ИС Остеофитин

150 мл шәрбат түріндегі тағамға биологиялық белсенді қоспаны қолдану жөніндегі ұсынымдар

ИС ОСТЕОФИТИН

Құрамы 

5 мл шәрбаттың құрамындағы белсенді заттар: D3 дәрумені (холецальциферол 300 ХБ) 7,5 мкг. Кальций (глицерофосфат түрінде) 500 мг, Магний (магний хлориді түрінде) 12,5 мг, Мырыш (мырыш сульфаты түрінде) 8 мг, Инозит 100 мг.

Қосымша заттар: сахароза, лимон қышқылы (қышқылдықты реттегіш), «Апельсин» табиғи дәмді-хош иісті қоспасы (апельсин шырынының 100% концентраты), «Апельсин» табиғи хош иістендіргіші (апельсин қабығынан алынған 100% эфир майлары), тазартылған су.

Сипаттамасы

«ИС Остеофитин шәрбат» (IS Osteofitin syrup) тағамға биологиялық белсенді қоспа көлемі 150 мл, күңгірт түсті пластик немесе шыны құтыдағы апельсиннің өзіне тән иісі бар бөгде қоспаларсыз, ақ түсті сәл тұтқыр, мөлдір емес сұйықтық болып табылады. 

ИС Остеофитин - кальций, магний, мырыш, D3 дәрумені және инозитол тапшылығын толығатын біріктірілген өнім. Кальций - сүйектердің, тістің және жұмсақ тіндердің негізгі құрылымдық компоненті.

Нейробұлшықет өткізгіштігін, гормондардың, медиаторлардың және ферменттердің секрециясын реттейді, қантамырлардың тонусын және қан ұю процестерін, сондай-ақ фосфор-кальций алмасуын бақылайды. Сүйек тінінің минералдануын, сүйек массасының тығыздануын тездетеді. Жүйке импульстарының берілуінде қажетті рөл атқарады, сүйек тіндерінің пайда болуы және тістің қалыпты минералдануы, қанның ұю жүйесінің жұмыс істеуі, жүйке және бұлшықет талшықтарындағы импульстардың өткізгіштік процестерін қамтамасыз ету, жүректің дұрыс жұмыс істеуін қамтамасыз ету үшін қажет. D3 дәрумені - кальций-фосфор алмасуын реттеуге қатысады, ішекте кальций мен фосфордың сіңуін және олардың реабсорбциясын күшейтеді.

Сүйектердің минералдануына, балаларда сүйек қаңқасы мен тістің пайда болуына ықпал етеді, оссификация процесін күшейтеді.

Иммундық жүйенің гемостазының маңызды буыны болып табылады: аутоиммунды аурулардың алдын алады (СД, РС, РА). Д дәрумені оның онкопротекторлық әсерін туындататын антипролиферативті және дифференциациялайтын әсерлерге ие.

Магний көптеген процестерге қатысады – энергияны өндіруде, глюкозаны сіңіруде, жүйке сигналын беруде, ақуыздар синтезінде, сүйек тінінің құрылымында, бұлшықет талшықтарын босаңсытуда. Магнийдің аса маңызды мәні - табиғи стресске қарсы фактор ретінде қызмет етуі, ол орталық жүйке жүйесіндегі қозу процестерін тежейді, көптеген ферменттердің кофакторы немесе активаторы ретінде қатысады. Мырыш иммундық жүйенің қалыпты жұмыс істеуі үшін қажет, маңызды физиологиялық функцияларды (жасушалардың өсуі мен метаболизмі (зат алмасу), ақуыздардың синтезі, жаралардың жазылуы), соның ішінде адам организміндегі бөгде бактериялар мен вирустарға қарсы қорғанысты қамтамасыз ететін ферменттер мен кешендердің құрамына кіреді, эритроциттердің және қанның басқа да формалық элементтерінің пайда болуы үшін қажет; көру өткірлігін, дәм мен иіс сезуді, тері мен шаштың саулығын қамтамасыз етеді. Инозит - бұл дұрыс ұйқының дәрумені, стресспен күресуге көмектеседі, тыныштандыратын әсер етеді, организмге қалыпты бұлшықет тонусы үшін қажет. Көру жүйесінің жұмысын жақсартуға көмектеседі, көздің шаршауын жеңілдетеді, есте сақтау, зейін қою мен жұмыс қабілетін жақсартады, мидың қажуын азайтады. Репродуктивті жүйенің жұмысында сперматозоидтар өндірілуінің және аналық жасуша бөлінуінің негізгі активаторларының бірі ретінде үлкен рөл атқарады. Инозит организмдегі мырыш пен мыс деңгейін теңестіреді, көптеген ферменттердің құрамына кіреді, липидтер алмасуын белсендіреді, соның арқасында организмде майлар күйіп кетеді, осылайша семіздікке жол бермейді.

Қолдану саласы

Кальций, магний, мырыш және D3 дәрумені, инозитолдың қосымша көзі ретінде тағамға биологиялық белсенді қоспа ретінде ұсынылады.

Қолданылуы 

- кальций, магний, мырыш және D3 дәруменінің жеткіліксіздігі. 

- рахиттің профилактикасы және емдеу: остеопатиямен, спазмофилиямен, сүйек түзілу үдерістерінің бұзылуымен және тіс жарылуының кідірісімен, организмнің қарқынды дамуы кезеңінде бой өсуінің баяулауымен қатар жүретін кальций алмасуының бұзылуы; 

-  генезі әртүрлі остеопороздың профилактикасы, кальций алмасуының бұзылуы және сүйектердің сынуы;

- D3 дәрумені мен кальцийге деген қажеттілік артатын жағдайлар;

- бала емізетін және/немесе жасанды тамақтанатын, ауада аз болатын балалар;

- мальабсорбция синдромы, созылмалы диарея, гастрэктомия;

- жүйке жүйесінің жүдеуі, аса жоғары қозғыштық, қатты қажу, ұйқының бұзылуы, бұлшықеттердің ауыруы және түйілуі;

- стеаторея;

- гормональді ем, құрысуға қарсы дәрілер, иммуносупрессанттар, құрамында алюминий бар антацидтер, диуретиктер алатын науқастар.

Қолдану тәсілі және дозалар

Өнімді тамақтан 15-20 минут бұрын ішке қабылдайды. Қолданар алдында құтыны шайқау қажет. 0 айдан 3 жасқа дейінгі балаларға - 0,5 мл - ден күніне 1 рет. 3 жастан 12 жасқа дейінгі балаларға – 5 мл-ден күніне 1 рет. 12 жастан асқан балаларға және ересектерге – 5 мл-ден күніне 2 рет. Жүкті және бала емізетін әйелдерге - 5 мл-ден күніне 1-2 рет. Шәрбатты дозалау үшін 2,5 мл, 3 мл, 5 мл, 7,5 мл, 10 мл, 15 мл бөліктерге бөлінген стақан қолданылады.

Қабылдау ұзақтығы: 1 ай. Қажет болса, емдеуді қайталауға болады. Бір жыл ішінде қайта қабылдау мүмкін.

Қолдануға болмайтын жағдайлар

Өнімнің компоненттеріне жеке көтере алмаушылық немесе жоғары сезімталдық. Препаратты қолданар алдында ересектер мен балаларға дәрігермен кеңесу ұсынылады. 

Шығарылу түрі

150 мл-ден сақтандыру сақинасымен жабдықталған, бұралатын қорғаныш қақпағы бар, күңгірт шыныдан жасалған құтыдағы ішке қабылдауға арналған шәрбат. 1 құты нұсқаулықпен және өлшеуіш стақанмен бірге картон қорапта.

Өткізу шарттары 

Дәріхана желісі және мамандандырылған дүкендер, сауда желісінің бөлімдері арқылы өткізу. Тағамға биологиялық белсенді қоспа. 

Сақтау шарттары

Құрғақ, тікелей күн сәулесінен қорғалған жерде 25 С-ден аспайтын температурада сақтау керек. Балалардың қолы жетпейтін жерде сақтау керек! Ашқаннан кейін құтыны тоңазытқышта бір айдан артық сақтауға болмайды. 

Сақтау мерзімі – дайындалған күннен бастап 2 жыл. Жарамдылық мерзімі өткеннен кейін қолдануға болмайды.

Өндіруші

Bless Laboratories Factory № 179, 1.5 km, Kattar Band Road, Off Multan Road, Thokar Niaz Baig, Lahore, Pakistan.