: өте сирек – тері бөртпесі, тері гиперемиясы, қышыну.

Зат алмасу және тамақтану тарапынан бұзылулар: С гипервитаминозы, жоғары дозада ұзақ уақыт бойы қолданған кезде – ұйқы безінің инсулярлық аппараты функциясының бәсеңдеуі (гипергликемия, глюкозурия) және гликоген синтезі, натрий мен сұйықтықтың іркілуі, мырыш пен мыс алмасуының бұзылуы. 

Қан тамырлары тарапынан бұзылулар: капиллярлар өткізгіштігінің төмендеуі, тін трофикасының нашарлауы; жоғары дозада ұзақ уақыт бойы қолданған кезде – миокард дистрофиясы, артериялық қысымның жоғарылауы, микроангиопатия дамуы.  

Жалпы бұзылулар және енгізілген орындағы бұзылулар: вена ішіне енгізгенде күйдіруді сезінуі мүмкін.

Жүктілік ағымына, босанғаннан кейінгі және перинаталдық жағдайларға әсері: жоғары дозада вена ішіне енгізгенде – жүктілікті тоқтату қаупі.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек 

ДП «пайда-қауіп» арақатынасының үздіксіз мониторингін қамтамасыз ету мақсатында ДП тіркелгеннен кейін күмәнді жағымсыз реакциялар туралы хабарлау маңызды. Медицина қызметкерлеріне ДП кез келген күмәнді жағымсыз реакциялары туралы ҚР жағымсыз реакциялар туралы жариялаудың ұлттық жүйесі арқылы хабарлау ұсынылады. 

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК 

http://www.ndda.kz

Қосымша мәліметтер

Дәрілік препараттың құрамы 

1 л препараттың құрамында

белсенді зат - аскорбин қышқылы, 50,0 г

қосымша заттар - екі көмір қышқылды натрий (натрий гидрокарбонаты) - 23,85 г, сусыз натрий сульфиті (натрий сульфиті) - 2,0 г, инъекцияға арналған су - 1 л дейін.

Сыртқы түрінің, иісінің, дәмінің сипаттамасы

Мөлдір сәл боялған сұйықтық

Шығарылу түрі және қаптамасы

2 мл-ден бейтарап шыны ампулада. 

10 ампула медициналық қолдану жөніндегі қазақ және орыс тілдеріндегі нұсқаулықпен, ампулаларды ашуға арналған пышақпен немесе  ампула скарификаторымен бірге картон қорапта.

Сындыруға арталған кертіктері, сақиналары және нүктелері бар ампулаларды пайдаланған кезде ампулаларды ашуға арналған пышақ немесе ампулалық скарификатор салынбайды.

Сақтау мерзімі 

2 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 5-тен 25 ºС-ге дейінгі температурада сақтау керек. 

Балалардың қолы жетпейтін жерде сақтау керек! 

Дәріханалардан босатылу шарттары 

Рецепт арқылы

Өндіруші туралы мәліметтер 

"ДАЛЬХИМФАРМ" ААҚ, 680001, Ресей Федерациясы, Хабаровск өлкесі, Хабаровск қ., Ташкентская к-сі, 22, тел/факс (4212) 53-91-86.

Тіркеу куәлігінің ұстаушысы

"ДАЛЬХИМФАРМ" ААҚ, 680001, Ресей Федерациясы, Хабаровск өлкесі, Хабаровск қ., Ташкентская к-сі, 22, тел/факс (4212) 53-91-86.

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)  

«МедЛайн Фармацевтика» ЖШС

Қазақстан Республикасы, 050011, Алматы қ., Сүйінбай даңғылы, 258 В, тел. 8 (727) 390-29-50, 8 (727) 390-29-42.