Д3 Вит

Тағамға биологиялық белсенді қоспа

D3Vit

Шығарылу түрі

Ішке қабылдауға арналған спрей түріндегі майлы ерітінді 30 мл

Спрейдің 1 дозадағы/бүріккіш құрамы:

Белсенді ингредиенттер: D3 дәрумені (холекальциферол) -12,5 мкг (500 ХБ)

Қосымша заттар: кокос майы ОТТ -  0,178 мл

Сипаттамасы:

Сары түсті майлы біртекті сұйықтық.

Биологиялық белсенді компоненттердің қасиеттері:

Холекальциферол - бұл адам ағзасының барлық мүшелері мен жүйелерінің қызметін қамтамасыз ету үшін маңызды майда еритін дәрумен. D дәрумені фосфор-кальций алмасуын реттеуге қатысады: ішекте кальций сіңуіне көмектеседі, қандағы кальций мен фосфордың қажетті деңгейін сақтайды, сүйек метаболизмін белсендіреді. Сүйектердің беріктігін қамтамасыз етуге және рахит, остеомаляция даму қаупін азайтуға ықпал етеді.  D дәрумені тістің қатты тінінің негізгі құрамдас бөлігі болып табылатын дентиннің өндірісін белсендіре отырып, тістерді нығайтады.Бұлшықет күші мен жүйке-бұлшықет өткізгіштігін сақтауға көмектеседі. D дәрумені барлық дерлік эндокриндік бездердің жұмысын реттеуге қатысады. Ол әйелдер мен ерлердің жыныстық гормондарының синтезін ынталандырады: эстрогендер, прогестерон, тестостерон. Қалқанша және қалқанша жанындағы бездердің, бүйрек үсті безінің қабығының, сондай-ақ инсулин шығаратын ұйқы безінің бета-жасушаларының қалыпты жұмысын сақтауға көмектеседі. D дәрумені әйелдерде де, ерлерде де репродуктивті функцияға оң әсер етеді, оның ішінде жүктілікті жоспарлаған немесе бала көтеруде қиындық көретін жұптарда. D дәрумені көмірсулар мен май алмасуын жақсартуға көмектеседі. D дәрумені глюкоза мен инсулиннің метаболизміне оң әсер етеді, ал D дәрумені тапшылығы инсулинге төзімділіктің, глюкозаға төзімділіктің бұзылуының қауіп факторы болып табылады. D дәрумені жүрек-тамыр жүйесінің қызметін сақтауда маңызды рөл атқарады: ішкі қабат пен тамырлардың бұлшықет қабырғасына, сондай-ақ қанның ұю процестеріне оң әсер етеді. Туа біткен және жүре пайда болған иммунитетке оң әсер ете отырып, сау иммундық функцияны сақтауға көмектеседі. D дәрумені жүйке жүйесінің қызметін реттеу процестеріне қатысады, когнитивті функцияларға оң әсер етеді: есте сақтау, зейін, ақпаратты сіңіру қабілеті, жұмыс қабілеттілігі. D дәрумені терідегі алмасу процестерді жақсартуға, оның қорғаныс қасиеттерін арттыруға және тері жасушаларының жұмысын қалпына келтіру бағдарламаларын бастауға көмектеседі. D дәрумені  теріні фотоқартаюдан қорғау факторы болып табылады, онда терінің тосқауылдық функциясы және коллаген өндірісі төмендейді, тері серпімділігін жоғалтады, құрғақ және бос болады, қабыну өзгерістерінің дамуына бейім болып кетеді. D дәрумені асқазан-ішек жолдары мен бауырдың жұмысына оң әсер етеді.

Қолданылуы:

Көмекші құрал ретінде қолданылады:

- сүйек тінінің дұрыс қалыптасуы мен дамуы үшін;

- қандағы кальций деңгейін қалыпқа келтіруге;

- остеопороз кезінде;

- тістің сауығуына ықпал ету үшін;

- кальций мен фосфорды сіңіруге;

- ағзаның иммундық жүйесін қолдау үшін;

- шаршауды басу және тонусты жоғарылатуға;

- есте сақтау мен концентрацияны жақсарту үшін;

- ағзадағы алмасу процестерді қалыпқа келтіруге;

- терінің, тырнақтың және шаштың жай-күйін жақсарту үшін;

- жүктілік және лактация кезінде D дәруменінің нормасын сақтауға;

- әйелдерде етеккір циклінің бұзылуында оң нәтижеге жету үшін.

Қолдану тәсілі: ересектерге күніне 1 рет спрейдің 1 дозадан (1 бүркуден).

Қабылдау ұзақтығы: 1 айдан және одан ұзақ.

Қолдануға болмайтын жағдайлар:

ББҚ құрамына кіретін компоненттеріне жеке төзбеушілік.

D3 гипервитаминоз және гиперкальцемия кезінде пайдалануға болмайды.

Сақтық шаралары:

Ұсынылған мөлшерден аспау керек. Қолданар алдында дәрігермен кеңесу керек. Тағамға биологиялық белсенді қоспа толық және әр түрлі тамақтану рационын алмастырмайды.

Сақтау шарттары:

Құрғақ, қараңғы жерде, 25ºC-ден аспайтын температурада сақтау керек. Балалардың қолы жетпейтін жерде сақтау керек.

Қаптамасы:

Полиэтилен бүріккіш-тығынмен жабылған 30 мл шыны бөтелке. Бөтелке қолдану жөніндегі мемлекеттік және орыс тілдеріндегі нұсқаулықпен бірге картон қорапқа қапталған.

Жарамдылық мерзімі: 3 жыл.

Жарамдылық мерзімі бастапқы және қайталама қаптамада көрсетілген. Жарамдылық мерзімі өткеннен кейін қолдануға болмайды.

Дәрі-дәрмек болып табылмайды.

Тағамға биологиялық белсенді қоспа. ГМА жоқ.

Өндіруші:

«L.E.V.»/Ekstraktu rupnica/ Ltd., Глудская болысы, Елгавский өлкесі, Латвия Республикасы, LV-3040.

Тұтынушылардан шағымдарды қабылдауға дайындаушы уәкілеттік берген тұлға:

«Pharmaline» ЖШС, Қазақстан Республикасы, Алматы қ., Шамиева к-сі, 11 үй.

Тел: + 7 (727) 338-48-14, е-mail:info@ pharmaline.kz

Импорттаушы: «Аманат» ЖШС, Қазақстан Республикасы, Қарағанды қ., С.Сейфуллин даңғ. 107/3