Апилак

Дәрілік заттың медицинада қолданылуы

жөніндегі нұсқаулық

АПИЛАК ГРИНДЕКС

Саудалық атауы

Апилак Гриндекс

Халықаралық патенттелмеген атауы

Жоқ

Дәрілік түрі

Соруға арналған 10 мг таблеткалар 

Құрамы

Бір таблетканың құрамында

белсенді зат –10 мг лиофилизацияланған апилак,

қосымша заттар: лактоза моногидраты, тальк, кальций стеараты, картоп крахмалы. 

Сипаттамасы

Таблетка бетінде және бөлген жерінде ақшыл немесе аздап сарғыш түсті ақтау болады, ойығы бар тегіс цилиндр түрінде. Ұсақ сарғыш теңбілдерге жол беріледі. 

Фармакотерапиялық тобы

Жалпы сергіткіш препараттар. 

АТЖ коды А13А

Фармакологиялық қасиеттері

Фармакодинамикасы

Апилак немесе ара анасының сүті жас аралар өңдейтін аллотрофиялық бездерінің сөлінісі болып табылады. 

Апилак биологиялық белсенді заттың қоспасы болып табылады, оның құрамына мыналар кіреді:

витаминдер (C, В1, B2, B5, B6, B8, B12, H, фолий қышқылы, инозитол)

макроэлементтер (K, Na, Ca, Mg, Fe, P) және микроэлементтер (Zn, Mn, Cu, Co, S, Si, Ni, Cr, As, Bi)

23 әртүрлі амин қышқылдары, оның ішінде алмастырылмайтын (мысалы, гистидин, валин, метионин, триптофан)

басқадай биологиялық белсенді заттар (мысалы, холинэстераза ферменті, ацетилхолин медиаторы).

Жалпы сергітетін, антиспастикалық әсерге ие, жұқпаларға организмнің қарсыластығын және стрестерге төзімділікті жоғарылатады, зат алмасуын көтермелейді.

Қолданылуы

- ауруды өткергеннен кейінгі сауығу кезеңінде

- босанғаннан кейінгі кезеңде лактацияның бұзылуында 

- балаларда тәбеттің болмауында

- невроздық бұзылуларда және артериялық гипотензияда (қосымша дәрі ретінде)

Қолдану тәсілі және дозалары

Ересектер тәулігіне 1 таблеткадан 3 рет, үш жастан асқан балалар 10-15 күн бойы тәулігіне 1 таблеткадан 2 рет. Таблетканы тіл астына қойып, толық ерігенге дейін қалдыру керек (ішке қабылдаған кезде препарат асқазан сөлінің әсер етуі арқылы сіңеді).

Жағымсыз әсерлері

- аллергиялық реакциялар

- ауыздың кеберсуі

- тахикардия

- ұйқының бұзылуы

Қолдануға болмайтын жағдайлар

- препарат құрамдастарының қандай да біріне және ара өнімдеріннен жасалған басқадай заттарға асқын сезімталдықта 

- Аддисон ауруында

Дәрілермен өзара әрекеттесуі

Анықталмаған.

Айрықша нұсқаулар

Апилак Гриндекс таблеткалары аллергиялық реакцияларды туғызуы мүмкін.

Апилак Гриндекс таблеткаларының құрамында лактоза бар. Галактозаны сирек туа біткен көтере алмайтын, Lapp лактазаға немесе глюкоза-галактоза малабсорбциясына деген тапшылығы бар емделушілер бұл дәріні қабылдауға болмайды. 

Ұйқы бұзылған кезде дозаны азайту немесе препаратты қабылдауды тоқтату керек.

Жүктілік және лактация кезеңінде

Жүктілік және лактация кезеңінде препаратты қолдануға болады.

Педиатрияда қолдану

Үш жастан кіші балаларға тіл астына қойылатын таблеткаларды тағайындауға болмайды. 

Дәрілік заттың көлік құралдарын немесе қауіпті деп саналатын механизмдерді басқару қабілетіне әсер ету ерекшелігі 

Препарат көлікті жүргізу және техникалық қондырғылармен жұмыс істеу қабілетіне әсер етпейді. 

Артық дозаланғанда

Белгілері: артық қолданған кезде зат алмасу үдерісі баяулайды, мысалы, күніне 2,5 г қолданғанда енжарлықты туғызады.

Емдеу: препартты қабылдауды тоқтату керек.

Шығарылу түрі және қаптамасы

Соруға арналған 10 мг таблеткалар.

Поливинилхлоридті үлбірден және алюминийлі фольгадан жасалған пішінді ұяшықты қаптамада 25 табеткадан. 

1 пішінді ұяшықты қаптама мемлекеттік және орыс тілдерінде жазылған нұсқаулықпен бірге картоннан жасалған пәшкеге салынған. 

Сақтау шарттары

Құрғақ, жарықтан қорғалған жерде, +25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолданбау керек.

Дәріханалардан босатылу шарттары 

Рецептісіз 

Өндіруші

«Гриндекс» АҚ. Крустпилс к-сі, 53, Рига, LV-1057, Латвия